رد: عايز تروح اى محافظة او مكا ن داخل مصر
 

يعنى تنصح الراجل انه ميروحش وطالب منى اقوللك هيا فين (ههههههههههههه) انت شكلك بتحبنى اوى ومع ذلك جاوبنا قدر المستطاع

رد: عايز تروح اى محافظة او مكا ن داخل مصر
 

الاسكندرية شرم الشيخ هتركب عربيتك لحد الدولى فى ابيس وتركب الدولى هتنزل بلد اسمها الزرقا تكمل كأنك رايح دمياط وتدخل من باب الحرس على الدول وتكمل لحد كوبرى الفردان قبل بورسعيد ب5 كيلو وتدخل سينا وطريقك صحراوى بعد كده حتى شرم الشيخ

رد: عايز تروح اى محافظة او مكا ن داخل مصر
 

يعنى انت المناور ومش عارف تعمل مناورة فى الزحمة وتدخل عين الصيرة (هههههههه)
عموما لو انت فى وسط البلد تدخل ميدان التحرير ثم اليمين التانى من جنب جامع عمر مكرم تمشى لاخر الشارع هتلاقى اشارة تدخل بعدها (مش معاها ) يمين هتلاقى فندق سميراميس جنبك على الشمال تكسر شمال مع النيل لحد المنيل تكمل هتلاقى كوبرى ادامك متطلعوش خش من تحته وتكسر يمين لان ملكش شمال هتلاقى سينما فاتن حمامة على شمالك اول يو ترن شمال تلف وترجع هتعدى من تحت الكوبرى هتلاقى ف وشك نفق ادخله وكمل على طول لحد متلاقى المرور وحديقة الفسطاط ولو انت جاى من حتة تانية مصر الجديدة او مدين نصر او الزيتون او عين شمس او المطرية او مدينة السلام او مكان فى شرق القاهرة تدخل من صلاح سالم افضل واسهل بكتير

رد: عايز تروح اى محافظة او مكا ن داخل مصر
 

هههههههههههههههههه انتو فعلا عايزين تعقدونى مش تستفيدو من خرايط السير عموما زيزو نتانة ده مطعم فعلا موجود اسمه زيزو ادام بوابة النصر بعربيتك لو جاى من صلاح سالم هتدخل النفق مش الكوبرى اللى بعد مسجد الرحمن الرحيم عند دار المركبات ويمين من عند اتحاد الشرطة الرياضى ثم ميدان الفردوس ثم شمال ثم يمين هتلاقيه ادام بوابة النصر حاطط الترابيزاات فى الشارع ولو جاى من العتبة اول يمين بعد ميدان باب الشعرية هتلاقى بوابة النصر وهو ادامها

رد: عايز تروح اى محافظة او مكا ن داخل مصر
 

ياعم الصعايدة اهل كرم وتيجى انت والاسرة الكريمة على دماغى من فوق لكن القرى اللى بيقولوها اخواننا دى هتدعى عليا لو روحتها دول بيهزرو معايا رغم ان قصدى اخدمهم لو حد مش عارف السكة لاى مكان والا حاجة لكن نعمل ايه للدكتور بولبولان جاب اماكن الداخل مفقود والخار ج مولو د ولما احد اخواننا قال له اروحها قال له بلاش الا لو كانت رحلة بلا رجعة وقلبوها بهزار والصعايدة زى م انت عارف روحهم طيبة وانا موافق وادينى بضحك اهو ( ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ه)