|
ارجو الافاده بخصوص ضغط كاوتش نيسان صني 2011
انا معايا نيسان صني 2011 ضغط الكاوتش الامامي 36 والخلفي 33 وانا شايف ان دة كتير اووووووووي لدرجة اني بضبط الكاوتش كل اسبوع ... الاسبوع اللي فات لما رحت اضبط الكاوتش لقيته زايد اوي كان الامامي 41 و 45 و الخلفي 40 و 39 و العربيه كانت بتخبط في الارض حتي في اي مطب هواء .. انا لما عملت صيانه الالف قالوا لي هي مصممه علي كده بس طبعا الجو في مصر مش ينفع فيه 36 و 33 ياريت حد يفيدني
|
رد: ارجو الافاده بخصوص ضغط كاوتش نيسان صني 2011
بص يا جميل في الصيف خلي الاربع عجلات من 25 الي 30 والشتا زودها شويه لحد 35 وماتزودش عن كده ومتسمعش كلام حدد يقولك تصميم وكلام فاضي |
رد: ارجو الافاده بخصوص ضغط كاوتش نيسان صني 2011
عزيزى خلينى أفهمك شىء
ضغط العجل لما التوكيل بيظبطه بيظبطه صح لأن ده تصميم العجل والعربية وهتلقيه موجود على العربيه والكلام ده لما يكون العجل بارد او بالمعنى الأصح الضغط ده عند درجة حرارة الجو المحيط طيب انت اتحركت بيها مسافه كبيره ايه الى بيحصل - الهوا جوه العجل بيسخن وبالتالى ضغطه بيزيد تروح عند الراجل تقيسه تلقيه عالى فتروح مظبطه وهكذا وده غلط لأن الزياده هنا طبيعيه فمثلا ممكن الضغط يوصل ل 45 عادى لأن ده تصميم العجل أنه مع السرعه ترتفع الحراره فيرتفع الضغط ولما تريح العربيه ترجع الحراره فيرجع الضغط اتمنى تكون فهمتنى (على فكره مع البروده الجامده والعربية واقفه هيقل الضغط) حاضر لأى استفسار م/ محمود |
رد: ارجو الافاده بخصوص ضغط كاوتش نيسان صني 2011
اعترض معاك يا احمد يا حمدي الكتالوج بيقول ان ظبط الاطارات يبقى كما هو مكتوب على القايم و للعلم بتختلف من موديل لموديل يعني في 2011 على ما افتكر امام36 وخلفي 32 و في 2010 مختلف بس مش فاكر بالظبط
|
رد: ارجو الافاده بخصوص ضغط كاوتش نيسان صني 2011
انا متفق تماما مع احمد حمدى
|
| الساعة الآن 05:12 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017