مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   مكافحة سرقة السيارات (https://www.masrmotors.com/vb/forumdisplay.php?f=193)
-   -   حد ضايع منه عربية اسبيرانزا كحلي من يناير اللي فات ؟؟؟؟ (https://www.masrmotors.com/vb/showthread.php?t=57869)

amrmaismail 26-05-2011 10:27 AM

حد ضايع منه عربية اسبيرانزا كحلي من يناير اللي فات ؟؟؟؟
 
ازيكم يا شباب
انا ساكن عند مديرية الامن الجديدة
قبل الثورة كان بتوع مباحث سرقة السيارات بيركنوا العربيات بتاعت الاحراز في شارع ورا المديرية
المهم العربيات دي يا بتبقي مسروقة
او اتسرقت واتباع بيها مخدرات
او خابطه واحد مثلا
وليها اسباب كتير

المهم العربيات الجامده الضبات كانوا بيركبوها والنص نص العساكر بيقلبوها اكسسوار كاوتش واللذي منه :crazyW14:
طيب قامت الثوره وكان في كام عربيه راكنه طبعا اتفوروا
لكن كان فيه العربيه الاسبيرانزا دي راكنه في آخر الشارع وكانت لسه زيرووووو
فالحراميه يوم الثوره فكروها بتاعت حد من السكان
وطبعا اليوم اللي بعده كانت اللجان الشعبيه نزلت والسرقه وقفت والناس فاكره العربيه دي بتاعت حد راكنها وناسيها
بعد شهرين الناس اكتشفت ان العربيه تبع الحرز وطبعا اصلا مافيش حرز قديم
فالعربيه بدأت تتسرق بس حاجات خفيفه ( كاسيت - مساحه - فانوس ..) لكن كل حاجتها سليمه العربيه والله زيرووووو واكيد بتاعت حد بيدور عليها

ودلوقتي الراجل بتاع المغسله اللي قدامها اللي ماعندوش دم بيغسل السجاد ويفرده عليها ينشف

المهم العربيه كحلي ومعلقه نمر ملاكي اسكندريه قديمة

ياريت لو حد يعرف واحد ضايعه منه العربيه دي يقوله لان اللي بيحصل فيها ده حرام
وانا النهارده هاشوف نمرها واكتبهالكم بكره

وتحياتي للجميع

Mohamed Magdy 26-05-2011 12:06 PM

رد: حد ضايع منه عربية اسبيرانزا كحلي من يناير اللي فات ؟؟؟؟
 
فيك الخير والله
وربنا يسهل وصاحبها يوصلها

أبوثابت الأنصاري 26-05-2011 12:18 PM

رد: حد ضايع منه عربية اسبيرانزا كحلي من يناير اللي فات ؟؟؟؟
 
الله المستعان
زمان صحبها دايخ عليها
ممكن تعرف من المرور بينات صحبها وربنا يجزيك خير
حاول اخي تشوف رقمها وتسأل في المرور والله لو وصلت لصحبها سوف يكون لك أجر عظيم في الدنيا والاخرة

akerima 26-05-2011 12:33 PM

رد: حد ضايع منه عربية اسبيرانزا كحلي من يناير اللي فات ؟؟؟؟
 
حبيت اشارك عشان الموضوع يتجدد ربنا يبارك فيك وانت مش متخيل اللي عنده عربية ضايعة بتبقي حالتة عملة ازاي ويا ريت كل واحد فينا لو لقي عربية بقالها كتير مركونة في حتة يبلغ عنها في نفس الموضوع وياريت من مشرفينا الافاضل تثبيت الموضوع دا

amrmaismail 26-05-2011 04:52 PM

رد: حد ضايع منه عربية اسبيرانزا كحلي من يناير اللي فات ؟؟؟؟
 
انا هانقل نمرها النهارده
بس لو جبت نمرها اقدر اجيب صاحبها منيييين
وازاي استعلم عنه في المرور ؟؟
وكمان انا مش هبقي عارف دي تبع مرور ايه ؟
غير ان كل الملفات في المرور اتحرقت ما عدا مرور ابيس
وانا مستعد اني اساعد باي طريقة بس حد يقوللي السكة ازاي

وتحياتي للجميع


الساعة الآن 09:39 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017