لو عندك فيات تيبو ادخل لو سمحت
 

عايزين نعمل رابطة للجميلة التيبو
لو كنت من ملاكها ياريت نتعرف ونقول مشاكلنا لبعض ونحلها سوا

رد: لو عندك فيات تيبو ادخل لو سمحت
 

اخبار قطع غيار التيبو ايه لان انا معروض عليا واحدة موديل 94 ومش عارف اشتريها ولا لا لانى خايف من قطع الغيار بتاعتها
ياريت لو تكرمت تحكيلى عليها لانها عجبانى جدا بس خايف منها

رد: لو عندك فيات تيبو ادخل لو سمحت
 

ازيك يا سيد ميدو ..
انا عربيتي موديل 94 وده احلى موديلات التيبو وآخر موديل نزل منها .
أسعار قطع الغيار بتاعتها كويسة جدا وموجوده عند أي حد بيبيع قطع غيار فيات وصيانتها سهلة وأي ميكانيكي يعرف يشتغل فيها لأنها زيها زي التمبرا ..
ودي مثلاً أسعار بعض قع الغيار الي انا اشترتها فعلاً ( ماسوة مياه بتركب داخل الماتور 40جم ، وش فانوس امامي 30جم ، سير الكاتينه 40جم ، مرايا جنب يمين ( استيراد أصلي ) 60جم من الوكالة ، طاره استيراد ( بتاعتها الاصلية ) 100جم من عزبة شلبي )
وكل قطع الغيار بتاعتها موجودة استيراد سواء في الوكالة أو عزبة شلبي أو بورسعيد .
واتمنالك حظ كويس وياريت تاخد معاك ميكانيكي كويس ومعرفه وحتلاقي لما تفتح كبوت العربية ختم فيات على شنب العربية ومتنساش تكشف على التكييف بتاعها كويس وعلى السخونية .
ولوعايز اي معلومة قولي وربنا يسهل اعرف اساعدك فيها من واقع تجربتني مع عربيتي
اتمنالك التوفيق وربنا يكرمك فيها وهي فعلا عربية جميلة .

رد: لو عندك فيات تيبو ادخل لو سمحت
 

العربيه واطيه جدا فيجب عليك الحذر في المشي من مطبات بلدنا الغريبه

رد: لو عندك فيات تيبو ادخل لو سمحت
 

عندي مشكله في العربيه عندي تيبو 93 كامله اوتوماتيك بس في الغيار reversالعربيه بتقطع ممكن حد يعرف السبب ويقولي ايه الحل