مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تعديل السيارات العــام (https://www.masrmotors.com/vb/forumdisplay.php?f=5)
-   -   أي الإطارات أفضل عن تجربة ؟؟ و لماذا ؟؟ (https://www.masrmotors.com/vb/showthread.php?t=21196)

essoabbas 27-02-2010 01:03 PM

أي الإطارات أفضل عن تجربة ؟؟ و لماذا ؟؟
 
بجد سؤال محيرني
نظراً لكثرة أنواع الاطارات و اختلاف الدول المصنعة لها
فهناك من يقول البريدجستون
و هناك من يقول النانكينج
و هناك من يقول الفايرستون
و هناك من يقول الميشلان
و هناك من يقول الكومهو
و هناك من يقول اللاسا
و هناك من يقول الماكسيس
و هناك من يقول الجوديير
أرجو من الجميع الاشتراك في هذا الموضوع
بس يكون عن تجربة
لأن بجد نفسي أعرف أي نوع أفضل و صناعه ايه ؟و لماذا ؟ و سعره كام تقريباً ؟
و شكراً مقدما للجميع

khaled al sharif 27-02-2010 01:23 PM

رد: أي الإطارات أفضل عن تجربة ؟؟ و لماذا ؟؟
 
  • أعتقد الإيطار إللي بيجي مع السيارة أفضل نوعية للسيارة بتاعتك يعني أظن نوع الإطار وقوة تحمله له علاقة بقدرة السيارة نفسها التسارع بتعها أقصي سرعة توصلها السيارة ويستحمله الكاوتش ... جزالك طاقة تحميل السيارة فيه سيارة أربعة راكب في خمسة فيه سبعة فيه سيارات نص نقل وهكذا
  • أما إذا كنت تقصد خامات التصنيع والقدرة علي التحمل ... فدي ها تعتمد علي نوعية الطرق إللي بتسوق فيها ... طريقة سواقتك ... درجة إلتزامك بالحفاظ علي إطار سيارتك عشان أجدع إيطار مع الإهمال ها يبقي زفت يعني تمشي بيه وهو مش منفوخ قوي أو منفوخ زيادة .. وغاوي طلوع أرصفة ومطبات ولا لقه ... حجات كتيره ....
  • وكل واحد بيحكم من واقع خبرته وطريقته .....
  • وبعدين كثرة الماركات وتعدد المصنعين وتعدد مستوي الجودة للمنتج الواحد الأيام دي بيخلي الحكم علي أكفأ نوعية صعب جدا ....
نرجع تاني نلخص الرأي في الأتي

1- من وجهة نظري كل سيارة ولها مواصفات للإطارها مطلوب توافرها بغض النظر عن النوعية
2- أفضل نوعية إطار لسيارتك هو الأصلي إلي بيجي معاها ( إستندر ) بدون تدخل الوكيل
3- أي نوعية إطارات ها تتأثر بعاداتك في السواقة .... وكذلك نوعية الطرق وجو البلد

:HAPPY_~211:

matmm 28-02-2010 04:34 AM

رد: أي الإطارات أفضل عن تجربة ؟؟ و لماذا ؟؟
 
انا شايف البريدج استون انا مركبة فى عربيتى من 8 سنين بصراحة ملوش حل اينعم هو دلوقت انتهى بس عارفين متمسحش دة اتفتح من الجناب بس شغال 8 سنين ..............اة نسيت اقول حاجة انا كنت مشتريهم مستعملين

fantamora 11-10-2010 01:31 AM

رد: أي الإطارات أفضل عن تجربة ؟؟ و لماذا ؟؟
 
الميشلان افضل اطار فى العالم

ahrambc 11-10-2010 10:35 AM

رد: أي الإطارات أفضل عن تجربة ؟؟ و لماذا ؟؟
 
لو قارنا بين الميشلان الفرنسى ( و الموجود حاليا ايطالى ) و بين البريدجستون اليابانى ( و الموجود حاليا اندونيسى )

سوف نجد أن الميشلان اريح كتير فى المطبات و لكنه اقصر عمرا

و سنجد أن البريدجستون انشف فى المطبات و لكنه اطول عمرا

السبب هو نسبة خلط السلك مع التيل فى العجله

فالبريدجستون يحتوى على نسبة تيل اكبر من السلك .... عكس الميشلان .

و المقارنه طبعا على اساس الفرنسى و اليابانى

و الأحسن هو أن تكون العجلات حديثة التصنيع و غير مخزنه , و تاريخ التصنيع مكتوب على العجله بهذا الشكل

1014 و تعنى الأسبوع الرابع عشر من عام 2010

و هو انتاج حديث بالفعل , و فرده مخزنه مثلا ل5 سنوات تصبح غير صالحه حتى قبل السير بها .

ايضا يوجد الجوديير الأمريكى ( و الموجود حاليا هو الفيتانامى ) و هو ممتاز جدا و طويل العمر لأن نسبة التيل فيه عاليه أكثر من البريدجستون لكنى لا اعلم عن جودة الفيتانامى .

الخلاصه

اشترى العجلات الأكثر حداثه فى الأنتاج سواء كانت ميشلان أو بريدجستون


الساعة الآن 12:30 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017