|
معاومات عن قطع غيار اوبل
السلام عليكم ,الناس الى بيتؤل قطع غير اوبل فيكترا غاليه جدا انا بس عايز اقول حاجه انا معايا فيكترا 97 قطع غيارها بلنسبا للعربيات الجديده معقوله جدا و ايضا معمرا جدا جدا يعنى تركب الحاجه و تنساها و لو بسيت على العربيه هاتشوف ان فى فرق بينها و بين معزم السيارات الجديده مثلا الثبات على الطريق ,الصيانه المتاحه و لو في قطع غيار غاليه الى حدا ما فيها يكفى انها بتعيش جامد و متوفره اما معزم السيارات الجديده يقل ثباتها على الطريق و بعض السيارات صيانتها فى التوكيل فا ده يكلف جدا عشان كدا انا رأى ان قطع غيار الفيكترا مش مولعه زى ما الناس بتقول......
|
رد: معاومات عن قطع غيار اوبل
بص يا باشا انت بتحكم علي تجربة فردية بس انا بعد مرمطة مع العربيات الاوبل اقدر اقول لك ان العربية الاوبل عربية محترمة جدا وعشرة علي عشرة طول ما هي ماشية لكن اول ما تعطل تزعلك جامد (يعني اول ما تفتح بوقها) وفي موديلات بعينعها مقرفة في الصيانة يعني خد عندك مثال الكورسا ال 1000 سي سي كلها حساسات وكل شوية تلاقي لمبة حساس بتنور تعملها تلاقي حساس تاني والحساس من 200 جنية لحد 1000 جنية حسب النوع عندك الفتيس الاوتامتيك في الفيكترا لو باظ منك نصيحة بيع العربية عشان لو عملت اية مش هيتصلح المواتير ال 2 كامة في اي عربية اوبل دائما حساس الكنترول بتاعها بيبوظ العربيات الحلوة فيها المواتير القديمة زي الي انت ركبها يعني 95 او 97 لكن الجديد منها مشاكلة كتير وبعدين سعر قطع غيارها قريب من الجديد فعلا ودة اكبر دليل علي الفشل يعني اركب عربية موديل 2000 يعني بقلها 10 سنين واتقطعت بالهبل بنفس اسعار قطع غيار سيارة 2010 يبقي اكيد الجديد افضل كفاية فرق الموديل والصناعة الحديثة وانا مش متحامل علي العربية واللة انا بحب ركوبة العربية دي جدا ومن افضل العربيات اللي ركبتها بس زهقت من صيانتها وتعبتني
|
رد: معاومات عن قطع غيار اوبل
كلامك صحيح بس الفيكترا الى معايا بجد ممتازه فى كل حاجه انا الى اعرفه ان الجديد منها فى مشاكل الى هوا موديل 2000 -2003
|
رد: معاومات عن قطع غيار اوبل
يا باشا انا كلامي دة عن تجربة واهلا بيك في المنتدي
|
رد: معاومات عن قطع غيار اوبل
شكرا يا جماعة على التجارب القيمة وعندك حق يا ابو اليمنى الكورسا ديه كانت مع واحد صحبى وكانت كارثه مش كورسا وفعلا كان عنده مشاكل فى الحساسات ديه وكانت غالية ومش اى ميكانيكى يشتغل فيها انما الموديل اللى مع تيفا انا عاجبنى شكله اوى بس خايف منه بصراحة من موضوع الصيانة وقطع الغيار ومش عارف هى ولا النوبيرا اسهل فى التعامل
|
| الساعة الآن 10:56 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017