|
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
سؤال بقى ياباشمهندس هو استهلاك الحديد فى المبانى اكتر من الاسمنت ولا الاسمنت اكتر؟
|
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
اقتباس:
انا مهندس معماري ... المفروض اللي يرد يكون مهندس انشائي ... انما برده حرد علشان خاطرك يا ايمن باشا بص يا سيدي نسبه الاسمنت في المتر المكعب خرسانه المسلحه بيكون 350 كم/م3 ممكن يزيد احيانا ل 400 كم/م3 حسب تصميم الخلطه الخرسانيه و الاجهاد المطلوب ( لكن الدارج 350 كج/م3 = 7 شكاير ) نسبه الحديد بتختلف حسب نوع المبنى و نوع التصميم و البحور و كمان نسبته في الاساسات غير الاعمده غير الاسقف... لكن متوسط نسبه الحديد عموما في المنشاء 110 - 130 كم/م3 قول متوسط 120 وبحسبه بسيطه سعر طن الحديد النهارده فعليا 3750 ( عز الدخيله ) = يبقى المتر بياخد حديد ب 450 جنيه حديد وسعر طن الاسمنت فعليا 540 جنيه ( حلوان) = يبقى المتر المكعب خرسانه بياخد ب 190 جنيه اسمنت وبالبلدي كده الاسمنت تكلفته تقريبا تلت تكلفه الحديد في الخرسانه المسلحه طيب ليه لما الحديد يرخص الاسمنت يغلا؟؟!! لسبب بسيط ان الحديد اغلا و بالتالي تكلفته اعلا و حتى لو الاسمنت رخص فرق سعر الحديد حيكون اقل ... فالناس يوم ما الحديد يرخص تشتريه لأنه مهما زاد سعر الاسمنت حيكون فرق التكلفه اقل بسبب فرق سعر الحديد ... و لما الحديد يغلا الاسمنت يرخص حاجه بسيطه لأنه عمره ما بيعوض فرق الحديد واهو كله استغلال و احتكار و استهبال لأن الحديد مستورد و الاسمنت انتاج محلي و مفيش علاقه بين الاتنين غير الجشع و الطمع |
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
اقتباس:
هى الهندسة صعبة أوى كدة دى العلوم أرحم بكتييييييييييييير |
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
مفيش حاجه سهله
وعلى رأي ريا ... قطيعاااااااااه ..... محدش بياكولها يالساهل .... ولكل مجتهد نصيب بس ايه رأيك في الرد .... دا احنا حنريحوووكووووو اوي |
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
اقتباس:
مداخله بسيطه أكيد طبعا غلطه مطبعيه بس عشان الشباب متتلخبطش هوه الصح 350 كجم/م3 ممكن يزيد احيانا ل 400 كجم/م3 لأنها وزن على حجم مش طول على حجم أنا معماري برضه وخبرتي في الخرسانات على قدي لأن شغلي الأساسي تصميمات وتشطيبات والخرسانات في أي موقع تصميمها مش من مسؤلياتي أنا أعرف أقرأ لوحة إنشائي وأستلم الشده والحديد (التقفيصه) وأعمل تفريده بس أصمم لأ طبعا المشكله إن السوق اليومين دول نايم نومه جامده والناس مستنيه الحديد ينزل تاني بس أوعدك الشغل حيرجع زي الأول وأكتر أول ما الحديد يبدأ يغلى بشكل متطرد ..... حتلاقي الناس طلعت القرشين إللي تحت البلاطه وجري عايزين يبنوا قبل ما الحديد يغلى أكتر سوق عجيب مالوش دعوه لا بأزمه ماليه ولا أزمه بتنجانيه الإشاعه هيه اللي بتحرك السوق وتوقفهptmnlo123per195 |
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
اقتباس:
الناس دماغها فى الضياع وسوقنا ملوش معايير تحكمه تماما بس وجهة نظرك الحديد هيرجع يزيد تانى وبعد اد ايه وقت ؟ |
رد: الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن
اقتباس:
هي مش غلطه مطبعيه اوي على اد ما كانت سهو ... اصلي بكتب في منتدى سيارات فكتبت كم بدل كجم ... كويس اني كتبت م3 و مكتبتش س بس معتقدش حد من الشباب اتلخبط .... و الا كانو سألوني السرعه القصوى للخرسانه كام ... ههههههههه المفروض ان سعر الحديد مرتبط بالاسعار العالميه و بمان ان الدنيا كلها في انخفاض فالمفروض ( المفروض دي كلمه مش معروفه في مصر ) ان اسعار الحديد تستقر لفتره على الاقل لسنه 2009 والله اعلم |
| الساعة الآن 05:33 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017