عندى مشكله ومحتاج خبرتكم ومساعدتكم
 

بعد اذن اساتذتى الكبار كان عندى مشكله فى ال516 ومش عارف اعمل ايه فيها فياريت تساعدونى

وهى بأختصار انى وانا بلف الباور يمين وشمال والعربيه واقفه ودايس فرامل بلاقى رعشه شديده فى العجل الأمامى واهتزاز جامد بيوصل للدركسيون بس الكلام ده والعربيه واقفه ودايس فرامل

واما بلف الباور بدون فرامل بيبقى طبيعى ومفيش الرعشه ولا الأهتزاز ده خالص


علما انى مرصص من قريب فى مركز محترم جدا جدا وان اصحابى قالولى ممكن يكون من الطنابير او التيل
فأنا عايز اتأكد منكم قبل مااعمل اى خطوه واروح التوكيل او المتحده فياريت تقولولى المشكله دى عادى وطبيعى عشان الABS ولا هى مشكله فعلا واسف لو طولت على حضراتكم

رد: عندى مشكله ومحتاج خبرتكم ومساعدتكم
 

رد: عندى مشكله ومحتاج خبرتكم ومساعدتكم
 

اولا الموضوع مالوش علاقة بالترصيص لان الترصيص عبارة عن اتزان العجلة اثناء الدوران فقط
ثانيا هلى مكنتش بتحس بالموضوع ده قبل كده و بعدين ظهر و هل كان فيه اعطال او صيانات قريبة متزامنة مع ظهور المشكلة؟
و حكاية ال abs جديرة بالتجربة
جرب فك ريلاى ال abs (يعنى تفصله تماما) و شوف موجودة و لا لأ
لان الموضوع منحصر فى الفرامل

رد: عندى مشكله ومحتاج خبرتكم ومساعدتكم
 

شكرا ياابوالأسعاد واحمد على

لكن المشكله ملهاش دعوه بالمفصل ياابو الأسعاد وانا من ساعه ماجبت العربيه وهى كده
وافتكرت ان ده عادى وطبيعى
لكن واحد زميلى قالى النهارده ان الحكايه دى مش عاديه
والمشكله انها بتحصل فى العجلتين مش عجله واحده يعنى الأتنين مع بعض
وهوصفلكم تانى المشكله يمكن اقدر اوصلها لكوا
بحس برعشه جامده فى العجل لما بدوس فرامل وبلف العجل والعربيه واقفه مش بتتحرك

رد: عندى مشكله ومحتاج خبرتكم ومساعدتكم
 

ما هو انا متخيل معاك الموضوع و اقتنعت بتحليلك ان ال abs ممكن يكون بيتدخل و ده مش طبيعى المفروض يفصل لما العربية تقف
و جرب شيل ريلاى ال abs و شوف لو راحت يبقى فعلا abs