بعض اسعار قطع غيار الفيرنا الاصلية
السلام عليكم ورحمة الله وبركاته
عقبال عندكم جميعا كدة بدأت استعدادات صيانة الـ 60000ك هو لسة قدامى شوية بس بستعد لها من دلوقتى لانها تقيلة شوية :1336: ودى ان شاء الله هيتغير فيها أولا:- طقم سيور المكنة وهو كالاتى : 1- سير الكاتينة الاصلى بـ 220ج من التوكيل بشارع دمشق مصر الجديدة وبلية الكاتينة وبلية الشداد الاتنين أصلى عاملين 200ج من التوكيل بشارع دمشق مصر الجديدة عند نافع ب 2- سير التكييف 20ج كورى من نافع 3- سير الباور 30ج كورى من نافع 4- سير الدينامو 20ج كورى من نافع باقى السيور الاصلى ب200 ج عند التوكيل بس مجبتهاش لان بصراحة مش فارقة اوى انا اهتميت انى اجيب سير الكاتينة الاصلى لانه طبعا مفهوش هزار زى ما انتو عارفين فما ينفعش نروح نجيب اى نوع وخلاص وكان موجود عند نافع سير كاتينة ايطالى ب 85ج بس طبعا انسى :fun_36_1_30[1]: ثانيا : فلاتر الزيت الاصلى 25 من التوكيل بشارع دمشق والهواء الاصلى ب 40 جنيه الاصلى من نافع بشارع دمشق ونصيحة بلاش المضروب ابو 20 جنيه لانه بيكتم العربية وبيبقى مفارق وبيدخل تراب للبوابة والبنزين 68ج الاصلى من التوكيل وطبعا بلاش المضروب ابو 20ج دى رشاشات يا جماعة وحساسات بالشيئ الفلانى الخبطة فيهم بتوجع ثالثا : الطنابير الامامية (الديسكات) وتيل الفرامل الامامى *ملحوظة تيل الفرامل الخلفى بيتغير على 100000ك والامامى كل 20000ك الطنابير جبتها نوع اسمه optimal الالمانى ب220 ج والاصلى ب375ج عند واحد مش اصلى وقبل كدة سألت عليه عند موزع معتمد قالى الاتنين عاملين 1200ج فقلت الالمانى افضل لان الاصلى زى ما انتوا شايفين مش مكمل 60000ك وبتتآكل بسرعة والتيل يا جماعة وعن تجربة لمرتين متتاليتين ال الهاى كيو كورى الصنع لايعلى عليه وممتاز ونفس اداء الاصلى وبدون صفارة وده عامل 50 جنيه رابعا: تغيير كاوتش السيارة الاصلى وهو ماركة لاسا تركى كتر خيره وتركيب نوع محترم زى كومهو او جى تى اندونيسى او بريدجستون لسة ما حددتش واسعار مقاس الفيرنا وهو 13/70/175 يتراوح من 350ج الى 400ج للفردة الواحدة خامسا : تنظيف البوابة والحساسات وتغيير البوجيهات لنوع هيونداى الاصلى الكورى واحد شمعة وده بيصنعه NGK لحساب هيونداى وهو النوع الامثل للسيارة علشان محدش برجع يشتكى ويقول انا مش عارف البوبينة بتتحرق ليه :12B1B3~136: والبوجيهات سعرها 40 جنيه من نافع بشارع دمشق بمصر الجديدة :Bravo: سادسا: تغيير الزيت بنوع اسمه فيسكو 5000 اماراتى الصنع الزيت advanced synthetic تخليقى مطور يتقنية انجليزية اسمها درع الحماية وبيشتمل على خواص بتعمل على تنظيف المحرك بنسبة 30% للحفاظ على اجزاء المحرك الحساسة نظيفة لعمر اطول للمحرك وعمر الزيت من 15000ك الى 20000ك وده سعره 250 جنيه من اى محطة كارجاس :Bravo: ولو حد عنده اى اضافة للموضوع يا ريت يضيفها وينورنا بيها :pod_of_gold: اسيبكم تعيشوا بقى مع الصور (صورة)(صورة)(صورة) دى صور السيور سير الكاتينة http://store2.up-00.com/Sep12/2pt39947.jpg http://store2.up-00.com/Sep12/RCn39947.jpg سير الباور http://store2.up-00.com/Sep12/4Hs39947.jpg http://store2.up-00.com/Sep12/SSo39947.jpg سير التكييف والدينمو http://store2.up-00.com/Sep12/Y2P40230.jpg http://store2.up-00.com/Sep12/2SL40230.jpg البوجيهات http://store2.up-00.com/Sep12/5yz40230.jpg http://store2.up-00.com/Sep12/Eav40231.jpg http://store2.up-00.com/Sep12/sk340380.jpg http://store2.up-00.com/Sep12/HBH40380.jpg http://store2.up-00.com/Sep12/IiN40380.jpg الطانبير الامامية http://store2.up-00.com/Sep12/o3440515.jpg http://store2.up-00.com/Sep12/lJB40515.jpg http://store2.up-00.com/Sep12/hUc40515.jpg http://store2.up-00.com/Sep12/QAk40515.jpg تيل الفرامل الامامى http://store2.up-00.com/Sep12/a5q40750.jpg http://store2.up-00.com/Sep12/2rR40750.jpg http://store2.up-00.com/Sep12/2mY40750.jpg الموضوع من اعدادى وتصويرى واخراجى وحصريا لمصر موتورز AHLNWSHALN |
رد: بعض اسعار قطع غيار الفيرنا الاصلية
شكرا علي المعلومات المفيده
هو مع تغير السيور لازم تغير بليه الشداد وبليه الكتينه سير التقسيمه جيبه من التوكيل يعني منفذ بيع غبور ولا وكيل معتمد بنسبه للتيل الامامي انا بتاع الفبريكه معايا لحد دلوقتي وعامل 35 الف ولسه تمام |
رد: بعض اسعار قطع غيار الفيرنا الاصلية
السلام عليكم 60000 مبروك وربنا يخلف عليك بالحلال وعقبال المليون وربنا يحفظها لك بعد التركيب ياريت تقرير عن حالة القديم وقيمة المصنعيات الي سوف تدفعها ومعوضين بأذن الله والله المستعان |
رد: بعض اسعار قطع غيار الفيرنا الاصلية
اقتباس:
وبالنسبة للسير جايبه من منفذ بيع غبور ولما استغلته قولت للبائع هناك ليه اسعاركم مختلفة عن الموزعين المعتمدين لانى سألت عليهم (مجموعة السيور كلها ما عدا البليتين) لقيت المزع اللى قدامه الناحية التانية علطول ب 350ج وعند غبور 420ج قالى ان الموزعين مش كل حاجتهم اصلية:1281F1~121: اما بالنسبة للتيل عندك اعتقد كفاية عليه علشان الطنابير ماتبوظش لان التوكيل فى الصيانة بيغيره على 20000ك زى ما انت عارف |
رد: بعض اسعار قطع غيار الفيرنا الاصلية
انا كمان قربت من صيانه ال 60000
هي الاسعار في التوكيل قريبه من الاسعار دي ولا لأ؟ ولو الواحد حب يعمل الصيانه دي بره يعملها فين وبكاااااااام؟ انا من 6 اكتوبر |
الساعة الآن 03:21 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017