افيدونى لشراء هذه السيارة ( النيفا )
 

السلام عليكم و رحمة الله و بركاته
لقد توكلت على الله و نويت اشترى عربية نيفا بعد ما لاقيت ان ده اللى تقدر تعيش فى مصر ام الدنيا اللى فى كل حاجة فى شوارعها ممكن نتخيله لدرجة ان المطبات و التكاتك بقت اكتر من الناس اللى ماشية .
المهم انا نزلت السوق و دورت على نيفا كتير و اللى يقولى 22 الف و 20 الف انا استحرمت ادفع المبلغ ده كله مع انها فول اوبشن . و فى النهاية وجدت عربية نيفا موديل 83 + سنتر +عمرة كاملة للموتور + كاوتشات جديدة 15 + كربراتير جديد 4 عمود + فرش داخلى جديد + دهان جديد + مساعدين جداد تقريبا + رخصة متجددة من اسبوعين
هو كان عرضها ب 17 من هنا و هنا نزلنا ل 16 لاخر اليوم وصلنا بالعافية ل 15و نص
افيدونى افادكم الله اوافق ولا لا مع العلم انى لسة مخدتش ميكانيكى و لا سمكرى يشوفها مقلوش رأيهم لسه بكره هخدهم يشفوها بس الاهم رأيكم انتوا ده الاهم بس بسرعة الله يكرمكوا

رد: افيدونى لشراء هذه السيارة ( النيفا )
 

اشتري اي حاجه غير النيفا. انا راكب واحده و قرفاني في عيشتي (صاحب مزرعه و عزبه في بني سويف) العربيه حلوه و بتتحمل بس عربيه كلبه ماتتركبش (بتتحمل علي حساب الراحه الشخصيه) ..
حاول تدجور علي بيجو 205 احسن و في نفس رينج الاسعار دي .. هيا جر امامي و بتتحمل برضه و علي الاقل احسن من الفيات .

رد: افيدونى لشراء هذه السيارة ( النيفا )
 

العربيه حلوه بس سواقتها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

رد: افيدونى لشراء هذه السيارة ( النيفا )
 

1- عربيه عاليه عن الارض وبالتالى اي رصيف تحب تجربه مفيش مشاكل
2- الصاج والعفشه والموتور ماشاء الله
3- قطع الغيار موجوده وبأسعر كويسه جداً جديد واستيراد مع وجود عدد من الصناعات الروسيه والالمانيه والصينه .......الخ
4- عربيه تحمل فيها وميهمكش وسافر زي ما انت عايز
5- عايز تركب تكييف تركب عايز علبة دركسيون باور موجود زجاج كهرباء....... يعنى بتقبل كماليات
6- يتعملك حساب بين الميكروباصات ودي ميزه بفلوس كتير
7- فتيس غرز وده ناس كتير شايلاه عشان بيتقل العربيه

رد: افيدونى لشراء هذه السيارة ( النيفا )
 

:GROWIN~12:أخي هذه بعض أسعار قطع غيار عمرة موتور لادا نيفا
طقم شنبر 100 جنيه
طقم جوان دوبل 70
طقم بوجيهات ياباني Ngk 52
اسطوانة دبرياج 95
بلية دبرياج 35
بلية فولام إيطالي 15
2 شداد كاتينة 25
2 قاعدة موتور 24
فارغة طرمبة مياة 50
فلتر زيت 10
طرمبة زيت 200
كرنك + 4 يلات استراد 400
طقم سبيكة الكراسي 50
تجليخ كرنك 45
تجليخ مناول 30
عمل طبات زيت 20
تركيب البيلات 20
عمل طبة مياه 15
تنظيف الراديتير 25
أجرة اليكانيكي 350+ 20 دخان للصبية