مصر موتورز مجتمع السيارات - مطلوب معلومات عن الالنترا الخليجي

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - مطلوب معلومات عن الالنترا الخليجي (https://www.masrmotors.com/vb/showthread.php?t=67184)

مطلوب معلومات عن الالنترا الخليجي

السلام عليكم
ياريت يا جماعة لو حد عنده اسم أو تليفون معرض في القاهرة
عنده النترا خليجي أعلى فئة فرش جلد وabs وفتحة سقف وايرباج وجنط 16 أو 17 وتكييف تاتش بخلاف المواصفات الأخرى

المفروض أعمل تأكيد نهائي النهاردة والمعروض عليا واحدة جنط 16 من غير فرش جلد وب 146 ونص
وواحدة 17 وفرش جلد وبصمة وكله بس معدية 150
ياريت أي مساعدة وأكون شاكر بس بعيدا عن اللون الأبيض

رد: مطلوب معلومات عن الالنترا الخليجي

متـــــــــــــابــــــــ ـع
لان انا عاوز اجيبها بس التوكيل مبالغ جدا في اسعاره فا عاوز اعرف اسعار الخليجى ومواصفاتها بالجير المانيوال هل هى نفس المانيوال الي عند غبور ولا تختلف ؟

رد: مطلوب معلومات عن الالنترا الخليجي

اولا ً الفتيس المانيول واحد (من غبور زي الخليجي كله زي بعضه) بس الموصفات الخليجي بتفرق عن اللي بتنزل في غبور في الحاجات دي :-

1. دهان السياره الخليجي بيبقي اقوي شويه من اللي بتنزل هنا علشان يتحمل دراجات الحراره العاليه و البوهيه ما تفرقعش من الشمس .

2 . موتور السياره ما بيسخنش بسرعه زي اللي بتنزل هنا برضوا علشان تحمل الحراره و لذلك فأنت لما تجيبها خليجي مش هتسخن معاك الا لو فيها حاجه غلط علشان دراجات الحراره اللي فمصر دي ما تعتبرش حاجه علي دراجات حراره الخليج اللي هي متصنعلها اصلا ً .

3 . الكماليات في الخليجي بتبقي ارخص من التوكيل . علشان لما العربيه بتروح التوكيل . التوكيل بينفضها من الكماليات اللي فيها بحيث يبيعها لوحدها و يبقي كسب كتير .

4 . الخليجي ارخص من المصري و دي ميزته و لكن عيبه انه ممنوع يدخل التوكيل و ما تسمعش كلام حد ان الخليجي بيدخل . مافيش عربيه خليجي بتدخل التوكيل علشان انت بتبقي عاندت التوكيل في الاول لما جيت تشتريها و لم تشتري منه .

5 . اعلي فئه في الخليجي فيها (Auto parking) و هي خاصيه في العربيه انها تركن لوحدها و دي اول مره تنزل لهيونداي النترا و مش موجوده الا في الخليجي بس و قليله برضوا فالمعارض .

العربيات الخليجي عامة لو انت عايز تجيبها من معرض موثوق فيه و يعتبر كويس و اسعاره حلوه مش وحشه هو (المصريه للسيارات) و بيعمل خصومات عليها علي طول . انا رايح النهارده المصريه هاروح و ابقي ارد عليك تاني في رد تاني و اقولك فيه ايه بالضبط و الكامله اخبرها ايه و كده و بكام و شكرا ً

رد: مطلوب معلومات عن الالنترا الخليجي

مشكور على الرد
أنا خلاص الحمد لله توكلت على الله واشتريت الأسبوع الماضي وهأرخص بكرة إن شاء الرحمن
اشتريت خليجي جنط 16 فرش عادي بيج ايرباج واحدة abs فتحة سقف وحساسات + باقي الكماليات

كان قدامي واحدة فرش جلد وايرباج واحدة و abs وبصمة start engine فتحة سقف وحساسات + باقي الكماليات وتمنها 155 واخرها 153 والاتنين من غير بلوتوث و جي بي اس

سألت كله عن auto park ومش موجودة في مصر خالص ويمكن كمان مش في الخليج لأن خليت واحد صاحبي يسأل عليها في قطر وقالي مش موجودة والسعودية المنتديات بتاعتهم بتقول مش موجودة تقريبا فيه عضو هنا هو الوحيد اللي جابها

اللي أعرفه كمان إن فيه شحنة فيها مثبت سرعة موجودة في الجمارك بس مش عارفين يدخلوها لأن الجمارك مغلية قوية بسبب مثبت السرعة

وبرضه ياريت تعرفنا أسعار وإمكانيات المصرية عشان أزعل شوية لو كان فيها اوتو بارك

رد: مطلوب معلومات عن الالنترا الخليجي

اقتباس:

المشاركة الأصلية كتبت بواسطة A7MED NASSER (المشاركة 509974)

والله افدتنا يا استاز A7MED NASSER الله يعطيك العافيه وموفق بأزن الله