مصر موتورز مجتمع السيارات - أيهما تفضل مستورد ام وكيل

مصر موتورز مجتمع السيارات (https://www.masrmotors.com/vb/index.php)

- كيا KIA (https://www.masrmotors.com/vb/forumdisplay.php?f=38)

- - أيهما تفضل مستورد ام وكيل (https://www.masrmotors.com/vb/showthread.php?t=23111)

أيهما تفضل مستورد ام وكيل

كل يوم جمعة و السبت اقرأ اعلانات العربيات اللى نازلة استيراد خليجى او غيره عن طريق مستوردين واقارن بيها وبين اللى عارضها الوكيل الاقيها اكتر فى الإمكانيات و السعر منافس وانا معرفش ليه الوكلاء هنا فى مصر مصرين ينزلوا عربيات اغلى من الخليجى و أقل فى المواصفات وكل فترة تلاقى الوكيل من دول منزل اعلان فى الجرايد يحذر من شراء السيارات المستورده وانه ملوش دعوه بيها خالص ولا هيضمنها بس مع ذلك العربيات الخليجى ماشيه وببتباع يمكن اكتر من اللى الوكيل بيبعه فى بعض العربيات يمكن اشهرها
- الكيا سيراتو
- الهيونداى الالنترا
- الفولكس فاجن الجيتا
- المتسوبيشى اللانسر *
بس فى عربيات استيراد لم تنافس التوكيل يمكن اشهرها التويوتا كورولا

المهم فى الآخر انت تفضل تشترى من التوكيل بالضمان ولا تشترى من مستورد ويا ريت الأخوة اللى بالفعل اشتروا - سواء من التوكيل أو مستورد - يوضح لينا اسبابه

وشكرا لكل اللى هيشارك معانا

رد: أيهما تفضل مستورد ام وكيل

فعلا ً موضوع محير جدا ً

الوكيل فالغالب مواصفات اقل قليلا ً وسعر اعلى بطريقة مستفزة

واحيانا ً فى بعض انواع السيارات الوكيل لا يقبل صيانة الخليجى

وكان من فترة بعض انواع قطع الغيار الخليجى غير متوفرة فالسوق للموديلات القديمة

موديلات التسعينات ولكن الموضوع اصبح الان سهل والموديلات واحدة خليجى ووكيل

لكنى شخصيا ً بالرغم من اغراءات الخليجى الا انى افضل الوكيل علشان الضمــــــــــان

ولكن يمكن ان تجمع بين المواصفات الخليجى بإمتيازاتها وبين الضمان من المستورد

شخصيا ً ودة اللى انا عملتة وجبت لانسر خليجى ( دبى ) بضمان الرواس

لكن للاسف دة مش موجود فى موديلات تانى

رد: أيهما تفضل مستورد ام وكيل

الواحد يستحمل قرف الوكيل وسعره الخرافي وامكانياته المحدودة احسن ما اجيب عربية سعر كويس وامكانيات بس التوكيل يرفض صيانتها ومتلقيش ليها قطع غيار وتلاقي العربية راحت عليك

رد: أيهما تفضل مستورد ام وكيل

اقتباس:

المشاركة الأصلية كتبت بواسطة mesho70 (المشاركة 158432)

هو انا قريت فى اعلانات السيارات ان فيه مستورد ممكن يضمن لك العربية لمدة سنة مثلا مقابل زيادة 2000 او 3000 جنيه بس الضمان ده شامل الصيانة وتوفير قطع الغيار والا الصيانة فقط

رد: أيهما تفضل مستورد ام وكيل

اقتباس:

المشاركة الأصلية كتبت بواسطة miam0502788391 (المشاركة 158607)

حدود معلوماتى ان الضمان هو ضمان ضد عيوب الصيانة بمعنى انة اى شىء فالعربية تلاقى بة عيب صناعة بعد الشراء فالضامن مسؤل عن استبدالة او اصلاحة على حسابة هو من قطع غيار ومصنعيات ( بإستثناء البطارية والكاسيت واللمبات ......)
انا الكلام دة اتقلى وانا بدور على العربية قبل ما اشترى انة ممكن تشترى ضمان للعربية الخليجى والاختيار لك يعنى ممكن تشترى ضمان لمدة سنة واحدة او سنتان او ثلاث سنوات وثمن السنة 1500 جنية لكنى اتصلت بوكيل متسوبيشى ( المصرية )
واتقلى ان الموضوع دة " نصب " فطبعا ً قلقت وصرفت نظر لانهم حتى لو قالولى ينفع كنت رحت عندهم وقابلت اى حد يكون مسؤل علشان يؤكد الكلام دة
ولما اشتريت عربيتى الحالية كما ذكرت لحضرتك لانسر 2010 بضمان الرواس وقبل استلامها اخذت كتيب الضمان ( وتأكدت انة مختوم بخاتم الرواس ) وذهبت اليهم بمركز خدمة الرواس بالمهندسين فعلا ً ليطمن قلبى فالموضوع مش بسيط
حتى انى فى صيانة الـ 10 الاف تم تغير كلاكس السيارة على حسابهم داخل الضمان