هل ده عيب بطارية ولا عيب اخر فى الكهربا ؟
 

[IMG]file:///C:/DOCUME%7E1/XPPRESP3/LOCALS%7E1/Temp/moz-screenshot.png[/IMG][IMG]file:///C:/DOCUME%7E1/XPPRESP3/LOCALS%7E1/Temp/moz-screenshot-1.png[/IMG]السلام عليكم
العربيه بقالها كام يوم (اكسيل 1500 مانيوال مو 95 )
اجى ادور الصبح لا حس ولا خبر
مسمعش صوت الكونتاك ولا المارش
او بالكتير صوت ترترترتر (( والغريب ان الكاسيت اشغله يشتغل وصوت الريموت والسرينه عالى ))
خبط على القطاطيش بتاعت البطارية
دورت واشتغلت
روحت لبتاع البطاريات قاسها قالى كوسه
وحطلى عليها مياه سخنه قالى كانت متأكسده بس ( كان عليها تمليحه بيضا وحوالين اقطاب البطارية نفسها كنت بلاقى مادة بسيطه كده لونها نبيتي وبكمية قليله )
واشتغلت كويس يومين
وجيت فى يوم ادور الصبح الاقى نفس النظام اخبط على القطاطيش تشتغل
وفى نفس اليوم بطلت 5 دقايق وجيت ادور عملت نفس الحركه
فروحت للكهربائي قالى نفس الكلام
وفك القطاشين وصنفرهم وصنفر اقطاب البطارية وحط شحم عليهم من بره قالىعشان ميصدوش او يتأكسدوا تانى وسالته هل في شئ تانى بيعمل كده قالى لا
المهم تانى يوم عملت تانى الصبح وخصوصا وهى بارده
هل ده عيب بطارية ولا عيب اخر فى الكهربا ؟
مع ا لعلم البطارية جديده من شهرين فقط اى سي ديلكو جافه ودينامو جديد كمان
نرجو الافاده العاجله من فضلكم
وشكرا جزيلا

رد: هل ده عيب بطارية ولا عيب اخر فى الكهربا ؟
 

السلام عليكم
دة يا باشا عيب فى الRelay اللى الكهربيه بيقولوا علية كتاوت
راجع علبة الفيوزات والRelays عندك انا مش عارف مكانها فين فى الهيونداى بس هى غالبا بجانب البطارية هتلاقى مكتوب عليها من الداخل وظيفة كل Relay ودة غالبا الMain Relay او الخاص بالبنزين وكمان هتلاقى فى اكتر من Relay بنفس المواصفات ممكن تقرا الكلام المكتوب على الRelay نفسه وتبدله مع اى واحد تانى جنبه بس يكون بنفس مواصفاتة ونفس الكتابة مكتوبة على الاثنين زى بعد على فكرة طريقة فكة سهل جدا شدة جامد بايدك وخلى بالك وانت بتركبة دوس علية جامد ولا تترك مسافه بينة وبين المكان اللى بيركب فيه وحافظ على الاتجاة وهو غالبا بيركب اتجاة واحد وان شاء الله مشكلتك تتحل من غير من تروح عند كهربى.
وابقى اشترى واحد غيرة وركبة بنفسك لما ان شاء الله تعرفه

رد: هل ده عيب بطارية ولا عيب اخر فى الكهربا ؟
 

رد: هل ده عيب بطارية ولا عيب اخر فى الكهربا ؟
 

نفس الموضوع ده كان بيحصل معايا ..

المشكله عندك فى احد قطايش البطارية .. فكهم ونضفهم كويس اوى ونضف اقطاب البطارية تانى واربطهم كويس اوى .. ولو استمر الموضوع حط اى حاجة معدنية كتخشينه ما بين القطاش والقطب وجرب ... وهتظبط باذن الله ....

رد: هل ده عيب بطارية ولا عيب اخر فى الكهربا ؟
 

بسم الله الرحمن الرحيم
هتكلف نفسك 50 جنية تقريبا و هتستريح و تريح العربية و البطاريه
هتشتري متر و نص كابل بطارية تقريبا المتر ب 20 جنية او ازيد شوية و تقسمه اتنين تركب واحد مكان كابل الارضي و التاني مكان كابل الكهربا و تشتري اتنين قطاش بطارية جداد بس يكونوا نحاس خام مش حديد و مدهونين هيعملوا حوالي 15 جنية
plug & play
ركب و شغل علي رأي مايكروسوفت
و هتنسي المشكله دي بعد كده اللهم الا لو كان الاوتوماتيك الداخلي بتاع المارش بيعلق دي تبقي نقرة اخري بس غالبا من الكابلات و القواطيش

آه قبل ما انسي معظم العربيات بيبقي فيها كابل ارضي واحد و ده غلط لازم كابل من البطارية لجسم العربية و التاني من جسم العربية للموتور علشان يمتص الموجات الناتجة من حركة الموتور و كمان لان الموتور غالبا بيبقي علي قواعد كاوتشوك عازلة للاهتزاز و ايضا عازلة للكهرباء و فيه حاجات راكبة علي الموتور بتحتاج الارضي زي الدينامو و المارش و بعض البوابات الالكترونية و كليتش كومبريسور المكيف و حساسات الحرارة و الزيت و الشحن و لفات الموتور
و اي تهريب في ارضي الموتور بيلخبط العربية
الاكتر من كده ان بعض الشركات المنتجه للعربيات بتأكد ان عدم وجود تأريض مناسب بين الموتور و جسم السيارة قد يكون سبب لاندلاع حريق
اتمني اكون افدتك
و اي خدمة
م - سامح ليله