ساعدونى بالله عليكم
بسم الله الرحمن الرحيم
اولا اشكر مجتمع masrmotor على المجهودات العملاقه واتمنى ليه تقدم ونجاح اكثر واكثر -- انا عندى سيارتين الاولى : - مازدا 929 هارد توب موديل 1982م وترخيصها انتهى من سنتين ومش عارف اجدد لانى مش لاقيلها قطع غيار وبامانه دوخت خلال السنتين دول انا عايزلها اكصدامات ومساعدين وفوانيس واشارات وزجاج وكمالياتها الاصليه لو فيه اتمنى يا اهل الخبره تفيدونى الثانيه : - ميتسوبيشي لانسر GSR موديل 73 ودى عايزه عفشه كاملة وماتور بالفتيس وبرضو عايز حاجتها اسف على الاطاله واتمنى المساعده واى استفسار يفيد فى مساعدتى انا تحت امركو بس المهم الحل بالله عليكم يعنى ايه اللى ممكن يركب على السياره الاولى او الثانيه يعنى لو مفيش قطع غيار ازاى اوفق حاجه تركب عليها وهل ممكن الاقى سيارات نصين استيراد واعمل احلال وتجديد |
رد: ساعدونى بالله عليكم
سواء بالنسبة للمازدا 929 او لانسر الجيل الاول a70 الاتنين عربيات انتيكة دلوقتى يبقو جمال جدا لو اتجددو بس تجديدهم مش سهل خالص ولو هتستنى تلاقى القطع الاصلية هتستنى كتير ومش هتعمل حاجة فانا انصحك تقرا عنهم فى المنتدى هنا وفى المواقع الاجنبية كويس وتشوف عامة تجارب تجديد العربيات القديمة وازاى توفر بدايل للى مش موجود وطبعا هتحتاج ميكانيكى شاطر معاك وتذاكر كل واحدة هيتعمل فيها وتشتغل على الاساس ده شوف مثلا برامج تعديل العربيات الاجنبى بيعملو ايه فى العربيات اللى زى ديه وازاى بيالفو بدايل ليها مع ان توفر قطع الغيار بره اسهل بكتير من هنا بس هى ملهاش غير سكه التباديل والتوفيق
اما فكرة انك تدور على نصين ماشى دور وفين وفين لما تلاقى ولو لقيت وبردو فيه حاجة ناقصة هتعمل ايه مش معقول كل ما تبوظ اكره تروح تدور على باب كامل ولا نص علشان كدة بقولك شوف بدايل كمان انت فى الاخر ناوى تعمل بيهم ايه هتخليهم عربيات انتيكة للفرجة ومشوار كل اسبوع ولا هتقومهم وتبيعهم ولا هتركبهم ولا هتعمل ايه الميزانية والاستخدام هيحدد برضو ممكن يتعمل ايه ويستاهل ولا لاء http://masrmotors.com/vb/showpost.ph...54&postcount=2 اقتباس:
|
رد: ساعدونى بالله عليكم
1 مرفق
والله يا باشمهندس انا اولا اسعدنى رد حضرتك جدا جدا
ثانيا انا رفعت الموضوع ده فى اكتر من منتدى ومحدش عبرنى اصلا مش عارف هل عشان عضويتى جديده ولا عشان محدش عارف ومش عايزين يفتو فاحب اشكر حضرتك جدا بالنسبه للعربيه المازده دى عربيه اخويا وهو مش حاتطلها ميزانيه كبيره يعنى عايزها تبقا مريحاه يعنى يلاقى فوانى الكاربيرتير والمساعدين الفوانيس الاساسيات بس هو مش عايز اكتر من كدا انا عربيتى الانسر فانا مش لاقى اى حاجه بالعربى عنها خالص خالص خالص سدقنى بقالى شهور وشهور ببحث فى المنتديات ونفسى حتى لاقى حد بيقول انو عندو زيها ابدا محصلش دى انتيكتى بقا ومش حاطط ميزانيه معينها انا قرات موضوع حضرتك وقرات كلامك كويس جدا ودى صورة الموديل بالضبط وللعلم انا بحثت كتير قبل ما اشتريها من والد صديق ليا وبرغم انى ملقتش حاجه ليه بس برضو اشتريتها ملف مرفق 18327 طيب دلوقتى ممكن اخلينى فى عفشتها الاول لانها هى اللى متهالكه خالص ولما روحت ارخصها بينى وبين المرور 100 كيلو روحت فى اربع ساعات ورجعت فى زيهم انا هسمع نصيحه حضرتك واشوف التباديل والتوافيق واشوف هعرف اعمل ايه وحضرتك لو فى اى اقتراحات او نصايح تانيه اتمنى توافينى بيها اسف على الاطاله واسف تعبت حضرتك معايا بس زى ما تقول غريق ومسك فى حبل نجاه |
الساعة الآن 10:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017