مصر موتورز مجتمع السيارات - ممكن تشترى عربية جوجل ؟ تعالى خد فكرة يمكن تشترى بكرة

معاك عربية ؟
.. اه ..
اى كار ولا اندرويد ..
لا الاندرويد عند الميكانيكى بينزلى كاندى كراش الجديدة انا معايا ال 28 دلوقتى grin emoticon
http://www.washingtonpost.com/blogs/...lustration.jpg
حوار تخيلى لا نستبعد سماعة فى المستقبل
ايه رايكم فى اتجاة جوجل للاستثمار فى قطاع السيارات ؟ ممكن يجى يوم تركب عربية جوجل ؟

ديه صور من اول اختبارات لسيارة جوجل ذاتية القيادة على الطرق

http://4.bp.blogspot.com/-XYZaPoEQw5...ebbf084743.png

Ready for the Road - YouTube

طبعا جوجل شركة عالمية عملاقة خبراتها ونجاحتها السابقة فى مجال نظم المعلومات والانترنت وتحديدا محركات البحث لكن فى الفترة الاخيرة كان ليها استثمارات كبيرة فى قطاع الهواتف المحمولة بتطوير نظام اندرويد المبنى على نظام التشغيل لينكس وحاليا اصبحت جوجل لاعب اساسى فى سوق الهواتف المحمولة والاجهزة الذكية مع المنافس العنيد والكبير ابل لكن ان جوجل تسيب حرب الساعات والموبيلات وتسبق بخطوة فى السيارات كمان فده اكيد خطوة كبيرة تحسب لها وممكن تستفيد منها بشكل شراكة مع شركات مصنعة للسيارات تتبنى النظم بتاعتها فى سيارتها ولا ممكن نشوف جوجل بملياراتها تخش كمصنع كمان للسيارات ؟؟ الله اعلم واذا عشنا وكان لينا عمر هنشوف نهاية مغامرة جوجل فى عالم السيارات

http://telematicswire.net/wp-content...ng-car-628.jpg

السيارات ذاتية القيادة self-driving vehicle

فى السنوات العشرة الاخيرة شهدنا تطور اكبر لنظم المعلومات والحاسب الالى فى دمجهم بانظمة القيادة فبقينا نشوف انظمة امان وثبات معتمدة على الحوسبة وطبعا ادارة المحرك وتحديد الاعطال باستخدام الكمبيوتر وبدانا نشوف عربيات بتركن نفسها بنفسها بالكمبيوتر ودلوقتى جوجل مقتنعة تماما بانها تقدر تنتج عربية تسوق نفسها بنفسها تماما بالكمبيوتر وكمان بمعدلات امان عالية وبياكد ده كون احصائيات الحوادث بتقول ان 94% من الحوادث بتكون ناتجة عن اخطاء بشرية غالبا الكمبيوتر مش هيكون عرضة ليها

يعنى حضرتك تصحى الصبح تحط عيالك فى العربيه وتدوس على زرار تقوم تاخدهم توديهم المدرسة وترجع تركن فى الجراج مكانها عقبال ما تحلق دقنك وتنزل تاخدك توديك الشغل وتظبطها وانت فى الشغل تروح تقضى مشاوير المدام وترجعلك تانى تروحك البيت :fun_drinking: ايشى خيال يا ناس
تقتكرو هنشوف الايام ديه وتفتكرو هنعرف نتعامل مع الحاجات ديه ولا هنبقى دقة قديمة

انا شخصيا حاسس انى هبقى دقة قديمة انتو ايه رايكو