رد: تجربتي المتواضعة مع الدايو لانوس S
 

نصيحه بلاش السيينيا مش منتشره خالص غير الكلام اللى بيتقال انها تقفيل صينى الله اعلم ان كان كويس او لا وبعدين اللانوس متجربه بقالها 11 سنه وزى الفل واعتماديه وقطع غيار متوفره ورخيصه وسعر اعاده بيع ممتاز


الف مبروك لصاحب الموضوع على العربيه وربنا يباركلك فيها

رد: تجربتي المتواضعة مع الدايو لانوس S
 

ربنه يبركلك فيها يا وائل ويكفيك شرها وعلي مهلك في الدائري علي فكره عربيتي دايو لانوس s سماوي موديل 2008 عدت حوالي 22000 ك سفرت بيها كتير وجريت بيها تقريبا استهلاك البنزين زيك بالضبط عربيه كويسه
لغاية دلوقتي بس حافظ علي الصيانه اول باول وتغيير الزيت في الميعاد والفلاتر ونضافة الموتور بالهواء باستمرار

رد: تجربتي المتواضعة مع الدايو لانوس S
 

ربنا يباركلك فيها بس من تجربتي المتواضعه معاها خد بالك من فراملها ماتبقاش زي اول ماجبتها ومش فعاله اوي يمكن عشان abs مش فيها تاني حاجه لو استخدامك شديد عليها خد بالك من الرشاشات بس موتورها كويس وعفشتها بتعيش لو من غير سباقات وطرق مش ولا بد يعني من الاخر احترمها دي مش للشد

رد: تجربتي المتواضعة مع الدايو لانوس S
 

عندك حق ياباشا اللانوس عربيه محترمه جدا بس للاستخدام الهادىء والمتزن يعنى سياره اسره وسفر وتشيلك وزى الفل انما الشد والكلام ده اللى عايزه يروح يجيبله لامبورجنى ولا فيرارى

رد: تجربتي المتواضعة مع الدايو لانوس S
 

[واخبار قطع الغيار اية والصيانة