هل تعلم ان زيوت السياره كلها وفلاترها يجب تغيرها؟؟
 

السلام عليكم
احب ما على الميكانيكي المصري انه يعمل فيها دكتور ويفتي في كل حاجه ويقولك مثلا زيت الباكم والفتيس بيتزود ومش بيتغير
واحب ما على المستخدم المصري انه يستسهل ويكسل يقرى الكتالوجسواء لو موجود معاه او لوهيجيبه من النت
بصو يا جماعه الزيوت ليها 5 وظائف من ضمنها التبريد والتزييب والتنظيف.عشان كده الزيت مع الاستخدام والوقت بتتغير خصائصه وعشان نحافظ على الاجزاء الي الزيت بيزيتها لازم الزيت يتغيركل فتره على حسب توصيه المصنع(الكتالوج)
عموما انا رايي الشخصي هكتبه:
1-زيت المتور انا بحط موبيل 1 وبغيره بعد 7000كلم (وكل غيار بغير معاه الفلتر مش مره ومره!! )
2-زيت الفتيس الاتوماتيك بحط موبيل وبغيره على30.000
3-زيت الدريكسيون(الباور) بغيره على60.000 وبحط موبيل
4-زيت الباكم بستخدم موبيل عشان هو الوحيد الي DOT 5 بصراحه مش بغيره عند كلم معين بس بغيره كل ما لونه يسود شويه لان السواد ده عباره عن رواسب ناتجه عن تاكل طبيعي في مساطر الفرامل ولو سبت الشوائب ده هتتتراكم في المشترك والمواسير وبتسدهم وبعد كده بتتلف المساطر
5-زيت الفتيس المانيوال بيتغير كل 60.000
7-فلتر الهواء بيتغير حسب ظروف الاستخدام بس متستناش عليه لمايسود يعني!!
8-فلتر البنزين كل50.000
9-فلتر الزيت تغيره مع كل غيار زيت . وبكتبها تاني عشان ده مهمه جدا يا جماعه. لانك لو مغيرتش الفلتر ...الزيت الجديد هيتوسخ اول ما تشغل عربيتك

معلومه: اي زيت لما بيتعرض لظروف تشغيل خواصه بتبدأ تتغير عشان كده غلط تزود زيت جديد لزيت شغال عشان بيكون عندك لزوجتين مختلفتين...

معلش طولت المره ده بس اختصرت على قد ما قدرت

رد: هل تعلم ان زيوت السياره كلها وفلاترها يجب تغيرها؟؟
 

فعلا أكيد الافضل التغيير

رد: هل تعلم ان زيوت السياره كلها وفلاترها يجب تغيرها؟؟
 

معلومات مفيده

رد: هل تعلم ان زيوت السياره كلها وفلاترها يجب تغيرها؟؟
 

كلام جميل ياشارو ووجهه نظر تحترم على الاقل انت كده بتصون عربيتك والوقايه خير من العلاج
تحياتى

رد: هل تعلم ان زيوت السياره كلها وفلاترها يجب تغيرها؟؟
 

كلام جميل شكرا ليك