|
رد: اللانسر و حقيقتها
بصراحة موضوع السعر دة خصوصا هنا في مصر ملوش معيار ..و غالبا الى بيحددة تجار معارض العربيات بناء على انهم بيوجهو العميل لعربية معينة مش لانها كويسة لكن عشان مكسبهم فيها بيكون اكتر و كتير منهم بيستوردوها من الخليج و بيكسبوا فيها اكتر من اى عربية تانية . دة خلى الناس كلها تتوجه لشراء اللانسر مما ادى الى زيادة الطلب عليها و بالتالى زيادة سعرها . بس انا شايف انها عربية معقولة جدا في فئتها . بالمقارنة بالعربيات اليبانى التانية .
|
رد: اللانسر و حقيقتها
ارجوا من كاتب هذا الموضوع ان يكتب لنا عنوان المصدر الذي نقل عنه هذه البيانات عن اللانسر! اذا كانت
اللانسر كده والواحد طالع عينه عشان يكمل تمن المقدم بتاعها وهي بالمنظر ده؟ يبقى نشتري ايه مرسيدس؟؟ مع وافر احترامي لك ولرأيك والخلاف لا يفسد للود قضية |
رد: اللانسر و حقيقتها
عند الحديث عن مقارنة بين اللانسر والالنترا!
يكفى يا جماعة ان اذكركم بشيء مهم جدا لأني بقالي فترة بدور على عربية لانسر قسط تكون موديل 2008 مش 2009 عشان تكون اقل في السعر ونحن اليوم 25/12 مفيش ولا واحده من اللانسر , بينما الالنترا حتى الان لم تبيع منتج 2008 ويقنعك التاجر بالالنترا وبانها ارخص من تمنها ب9 الاف جنيه, بينما اللانسر المعروض من شهر 10 هو 2009 |
رد: اللانسر و حقيقتها
من الأخر ياجماعة السيارة ناجحة فى مصر بكل المقاييس ..... وباعت اعداد رهيبة سواء وكيل او خليجى
لكن لو نظرنا للأمور بنظرة منطقية شوية هتلاقيها اقل السيارات اليابانية جودة بالمقارنة بمثيلاتها سواء تويوتا هوندا مازدا سوبارو او حتى النيسان (التيدا) مش الصنى اللى بتتجمع فى مصر...سواء التقفيل او جودة الخامات الخاصة بالمقصورة واللى يعارض يوقف اى سيارة من اللى تم ذكرها ويقارن ع الطبيعة هيلاقيها احسن من اللانسر بمراحل وده اللى بيدى البعض ايحاء انها مش يابانى..... اما من حيث العفشة والاتزان والثبات فهى لا ترقى ايضا للموديلات المذكورة او هى اقلهم بالفعل اما من حيث القوة 122 حصان فده كلام ولا فى الاحلام لأن سيارات اقل من كده بكتير فى الهورس باور بتعديها بمراحل زى البيجو 307 والرينو الميجان وحتى الالنترا . اما بالمقارنة بالاوروبى فهى بعيدة كل البعد عن المنافسة تمااااااااااااااااااما وده عن تجربة شخصية لأنى سوقت اللانسر حوالى شهر وكانت بتاعة حمايا ولما ركبت الستروين c4حاسيت ان العربية وانا ماشى انها تحت امرى اما اللانسر انا اللى تحت امرها شغالة بدماغها وبس لكن فى المجمل هى اكيد لا تقارن بأى سيارة كورى او صينى هى احسن طبعا وكلامى على الشكل القديم اما الموديل الحديث 1500 سي سي فهو بالطبع شكله غير ولا يقارن بالشكل القديم وينافس بالفعل باقى الموديلات المذكورة...بجداااارة ولكن ايضا لا يفوز. وده رأى الشخصى القابل للنقض طبعا والحاد كمانptmnlo123per144 |
رد: اللانسر و حقيقتها
اقتباس:
انا معاك تماما في رأيك يا ايمن .... ده نفس احساسي بالعربيه بالرغم اني مسوقتهاش .... لكن انا ركبت البومه و الكريستاله .... وغير اني معجب بشكل الكريستاله عن البومه .... حسيت كراكب (مش سائق ) ان الكريستاله انعم واشيك واريح .... وده لا يقلل من البومه .... لأنها بتحقق القيمه مقابل السعر ... وزي ما انت قلت لا تقارن بالتيدا او هوندا او مازدا او ...... لانهم اغلا وبالتالي قيمتهم (كجوده و مواصفات ) اعلا لكن نقارنها باللي في نفس فئتها و سعرها ... صني - ياريس - النترا .... الالنترا ركبتها كانت لسه زيرو ... و بالتالي صعب المقارنه ... العربيه بشوكها .... مع اني بميل لرأيك في النقطه دي ... (الياباني افضل من اللي بالي بالك ptmnlo123per1135 ) الصني عربيه كويسه ... وسوقتها زيرو.... ومشوفتش منها حاجه وحشه ... بس انا عندي ارتيكاريا من التقفيل المصري ... ptmnlo123per160 و الياريس سوقتها .... ممتازه .... وبرضو بنفس المبداء السعر مقابل القيمه |
| الساعة الآن 04:25 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017