تجربه النيسان صني بعد البسات
 

الحمد لله معايا بسات و الحج معاه صني سوبر صالون موديل 2006
اول مااشتراها و الحج مش بيغليها على حد بطيابته المعهوده
و بستعملها عادي و مره قلت اجربها
هانتكلم في الشكل
عريضه جدا بس كلاسيك برضه مش كبيره زي البسات
الوسع الداخلي طبعا بعد السفيه الي معايا مافيش كلام
في العرض تاخد 3 بس مش مستريحين علشان طول الصالون صغير
نتكلم في الاداء
بجد ماكنتش مصدق ا دي عربيه ياباني
التسارع بتعها صاروخ من الصفر لل 140 بكل ثبات و اتزان كاني راكب البسات
بعد 140 الدنيا ريشه في هوا
الفرامل ماشفتش فرامل زيها بس حاسب مش ايه بي اس يعني تزحيف للصبح
بس للامانه الفرده ضربت على 120 و ربنا سترها
المتور 1600 سي سي 2 كامه بتخلى التسارع بتاع العربيه معاك على كل السرعات
الصاج معقول بس الاكصدمات ورق اي تريحه بيضيع بس ماتخفش شويه ميه سخنه و يرجع تاني
اسعار قطع الغيار لحد الوقتي ماغيرناش غير فانوس ورا ب 600 جنيه
سرعه قصوى لحد الوقتي وصلت لل180 و خفت اكمل بس كان الار بي ام على 4 و لسه فيه لحد ال 8 يعني ممكن تقفل العداد
العربيه مش عاجبه الحج لانه كا راكب مرسيدس 230 بيقولي مش زي المرسيدس قلتله طبعا
استهلاك البنزين
طول مانت ماشي بما يرضي الله يعني لحد ال 110 تعمل 240 كيلو في السفر من غير تكييف بس خد بالك دي اتوماتك البسات الله يسترها مانول 280 و سعات 300
هيا ماشيه حوالي 20 الف كيلو مارحتش الا لصيانه ال1000 كيلو بعد كده شكرا
طبعا الوقتي العفشه عاوزة تتربط و العجل عاوز يترصص بس عادي طول ماهي ماشيه يبقى زي الفل لما تقف يبقى يحلها ربنا
نسيت اقول اني بحب العربيه دي قوي لسبب واحد التكييف رائع و مش بياثر خالص على اداء العربيه

رد: تجربه النيسان صني بعد البسات
 

جزاك الله خيرا يا باشا علي التقييم ده
بس المقارنة مع الباسات و المرسيدس اكيد مش حاتكون في صالح النيسان
ربنا خلق الناس درجات فما بالك بالعربيات
بعد الـ 140 هوا دي فاجئتني ، أنا كنت فاكر النيسان أحسن من كده، أكيد العفشة عايزة تتزبط شوية
انت عارف ان العربية اللي فيها كذا رجل مبتبقاش مظبوطة

بس استهلاك البنزين في السفر ده عالي برضه ، طب بتعمل ايه جوه البلد:w6w20050411223 6376d

ربنا يباركلك فيهم (الباسات و النيسان) و بنفس الشياكة دي لو جربت أي عربيه تانية متحرمناش من تقاريرك

رد: تجربه النيسان صني بعد البسات
 

فعلا تقييم جميل بس فيه تحامل على النيسان بمقارنتها بالمرسيدس او الباسات كمان العربية لسه فى التلليين والترصيص مهم حتى فى الثبات وفى استهلاك البنزين

بس حضرتك معاك الصنى انهى ؟؟

رد: تجربه النيسان صني بعد البسات
 

ربنا يخليكوا يا شباب
الصني علشان اتوماتك فاستهلاك البنزين عالي ده طبيعي
جوة البلد بصراحه بتستهلك اكتر طبعا علشان التكييف شغال عى طول و اتوماتك
هيا مش بتعاتي بتاعه بابا و هيا سوبر صالون مصري
الاسبوع الي فات كانت معايا كله بصراحه 200 جوة البلد على ما اتزكر
بالنسه للثبات بعد 140 ضعيفه خصوصا انها عاليه على عفشه ناعمه بصراحه كتر خيرها
بس ارحم من الكورولا و اليارس الي نسوا يحطوا فيها نظام الثبات اصلا
عربيات مرعبه
استنوا مني تقييم البورا و اليارس و البولو

رد: تجربه النيسان صني بعد البسات
 

مشكووووووووووور على التقييم