|
استفسار سيات كوردبا ١٩٩٦
السلام عليكم
انا بإختصار ادامي سيات كوردبا ١٩٩٦ فابريكا جوه ومن بره كانت حادثة بسيطه هيتغير فوانيس قدام وشبكة واكصدام بس الحيطه مش والله للسدر بتاع العربية هي من الاخر بتدور وسعرها بعد الشغل ٣١٠٠٠ عايز النصيحه اتأكد من ايه قبل ما اشتريها ولا بلاش منها وموضوع قطع الغيار ليها الكل بيرعبني منه اعمل ايه .... |
رد: استفسار سيات كوردبا ١٩٩٦
بخلاف موضوع الحادثة ده عربية موديل تسعينات اكيد محتاجة مصاريف واكيد هتحتاجلها قطع غيار وده عذاب لما تكون العربية مش منتشره علماً ان اجزاء كتير منها مشتركة مع السيات ابيزا والفولكس بولو موديلات التسعينات برضو فالمواتير والات الجر وجزء كبير من قطع الغيار الاساسية هتلاقيها موجودة لكن اسعارها ايه غالبا غالية زى كل الالمانى لكن فى النهاية ممكن تلاقى نفسك علشان تأنيها وتخليها عربية محترمة صرفت عليها اكتر من تمنها ولما تيجى تبيع مش هتجيب اللى اتصرف عليها ده غير تقل بيعها كمان فديه فى رائى مش احسن اختيار شوف غيرها عربية واتنين وبعدين قارن علشان تبقى مقارنة موضوعية غير كده الموضوع مقامرة وفيه نسبة مخاطرة عالية جدا
|
رد: استفسار سيات كوردبا ١٩٩٦
جزاك الله خيرا على الرد
|
رد: استفسار سيات كوردبا ١٩٩٦
أنا اشتريت عربية سيات قرطبة 1996 والحمد لله حالتها كويسة بس محتاجة شوية تظبيط. عاوز أعرف محلات قطع الغيار والإكسسوارت وأرقام تليفوناتها لو أمكن.
حاجه كمان، أنا لسه جديد في مصر موتورز ومش عارف أدخل اسجل في مجموعة مالكي سيارات سيات. أفيدوني أكرمكم الله. |
| الساعة الآن 11:38 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017