|
انا بنصحكم نصيحة لوجة الله .
السلام عليكم
شوفو انا هقلكم نصيحة لوجة الله ألي معاة قرشين وهيشتري عربية ولا هيشتري شقة ولا حتت ارض او هيفتح مشروع او هيدخل فمشروع .. او اي كان الاستثمار ألي عايز يعملو بفلوسو نصيحة مني بلاش دلوقتي شيل فلوسك واستني بعد انتخابات الرئاسة بشهر لاني البلد واقفة محلك سر واحت مال يتعاد مسلسل يناير تاني . وكمان احتمال البلد تعلن افلاسها . واحتمالات التشأوم اكتر بكتيير من الفرح انا بنصحكم نصيحة لوجة الله . عن نفسي عملت كدا حتي تجارتي تقريبا شبة صفيت 70% منها:pty: . |
رد: انا بنصحكم نصيحة لوجة الله .
احنا عارفين ان الحال لا يسر عدو ولا حبيب ولكن معني كلام حضرتك ان الدنيا تتوقف لحد انتخابات الرئاسة احنا المفروض نتكاتف جميعا واللي يقدر يعمل حاجة يعملها للبلد واهل مصر يعملها ومايبخلش مش شرط ماديا ولكن لو كل واحد يملك عمل خاص وبه عاملين وقام بتصفية تجارته ده اكبر غلط في ناس دخلها يومي ولا تملك دخل يوم قادم
انا في تجربة طبقت عليا وعلي زملائي في العمل ان احنا بعد الثورة دخل شركتا بدأ في الانخفاض بشكل ملحوظ واغلب الموظفين والعاملين بشركتنا طلبو زيادة المرتبات نظرا لظروف الحياة وخصوصا ان اغلب السلع اسعارها زادت بعد الثورة نتيجة الثورة المضادة تم عمل اجتماع موسع في الشركة وحضره صاحب الشركة واغلب العمال والموظفين فقد وجد ان دخل الشركة اصبح متذبذب والموظفين طالبين زياة فقال صاحب الشركة الآتي انا لا استطيع ان ازيد المرتبات وانتم لكم الحق في الزيادة ولكن هناك مقترح لأني مسئول عنكم وانا في مأزق مالي الاقتراح هو ان دخل الشركة الشهري سوف يتم توزيعه بالكامل عليكم ايا كان قيمته ولي نسبة ضئيلة من الدخل سوف تعلمونها والباقي سوف يوزع عليكم كاملا بعد سداد الالتزامات الشهرية للشركة ايجارات وضرائب مبيعات وخلافه طبقا لنسب مرتباتكم لحين استقرار اوضاع البلاد واستقرار الحالة الاقتصادية وبعدها نطبق مقاييس جديدة للمرتبات تكفل حياة كريمة لكل منكم احنا عجبنا المقترح ده وفي بعض العمالوالموظيفين بدأو يشتغلو اكتر لزيادة دخل الشركة قولولي ايه رأيكم في المقترح ده |
رد: انا بنصحكم نصيحة لوجة الله .
اقتباس:
فى شركات عندما طالب موظفوها وعاملوها زيادة مرتبتهم رفض صاحب الشركة وقام باغلاق شركته لمدة حوالى شهر اما عندكم صاحب شركة محترم وافلح ان صدق واكيد انتم تعرفوه فهل وعدكم بشىء قبل هذا الوعد واوفى به او خالفه اكيد عندما تعيد شريط ذكرياتك فى عملك حتعرف الرد الصحيح فالصادق لا يكذب والكذاب لا يفى بوعده اللهم اصلح احوال المسلمين |
رد: انا بنصحكم نصيحة لوجة الله .
البلد محتاجة الرجالة ومش محتاجة الخوف لأن هذا يعتبر نوع من اوناع الانفاق مش عايزين نخرب البلد الناس هتجوع حرام والله
|
رد: انا بنصحكم نصيحة لوجة الله .
اقتباس:
العامل او الموظف مش شايل هم حاجة . عايز مرتبة عشان يصرف علي بيتة وعيالو وخلاص لكن اصحاب العمل شيلين بلاوي وعليهم بلاوي محدش بيفتح مشروع غناوة ولا تضيع وقت انا في 10 شهور بالظبط خسران 250 الف جنية . والخسارة متنوعة والحكومة بتقول الصندوق هيشتغل ويسدد . ووقت الجد ولما قدمنا ورقنا قالو البلد مفيهاش فلوس . يا بية دة الكونتر قعد شهرين ونص عشان يدخل المخزن . ولية 9 شهور ولسا مخلصتش من بيعو دة كان بيباع في 30 : 45 يوم بالكتير اوي .. عارف حضرتك دة معناة اية . معناة اني اتكلفت عمالة ومرتبات موظفين 10 اضعاف المتوسط العادي عشان ابيع نفس الكمية ونفس الدخل القديم . حتي في تجارة السيارات التاكسي الأولاني 26 الف راحو عليا لما اتسرق والتاني 14 الف صيانة عشان ترجع عربية تشتغل ! احتسب كل ذالك عند الله والحمد لله علي كل شىء وقدر الله وماشاء فعل . ... مش معني كلامي اننا نوقف العمل . لا اقصد اني لو حد مقدم علي شىء جديد يتمهل حتي تستقر البلاد . ودية نصحتي وصدقني ألي جرب لسعة النار هينفخ فالزبادي |
| الساعة الآن 01:31 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017