استفسار عن الاوفر دريف
بسم الله الرحمن الرحيم
اولا اتوجة بالشكر لجميع الاعضاء واحب اعرفكم ان ده اول موضوع اشارك به بالمتدى مش هطول عليكم احب اعرف فائدة الاوف دريف ووظيفتة ؟؟؟؟؟ وكمان احب اعرف لو مثلا انا على وضع الD ونزلت مثلا 3 او 2 او L المفروض لو رجعت نمرة ارجع وانا على سرعة كام قصدي اني انزل منDل3 يبقى ازاي وامتى وماتاثيرة؟؟؟؟ وبسيارتي لايوجد اوفر دريف لية ؟؟؟؟ سيارتي شبح 320SELموديل 98 كمان عاوز اعرف الراحة للموتور لو مثلا مسافر بها لابد ان اريح الموتر مثلا مسافة 1600 كيلو هل المفروض اريح ولا اكتفي بس بالوقوف اثناء محطات البنزين وكمان عاوز اعرف المفروض اني اغير جنزير الصدر للعربية مع العلم انه حديد ولا لا؟؟؟؟ وكمان عاوز هل الزيت الذي يستخدم مثلا لمدة 5000 كليو له تاثير على الموتر ولا لا؟؟؟؟ وهل يجوز تغير زيت الجير الاتوماتيك والفلتر ولا لايجوز؟؟؟؟؟ |
رد: استفسار عن الاوفر دريف
الأوفر درايف هو عبارة عن ان نسبة التخفيض فى الجير بوكس مش بتمون نسبة تخفيض بالعكس دى بتكون نسبة بتكبر السرعة اللى خارجة من المحرك عشان كدة اسمه أوفر درايف
لو حضرتك سايق على وضع ال D و عايز تنزل ل L او 2 أو 3 مش هينفع عشان فى لوك لازم تدو س فرامل الاول عشان تنزل و طبعا لا أنصح بالموضوع ده لكن خد بالك كويس انه ينفع تزود السرعة من L و تطلع بعد كدة على 2 أو 3 مفيش مشكلة عربية حضرتك مش فيها زر الاوفر درايف زى النيسان الصنى مثلا و لذلك فيها L و 2 و 3 و الغيار الرابع هوا الاوفر درايف و ده بيجى لما تستخدم ال D معلش ركز اكتر هقارن بين الفتيس اللى عند و الفتيسس اللى فى الصنى( نيسان ) انت عندك L و 2 و 3 و D نيسان صنى موجود فيها L و 2 و D و مش موجود 3 لكن موجود بدلا منها زرار فى الفتيس لو دست عليه بيكتب على لوحة العدادات O/D off و معنى كدة انه مش هيجيب رابع و هيكون أخره التالت بالنسبة لراحة المحرك اتأكد ان مستوى المياة و الزيت تمام قبل ما تدور العربية و طول ما العربية مش بتسخن و مؤشر الحرارة مظبوط ممكن تمشى للأبد بس المهم انت تقدر تسوق 1600 كم من غير راحة ؟ موضوع الجنزير دا لايف تايم Life time مش بيتغير خالص إلا لو هتعمل عمرة او هتفك الوش الزيت اللى بيتغير كل 5000 كم لو غيرته فى معاده مش هيكون ليه اى تأثير سلبى على المحرك و يا ريت توضح السؤال الخاص بالزيت تانى موضوع زيت فتيس مرسيدس الحقيقة مش عارف بيتغير كل كام كيلو متر بالمناسبة زيت فتيس بى غم دبليو لايف تايم يعنى مش بيتغير إلا لو فكيت كرتيرة الفتيس او الفتيس يا رب اكون افادت على أد ما قدرت |
رد: استفسار عن الاوفر دريف
شوف يا باشا ..
بالنسبة للاوفر درايف ده هو لما يكون شغال بيخلى الفتيس الاتوماتك (يجيب اخر النقلة) ينقل على ار بى ام عالى اللى هو 5000 مثلا بدلا من 3500 اللى هو فى الحالة العادية و ده بتشغله لما تحب تشد مع حد بعربيتك (يعنى تجمع سرعة اكتر فى وقت اقل).. يعنى ممكن تعتبره سبورت مود فى العربية و بالنسبة للنقلات اللى هى 3 و 2 و 1 فى الفتيس الاتوماتك هى معمولة اصلا علشان لو انت طالع مكان عالى بالعربية و عزم العربية مش جايب معاك و انت على D و ممكن تسقط من ال D لرقم تلاتة و انت ماشى على اى سرعة لو عاوز تشد فى غرزة مثلا و تدى للعربية عزم عالى بس مانصحكش انك تعمل كدة علشان ده بيأثر على عمر الجيربوكس و عربيك يا باشا الافر درايف هو حرف S اللى موجود جنب الفتيس (يعنى السبورت مود) و مفيش داى لترييح الموتور يا باشا انت راكب شبح مش سيات مادام الحرارة تمام و الزيت و المية متأكد نهم و العربيةماشية معاك كويس ... خلاص جنزير الصدر ده بتغيره لو فيه مشكله او بيطقطق او بيطلع صوت او مأثر على حاجة فى اداء لعربية ما لو شغال كويس خلاص و بالنسبة لزيت الموتور لازم تهتم بتغييره فى الاوقات المظبوطة و خصوصا لو انت عايش فى الخليج لأن ده بيفرق قوى فى عمر الموتور و حر الخليج بيحرق الزيت فى وقت اقل و الزيت ده مهم جدا لدورة تبريد الموتور ... بالنسبة لتغيير زيت الجير ماتغيرهوش برده الا اذا استتدعى الامر و ده خص بالعربيات الالمانى كلها يعنى ماتروحش من نفسك تغيره الا لو فيه مشكله فى الجير و تستدعى تغيير الزيت ... و اى خدمة احنا تحت امرك يا ريس |
رد: استفسار عن الاوفر دريف
واضح يا نيسان باشا ان احنا كنا بنرد فى نفس الوقت :) افادكم الله يا باشا
|
رد: استفسار عن الاوفر دريف
بالنسبه للمرسيدس S-class (الشبح) من أول موديلات 1996 نزل الجيربوكس الكهربائي ( الإلكتروني ) بـ 5 سرعات وكان هناك جيربوكس أوتوماتيك 5 سرعات غير كهربائي كان بالطلب على S320/280 http://www.mypicx.com/uploadimg/9939...09142009_1.jpg وهوه ده صورته بإذن الله في عربيتك (ماشاء الله) مين قال إن عربيتك مافيهاش أوفر درايف بزرار تتحكم فيه بص على الزرار الموجود في الدائره الحمراء المشار لها بالصوره وحتلاقي الزر الخاص بتشغيل برنامج الأوفردرايف من عدمه حول الزرار تجاه الحرف S ... كدلاله على sport أي قياده رياضيه وبشكل بسيط ودارج عشان العربيه تحرق على النقلات _________________________ ____ أما بالنسبه لموضوع الزيت فمش عارف قصدك إيه لكن فيه تقرير لطيف -منقول- حبيت أطرحه هنا يمكن يفيدك ويفيد بقية الأعضاء تبديل زيت المحـرك على فترات متقاربه يعجل بتآكل أجــزاء المحرك http://www.carpages.co.uk/mercedes_b...l_18_12_04.jpg ربما الفكره من طرح هذا الموظوع تستدعــي الإلمام بتقنية خواص وخلط الزيوت وتركيباتها وبإختصار جداً : يتم خلط نسبة ديــزل في حاوية خلط الزيوت وذلك للأسباب التاليه: 1- يعمل الديزل على عدم غليان الزيت عند الوصول لدرجات حرارة عاليه وبالتالي عدم تبخــرة خاصة عند دورات المحرك المنخفضه / عند إشارات المرور 2- يعمل الديــزل على تنظيف جدران وأجزاء المحرك كي لايسمح بإلتصاق أية شوائب في أجزاء أو جدران المحرك الداخلية كي تتم عملية تزييت وتبريد أجزاء المحرك مباشرة. http://www.aeolus-online.com/catalog...pare_Parts.jpg والسؤال : مالذي سيعملة الديزل في حال أن الزيت جديد ونسبة الديزل فيه قوية وأجــزاء وجدران المحرك نظيفة ؟ http://www.engineparts.cn/upload/shipeitao.jpg سيبداء في دعك أجـزاء المحـرك بغية تنضيف وإزالة الشوائب ( والتي غير موجوده هنا ) سيبداء في تنظيف ودعك جــزء كـ ( السلنـدر ) مما يجعل خلوص السلنــدر أوسـع نسبياً من الشنبر وبالتالي يبداء المحرك في إستهلاك نسبة زيت متفاوتــة .! وقـس ذلك على بقيــة أجــــزاء المحـرك http://www.auto-parts-wholesale.com/...ston-set-l.jpg -إنتهى النقل- رأي شخصي أنا بغير الزيت كل 10000 كيلو متر وباستعمل زيت موبيل 1 وبغير فلتر الزيت مع كل غيار زيت _______________________ بالنسبه لتغيير زيت الفتيس ...كما أعلم لايتم تغييره بالموديل الموجود معاك إلا في حالة فتح الجير بوكس وعمل صيانه له وربنا يباركلك فيه ومايتفتحش أبدا ____________________ ترييح العربيه من وقت للتاني في المسافات الكبيره أكيد شيء جيد بس مايمنعش إنك ممكن تدوس وماتقلقش معاك وحش (ماشاء الله) _________________ وتغيير سير الكاتينه .... للأسف لا أعرف عن موتور ال S320 هل سير الكاتينه جنزير أم كاوتش صورة الموتور الموجود عندك (بإذن الله) http://media.snimka.bg/1980/010216174.jpg ولكن أغلب الظن فهو جنزير حديدي وفي هذه الحاله لايتم تغييره إلى ماشاء الله ___________ قبل أن أنسى ... هناك موقع سيفيدك كثيرا ولكن باللغه الإنجليزيه عن مشاكل وصيانة الـ S-class الموديل الموجود معاك (الشبح) http://www.k6jrf.com/MB_S500.html _________________________ _________________ أرجو أن أكون وفقت في الرد ..... وشرفنا بك عضوا مميزا محبا لمرسيدس وأهلا بك في قسمنا المتواضع عن المرسيدس بأي وقت وحاضرين للرد على إستفساراتك بما يفتحه علينا رب العالمين من معلومات |
رد: استفسار عن الاوفر دريف
يا جماعة فى فرق بين السبورت درايف و الاوفر درايف
|
رد: استفسار عن الاوفر دريف
الباشمهندس أحمد كامل قال كلام وافى ! خاصة معلومة تغيير الزيت !
أنا ح أتكلم فى نقطه واحده وهى التخفيض من الدى الى 2 ! ودى بتعملها فى حالتين ! طالع جبل أو مطلع أو بتتسارع مع عربيه على سرعه بطيئه نسبيآ وعايز تخلع منها ! بالنسبه لسرعات نسب التخفيض دى ح تلاقيها فى كتالوج سيارتك لو كنت شاريها جديده ! مثلا عندى كورولا 97 مكتوب فى الكتالوج ان الدى لغاية سرعة 96 كم / الساعه ! يعن ممكن تمشى بيه لغاية 96 أو لو كنت أعلى من كده انزل لتحت ال96 وانقل النقله مع ضغط خفيف على الفرمله ! طبعآ ممكن السرعه دى تختلف من الكوروى 1300 سى سى و مرسيدس فوق ال 2000 سى سى ! علشان كده بأقول لك بص فى كتالوج السياره ! Dr. Bolbolan :waving: |
الساعة الآن 04:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017