|
|
رد: رابطة مالكى الاكسل
كان ليا سؤاال اخير انا العربيه بحس انها ماتت هى السرعه بعد 120 كم ومركب بوجيهات 2 شمعه ngk وبحط بنزين 80 ارجو الاهتمام
|
رد: رابطة مالكى الاكسل
عاوز اعمل صيانة لايريال العربية هى اكسيل 1500 عاوز اعرف الطريقة الصحيحة لفكة وتركيبة وشكرا
|
رد: رابطة مالكى الاكسل
اقتباس:
وربنا يكفيك ويكفينا شر الطريق جميعا يارب ثانيا :- ممكن تراجع الكربراتير وفلتر الهوا وكمان طقم الدبرياج واكيد البوجيهات بتأثر على السحب ثالثا : ايه حالة الفتيس عندك هل كويسه ولا خشن ولا بيعمل صوت ونه وبيعض فى النقلات كل ده بيأثر ع السحب وهل بتجيب ال 120 على الرابع ولا الخامس يمكن فيه مشكلة فى تروس الفتيس بس جرب السهل فالسهل ثم الاصعب منه وربنا ييسر كل عسير وشكرا |
رد: رابطة مالكى الاكسل
اقتباس:
عربية انجكشن يبقى الكود فيه حرف r عربية كاربارتير الكود لا يحتوي على حرف r ده ببساطة و البوجيهات لعربيتك NGK ده للانجكشن BPR6EY و ده للكربيراتير BP6EY http://www5.0zz0.com/2011/12/15/20/219561927.jpg و راجع الرابط التالى للاستفادة http://masrmotors.com/vb/showthread.php?t=40885 |
رد: رابطة مالكى الاكسل
وحشتونى يا احبائى الكرام واسف على التأخير لانى كنت مسافر ومشغول
اقدم لكم اليوم موضوع جديد وجميل نبدأ مع بعض بسم الله بسم الله الرحمن الرحيم السلام عليكم و رحمة الله و بركاته كالمعتاد استكمالا لسلسلة تعالوا نعرف عارف هتقولولي زهقتنا منها و استكمالا لسلسلة أكسل و ضميره و اخيرا لأني وعدت ناس بمفاجاة و قنبلة هتهز جدران المنتدي و عشان كده نزلت دورة الاسعافات الأولية قبلها ( عشان عراف انك هتضرب من الصنايعية... عارف يا خويا اتلم بقي) يسعدني اقدملكم ازاي نظبط عربيتنا و نركبلها اللي احنا عايزينه تحت شعار ( و لا الـحـوجـة لـلـصـنـايـعـيـة ) و ذلك نظرا لأننا كلنا بنعاني من الصنايعية اللي واخدينها فهلوة و حاسيين ان هم مخترعين العربية و يجوا يتنططوا علينا و يقرفونا عشان يركبولنا حاجة و يعيشوا في دور العلماء و ياخدوا في حاجة متخدش 10 دقايق اكتر من ساعة و تلاقيه اساسا حاجة من الاتنين ياما محتار و مش عارف باقي الخطوات و بيفتكر ياما ياخد وقت عشان يجي في الاخر يقولك بص خدت مني شغل اد ايه و يصعب عليك و تقول مش مشكلة أصله يستحق و في الاخر الشغل ساعات بيطلع مش كويس فقررت بعد خناق مع ضميري كالمعتاد اني انزل موضوع فيه طريقة تركيب اغلب الاكسسوارات و الكماليات اللي بنحتاج نركبها بالفيديو بدل اللجوء للشخصيات اللي ذكرتها فوق و الموضوع بيضم حاجات كتيير زي تركيب الفرش و الفيميه و الباركينج سينسور و الزينون و ...و ...الخ..الخ ----------------------------------------------------------------- تركيب فرش يعني كل اللي هتحتاجه شوية كلبسات الحديد ممكن تاخدها من عند الراجل و زرادية ( طب مينفعش كام مسمار ... ابتدينا الماضة من اولها ) ----------------------------------------------------------------- تفييم هنا نزلتلكم نوعين من العربيات شنطة و هاتش باك عشان محدش يقول حارمكم من حاجة و في حاجات ممكن تبدلوها زي اللي بفرغ بيها الهوا ممكن نستخدم كارنيه و اهم حاجة الكاتر يكون حامي و رولة الفيمية رخيصة 12-15 جنيه و عيش ( طب مفيش تفييم توك توك بالمرة .... لا في تفييم عجلة يا خفة ) ----------------------------------------------------------------- تغيير لمبات الفوانيس شيل القديم و حط الجديد (طب مينفعش احط الجديد وا شيل القديم ... اخرس ياض ) ----------------------------------------------------------------- تركيب لمبات هالوجين طبعا في بعض الاحيان ممكن نحتاج كتاوت و الافضل تلخي واحد يركبهالك لأني معرفش ازاي ( و انت من امتي عارف حاجة .... استغفر الله العظيم بلاش انت تكلم عن الجهل ) ----------------------------------------------------------------- تركيب زينون و طبعا الواحد منا لما يروح يركبه عند حد يعمل حسابه انه احتمال يبات في الشارع عقبال ما البشمهندس يركبه مع انه معاه كمان كتالوج يعني اي حد يقرأ و يركب ----------------------------------------------------------------- الباركينج سينسور طبعا شايفين الشغل ع نضافة عامل ازاي مش هنا الكرتونة اللي بيغيروا عليها الزيت و يستخسر يعمل زي الراجل حتي و يحط حتة بلاستر ركب بالبركة و خلاص ----------------------------------------------------------------- تركيب فلتر سبور و تنظيفه و تزييته اهو مفيش اسهل من كده و لا ايه و بالنسبة للفلتر الاسبور اللي هو زي الاصلي اللي بيتحط جوة العلبة كل اللي هتعمله هتفك الكلبسة بتاعت العلبة و تشيل القديم و تحط الجديدو تقفل العلبة و الكلبستين تاني و تنضفه كل مدة لما يبقي زي ما شوفنا و الافضل دايما ننضف من وقت للتاني و خاصة في الشتاء ( طب و الصيف بلاش مهو طبيعي هيعرق و هيبقي عايز يستحمي ... غور من هنا ) ----------------------------------------------------------------- دهان الجنوط شايفين الجمال بس الفرق اننا هنا هنبقي محتاجين علامة الجودة المصرية في دهان اي حاجة اللي هو ورق الجرايد تحت اي حاجة ندهنها و كل واحد و زي ما يحب يفنن في جنطه او طاساته و الرش ده تجيبه من عند اي بتاع دهانات و بيتراوح سعره من 7 - 12 جنيه ع حسب النوع ----------------------------------------------------------------- تركيب ورق عدادات طبعا زي ما شوفنا هنفك المسامير بس و اي حاجة فوق و نشيل واحدة واحدة و ناخد بالنا من المسامير و نفضل فاكرين كل كابل بتاع ايه ده لو في لأن بتختلف من عربية للتانية و ممكن تأ يد في ورقة كل كابل و تلزقه ع الكابل و ع ما اتذكر فيه عضو معانا هنا جازف و فك الفيرنا و عملها و النتيجة كانت حلوة ----------------------------------------------------------------- تركيب حلية شكمان حلية الشكمان بقي مش كيميا هتبقي كيميا في حالة واحدة انك عايز تلحمها في الشكمان عشان متتسرقش لكن غير كده هما مسمارين ما معلمهم في الصورة و بيتتربط ع طرف الشكمان عايز بقي تلحمها تروح لأي حد بتاع شكمانات و تخليه يلحمها و ده اولا لتوافر الادوات اللازمة ثانيا عشان تانك البنزين مع ان اللي يسرق حلية شكمان يبقي حرامي يا اهبل يا عبيط يا بخيل ----------------------------------------------------------------- الحيل و المقابض النيكل طبعا دول مش محتاجين يعني و سوبر جلو يهقوم بالواجب بالنسبة لمبقض الفتيس فقولت ازاي بالنسبة لمقبض الباب فده تقدر تشوفه لما نيجي للجزء الخاص بالسنتر لوك ----------------------------------------------------------------- تركيب مسند مسند بين الكرسيين او مخدع بين الكرسيين بيتكون من 5 قطع لما بتشتريه بالشكل ده كل اللي هتعمله انك المسامير و الصواميل اللي معاه هتركبها بحيث هيبقي بالشكل ده ----------------------------------------------------------------- تركيب لمبة الصالون بتعتمد اذا كان الكفر مربوط بمسامير او كبس اللي بمسامير نفكه بمفك و الكبس ممكن بسكينه مطبخ صغيرة و في منها باليد كده هيطلع معاك زي اللعب بتاعت الاطفال اما بالنسبة للمبة ديه برده بتعتمد فيه منها عبارة عن لمبة فيها منها عبارة عن شريحة او شريط عليه لمبات صغيرة هتاخدها و تجيب زييها و هنشيل و نحط بس كده مهياش فيزيا يعني ----------------------------------------------------------------- تركيب مقبض فتيس طبعا بنتكلم ع الفتيس المانيوال كل اللي هتعمله تفك المقبض القديم زي الصواميل و تركب الجديد ----------------------------------------------------------------- فك و تركيب الباب من الداخل فك و تركيب الفبر بتاع الباب طبعا شوفوا في فيديو فك الباب عشان السنتر لوك ازاي اتفك كام مسمار ع حتة كبس و خلصت و ديه انا عملتها لواحد صاحبي كان عايز ينضف الفبر و مش عارف و خايف ينضفه و هو راكب تيجي مية ع مكنة الكهربة او السنترلوك ففكيته و نضفه و خده فومين و ركبته تاني و طبعا مش عايز اقولكم منظره والباب بيتفك قدامه كنت حاسس انه ناقص يبوس ايدي عشان امشي لما المسمار وقع مني في الارض وقع وراه من الخضة و الرعب كانت هتجيله ساكتة قلبية و انا فطست ع نفسي من الضحك لدرجة الناس طلعت تبص مين السكران اللي في الشارع ده ----------------------------------------------------------------- لزق الاستيكر طبعا حاجة صعبة اوي بالنسبة للبعض طبعا في ناس هتجي تقولي انت عبيط يا عم انت هقوله اه ..احم قصدي .. لأ لأن في غيرك ايديه مش بتكون مظبوطة و ساعات الاستيكر اللي يتلزق ميطلعش تاني واحد يجي يتذاكي بقي منهم يقولي حطله ماية و صابون ايه يا عم انا بقول هلزق استيكر مش هنضف استيكر و اضيع اللزق فالحل في حاجة اسمها لزق ماجيك و ده عبارة عن لزق بيتحط فوق الاستيكر لونه شفاف و قوة لزقه اضعف من العادي لكن بيمسك في الاستيكر و تمسكه من الاطراف و تحط براحتك و تظبط الاستيكر و لو معرفتش برده ممكن تقول الراجل اللي اتشرتيه منه ازاي استخدمه و تقدر تستخدمه اكتر من 5 مرات و انا في ضربت الرقم القياسي و لزقت بيه 9 استيكرات ع فترات و ده لما بتشتري استيكر ممكن تلاقي الراجل ادهولك جاهز فوق الاستيكر و في ناس لأ فالحالة ديه ممكن تشتريه من عند اي خطاط قوله عايز لزق ماجيك شوف لو تاخد حتة قديمة عنده بدل ما تشتري او لو عايز تشتري منه نص متر ولا متر و يقعد عندك انت حر لأنك تقدر تستخدمه اكتر من مرة لو برده فيه مشكلة في الظبط مفيش بقي غير انك تجيب مسطرة و قلم الوان فلوماستر و اظبط الاداء يا ريس و بمناسبة اللزق الماجيك حصل موقف قدامي واحد اشتري استيكر عليه اللزق الماجيك المهم اللي معاه بيقوله شيل الغلاف و الزق الاستيكر ( نعم !!!! غلاف ايه يا عم انت هي مجلة ) لقيته محتار برده مش عارف يظبط لزق الاستيكر روحت قولتله الزقهولك قالي يا ريت لو تعرف قولتله ماشي بس فين اللزق الماجيك قالي نعم قولتله اللزق الشفاف اللي بيبقي عليه عشان ده عن طريقه بمسك الاستيكر عشان اظبطه ع الازاز ساعتها الواد بص للي معاه بكل حقد و فجأة انفجر في الضحك و التاني كان شكله وحش اوي و انا بصيتله كأني مش فاهم حاجة و باستغراب ما ضحكني معاك قالي لأ عادي بس افتكرت موقف هههههه طب ربنا يشفي ههههه ----------------------------------------------------------------- اسبولر طبعا زي ما احنا شايفين ليها اكتر من طريقة عشان نظبط مكان الاخرام و بالسبابة و الشنيور و اديها ( اسمها بالخنصر و البنصر و اديها ع رأي الشاعر كريم عبد العزيز ... انت مفيش فايدة فيك مقولنا كريم عبد العزيز ده مغني يا جاهل ) و في ناس بتجيب مفك و شاكوش و ظبط لكن الشنيور أفضل و اسرع و طبعا البونتة تبقي ع اد المسمار اللي هيدخل في الصاج ----------------------------------------------------------------- تركيب دريكسيون سبور مفيش اسهل من كده لكن الفرق ان الراجل ده عربيته فيها اير باج فشال حاجتين مش هلناقيهمف ي العربيات اللي مفيهاش اير باج البتاعة الصفرا ديه و فصل السلك اللي فيه الكلاكس و بالنسبة للعلبة اللي بين الدريكسيون بتختلف يعني ممكن بتبقي زي ما شوفنا ع علبتين يتفكوا و ممكن علبة واحدة و تفك المسامير من تحت زي حبيبتي الالتو و ركب يا ريس الجديد و اقفل و عيش ----------------------------------------------------------------- تغيير البوجيهات بس عشان تغيرها لازم اساسي يكون معاك المفتاح اللي بيفتح البوجيه و لسه عراف انهاردة ان اغلب العربيات الجديدة مقاس مفتاح البوجيهات مقاس 16 و سعره بقي لا يزيد عن 8-9 جنيه بس اهم حاجة محدش يتعافي عليه ---------------------------------------------------------------- اخيرا بقي الحاجات اللي فيها شغل كهربة ع كبير شوية و انا اصريت اخليها اخر حاجة نظرا لأنها مش زي اللي فات فك و تركيب و الدنيا زي الفل لأ ديه فيها كهربة العربية يعني غلطة ممكن تضيع الدنيا عندك فبحذر لو حاسس انك مش هتعرف تعمل حاجة من دول بلاش و روح لواحد فاهم و مش هتخسر حاجة لو اتفرجت عشان تبقي فاهم برده لو واقف مع حد تركيب ار بي ام RPM YouTube - ‪Auto Meter 9117 Tach Adapter Install‬‏ و اللي اعرفه انه بيركب علي البوبينه عشان بيحسب اللفات من عدد لفات الاسبراتير و بكده هو اكيد بياخد من سلك البوبينه اللي رايح للابلاتين و مش علي سلك البوبينه الكبير اللي رايح للاسبراتير عشان ده فولتو عالي و ممكن يفجر الار بي ام و خلي بالك ان البوبينة ليها اكتر من سلك ----------------------------------------------------------------- تركيب انذار YouTube - ‪Car Alarm with Remote Start Installation Overview‬‏ و اللي عرفته انه تم توحيد الوان كل اسلااك اجهزة الانذار من الشركات العالمية الكبرى 1- السلك الأحمر=RED =30\خط كهرباء مباشر 2- الاسود==BLAK31\ارضي 3-زهري:PINK= سماعة الصوت الموجود مع جهاز الانذار 4-البني=BROWN ضوء اشارة يمين 5- البني=BROWNضوء اشارة شمال 6-الصفر والاسود=Yellow/blackاحد خطوط السنتر لوك 7- اصفر\yellow سنتر لوك 8-البيض والاسود\white \blackسنتر لوك -9ابيض :whiteسنتر لوك 10- البرتقالي والاسود\orange black سنتر لوك 11-البرتقالي orangeسنتر لوك كل الخطوط والاسلاك اللي فاتوا اللي هم حجمهم كبيير اما الخطوط الاسلاك الررفيعة 1-ابيض \ مفتاح الاشتعال اي السويتشON 2- ازرق \BLUEالى خط كبسة الباب 3-البرتقالي \ ضوء الستوبSTOP LAMP 4-الصفر|YALLOWيربط مع كتاوت المرفق في الجهاز من اجل عمل امبليزر عدم تشغيل المحرك طبعا ممكن اجهزة منلقيش فيها كل الاسلاك زي بتاعت تشغيل العربةي عند بعد و غيره لأنها غير مجهزة بذلك ----------------------------------------------------------------- تركيب سنتر لوك YouTube - ‪1AAuto.com Install Rear Power Door Lock Actuator Honda Accord 1994-97‬‏ و طبعا زي ما شوفنا في اسلاك خارجة من الانذار بتتوصل بالسنتر لوك و ده عشان لو قفلت الانذار السنتر لوك يقفل معاهم زي ما بيوصلوا كده بوحدات رفع الازاز ----------------------------------------------------------------- و بكرر للمرة التانية لو حد حاسس انه ممكن يخرب الدنيا في شغل الكهربة الاخراني ده بلاش يعمل حاجة و الافضل يروح لحد يفهمه و وهو بيركب ممكن يفهم من الراجل يقوله ده سلك ايه و ده ايه و ده واصل لأيه طبعا الصنايعي هيبق يعايز يقتله بس هيجاوب و هو قرفان هههههه ( انا جييييييييييت ..... هع هع هع كان غيرك اشطر انا خلصت الموضوع خلاص انت لسه فاكر [IMG]http://www.**********.net/Nile/images/smilies/120105~352.gif[/IMG]) ( خلصتوه !!!!!! [IMG]http://www.**********.net/Nile/images/smilies/evil.png[/IMG] ... اه [IMG]http://www.**********.net/Nile/images/smilies/3mla.gif[/IMG] ) تم بحمد الله و اتمني ان الموضوع فعلا يفيد الجميع و ربنا يستر عليا بقي من الصنايعية لو عرفوا هههههههه و انتظروا باقي سلسلة تعالوا نعرف و اكسل و ضميره ان شاء الله بالتوفيق للجميع ان شاء الله <!-- google_ad_section_end --><CENTER><SCRIPT type=text/javascript><!--google_ad_client = "pub-7376011894745790";/* 728x90, created 8/18/10 first and last post */google_ad_slot = "5885509763";google_ad_wi dth = 728;google_ad_height = 90;//--> </SCRIPT><SCRIPT src="http://pagead2.googlesyndication .com/pagead/show_ads.js" type=text/javascript> </SCRIPT></CENTER>__________________<!-- google_ad_section_start(w eight=ignore) --> |
رد: رابطة مالكى الاكسل
ابتكار لحماية السيارة من السرقة هدية لشباب مصر موتورز!! السلام عليكم ورحمه الله وبركاته . الفكره هي اني فكرت امنع دواسه الدبرياج من القيام بعملها بالانضغاط لاسفل عن طريق تعطيلها بعائق يتم قفله بقفل عادي . -هنحتاج 1-ماسوره حديد (زي بتاعه الستاير) ونقصها بحيث يكون طولها هو نفس المسافه بين عمود بدال الدبرياج والدواسه. 2-عدد2 كانه حديد من عند بتوع الحدايد والمسامير 3-عدد ع صاموله رباط واسعه بحيث يعدي منها القفل 4-قفل ذو زراع طويل ....باقي الشغل هيتم عند الحداد ,اتفرجوا علي الصور لتوضيح الفكره دي صوره الكانه الحديد قبل التركيب http://www4.0zz0.com/2011/03/16/14/252406492.jpg http://www4.0zz0.com/2011/03/16/14/758166715.jpg طبعا لحمنا الصماويل في طرف الكانات .. http://www4.0zz0.com/2011/03/16/14/557921981.jpg ورشيتها بالاسبراي علشان الشكل يبقي مقبول. http://www4.0zz0.com/2011/03/16/14/639151758.jpg ودي صور الابتكار وهو راكب http://www9.0zz0.com/2011/03/16/14/132854795.jpg http://www9.0zz0.com/2011/03/16/14/561339515.jpg ....مميزاته 1- فكره بسيطه جدا ومش مكلفه (5ج حدايد +2ج لحام+10قفل=17ج فقط) 2-الفكره غير متوقعه من اللص بفرض انه لسه هيدور علي منظومه حمايه كهربيه(زرار خفي او سلك مارش او موبينه...)ومش متخيل ان نظام الحمايه ميكانيكي وليس كهربي 3-لو حاول اللص يتعامل مع القفل بعتله مثلا فمفيش اي حته يخدم او يعزم عليها طرف العتله 4-لو حاول اللص يتعامل مع القفل مباشره فمحتاج يفتح باب العربيه لنصفه علشان يخرج بظهره لبره شويه ويقدر يوطي ويتعامل معاه وطبعا ده بيعرضه للخطر. ++طبعا هي مجرد فكره ممكن تتطور في الخامات او الطريقه ,يارب تكون عجبتكم وتفيد كل الناس ودعواتكم لاخوكم .<!-- google_ad_section_end --> <CENTER><SCRIPT type=text/javascript><!--google_ad_client = "pub-7376011894745790";/* 728x90, created 8/18/10 first and last post */google_ad_slot = "5885509763";google_ad_wi dth = 728;google_ad_height = 90;//--> </SCRIPT><SCRIPT src="http://pagead2.googlesyndication .com/pagead/show_ads.js" type=text/javascript> </SCRIPT></CENTER>__________________ <!-- google_ad_section_start(w eight=ignore) --> |
رد: رابطة مالكى الاكسل
على فكرة لازم يكون اخر الماسوره الحديد قاعده خشب صغيره علشان الماسوره ماتعورش الدواسه الكاوتش ...ولكن طول الماسوره من اول نقطه لاخر نقطه في ارضيه الدواسه هي دي اطول مسافه ممكن تتحرك فيها الماسوره راسيا يعني لو ضربت عليها بشاكوش لاعلي فحضرتك كده بتزنقها اكتر كذلك صعب الماسوره تلف يمين او شمال لانها محكومه في شكل مستطيل (عمود بدال الدبرياج)
|
| الساعة الآن 06:26 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017