علاج فرامل السيفيا
 

السلام عليكم
كل الناس بتشتكي من فرامل السيفيا والبعض بيخيش بسببها
عالجت فرامل عربيتي بس بعد ما خييشت والحمد لله
1-تغير تيل اصلي ولو الطنابير فيها حاجه غيرها واوعى تخرطها (تيل امامي 160 وطنابير امامي 180 الزوج وطنابير خلفي380 الزوج جديد اصلي)
2-تاخد هوا كويس وتتاكد ان الخراطيم مش مسدوده او مخنوقه وان المساتر مش بتسرب زيت
3-لو مفيش فايده والبدال بيحجر تحت رجلك يبقى مفيش مفر هتغير مستر فرامل عمومي هو قليل جدل في السوق ب 450 جنيه جديد واصلي ومتجيبهوش استيراد
4-لو لسه برضه فك المستر العمومي هتلاقي صباع اسمه (صباع السيرفو)قصير جدا وممكن تفكه من بعضه عشان تطوله ز طوله مسافه قليله جدا وهتزبط انشاء الله(بس خلي بالك لو طولته اكتر من الازم الفرامل هتقفش)

يا ريت اكون افدتكو يا جماعه

رد: علاج فرامل السيفيا
 

واخر حاجه احترسو من زيت باكم جوا علبه صفرا ومكتوب عليه تعبئه تونس
بيتلف جميع مساطر السياره العموميه والفرعيه في زمن قياسي

رد: علاج فرامل السيفيا
 

شكرا على مواضيعك الجميلة ده الواحد حيبقى خبرة فى السيفيا بسبب مواضيعك المفيدة

رد: علاج فرامل السيفيا
 

يا باشا العفو.. ده بس من زوقك

رد: علاج فرامل السيفيا
 

الف شكر علي المعلومات القيمة دي يا ريت تشجعنا وتقولنا كل تجاربك في اصلاح السيارة وياريت لو ممكن رقم موبيلك علشان لو احتاجت استشارتك في اي مشكلة تواجهني في العربية
مع الشكر استاذنا