مصر موتورز مجتمع السيارات - حد يفيدني يا شباب , البرادو ولا الباثفندر

اقتباس:

المشاركة الأصلية كتبت بواسطة homosh (المشاركة 134832)

السلام عليكم
يا شباب انا بجد محتار بين كذا عربيه أرجو الافاده كهم في نفس الرينج
أولا هامر H3 ثانيا التويتا البرادو ثالثا نيسان باثفندر رابعا ميتسوبيشي باجيرو
ارخصهم الهامر وبصراحه صرفت نظر عنها لعدة عيوب فيها
والميتسوبيشي الباجيرو برضو صرفت عنها نظر لا ن عفشتها ناشفه وقطع غيارها غاليه هيا والفولكس الطواريء
وانحصر الاختيار ما بين نيسان باثفندر 2010 وتويوتا برادو 2010
ثانيا عايز أعرف أسعارهم في مصر كام والجمرك بتاعهم لو هشحنهم من بره مصر كام؟؟؟
أرجو الافاده يا شباب

بص يا سيدى انا هقولك على اللى أعرفه عن الجمارك
العربيات اللى اكتر من 2000 سى سى عليها جمرك 135% طبعا السعر محسوب على بلد المنشأ ملهمش دعوة بالسعر اللى انت شارى بيه من قطر
ثانيا ليك خصم اول سنه 10% من تمن العربيه وده فى أول اكتوبر يعنى موديل 2010 يأخد 10% خصم فى اول اكتوبر 2010
ثالثا ليك خصم بعد كده 5%عن كل سنه بحد اقصى خصم 30% من كل تمن العربية
رابعا يتم إضافة ضريبة مبيعات 45% من سعر العربية بعد إضافة الجمارك يعنى لو العربية ب 100 تكون ضريبة المبيعات محسوبة على 235
خامسا تدفع 4% رسوم إدارية من تمن العربية الأصلى

مثال عربية ب 100.000 عليها
135000 جمارك و 94000 ضريبة مبيعات و 4000 رسوم ادارية يكون تمن العربية بعد ده كله 333000