مصر موتورز مجتمع السيارات - أنا والاكسيل وبنزين 80

السلام عليكم ورحمة الله وبركاته

النهارده الصبح صحيت من النوم وانا مصمم انى افول الاكسيل بنزين 80 واشوف ايه اخبار التجربه مع البنزين ده

مستنيتش قمت نازل مدور وطيران على البنزينه مفول 80 بعد طابوووووور كبيييييير

بس للاسف اثناء ما كنت بفول جه التنك عند اخر 10 لتر تفويل
وراح حاجه بقت بتنزل البنزين من تحت
راح مرضيش يكمل يفول التنك قلت ماشى
ورحت ماشى على الميكانيكى تبعى بس اثناء المشى قلت اروح على البيت اقضى حاجه الاول
المهم روحت على البيت طبعا كان بداء اثار بنزين 80 تظهر كركرة جامده ومينفعش تشغل تكيف بس لما جيت اركن العربيه عند البيت قبل ما اروح للميكانيكى جيت ابطلها لقيتها لسه دايرة بس بسرعه بطيئة جدااااااااااااااااااا
يعنى انا بطلت وهى لسه شغالة روحت مزود بنزين راح عامل فرقعه بسيطه والعربيه بطلت رحت مدور العربيه تانى وبطلت وبرضوا الماتور فضل شغال
انا اعتقد انه بيفضل شغال لان البنزين فى الحالة ديه بيشتعل اشتعال ذاتى بدون حرق البوجيهات فبيفضل شغال مع نفسه
ههههههههههههه

المهم طلعت البيت ونزلت وطيران على الميكانيكى
واثناء الطريق كان عذاب كركرة على تسقيف ومينفعش تشغل التكيف على كل حاجه

طبعا كنت قررت انى محطش بنزين تانى بس بعد ما الميكانيكى يشوف فيها ايه

روحت عنده
قلتله على حكاية البنزين اللى نزل اثناء التفويل نزل تحت العربيه لقا خرطوم كان بايظ راح مغيرة بواحد تانى

وقلتله على حاكية البنزين 80

راح ظابط الاسبراتير وظبط سلنسيه العربيه وقالى دور
قمت مدور قالى شغال التكيف لقيته اشتغل عادى جداااا

قالى اطلع جرب وتعالى

طلعت لفيت لفيتين كانى حاطط 92 زى مانا ولا اى فرق الا بسيط جداااااااااااا

بقيت مش مصدق نفسى الصراحه

خصوصا انى من الناس مدمنى بنزين 80

رحت رايح ومحاسب الراجل
اخد 20 جنية بس

وقمت طالع على البنزينه تانى وفولت للاخر مفيش حاجه نقطت الحمد لله

وقلت وانا جاى فى الطريق لازم اقولكم التجربه ديه

ويارب تستفيدوا منها

:)

و
السلام عليكم ورحمة الله وبركاته