ينفع اسوق عربية رخصتها بإسم اخويا ؟
استفسار بسيط بس مهم
لو انا اخدت عربية اخويا مشوار والرخصة فيها بإسمه ومرور وقفنى ولقى الرخصة مش بتاعتى ممنوع ولا ممكن؟ ياريت الرد السريع من فضلكم للاهمية |
رد: ينفع اسوق عربية رخصتها بإسم اخويا ؟
علشان تسوق لازم رخصتين واحدة للقيادة وديه لازم تبقى باسمك طبعا علشان ديه اللى بتقول انك مؤهل لانك تسوق ولو بتسوق من غير رخصة قيادة العقوبة بتبقى حبس
الرخصة التانية خاصة بالعربية وديه اللى بتقول ان العربيه هى كمان صالحة للقيادة وصاحبها فلان الفلانى ممكن رخصة العربية متبقاش باسمك بس صاحبها يبقى عاملك توكيل وممكن تمشى بالمحبة عادى لكن يبقى معاك رخصتين العربية ورخصتك |
رد: ينفع اسوق عربية رخصتها بإسم اخويا ؟
اقتباس:
شكرا جزيلا فاهم اكيد رخصتى ورخصة العربية وكويس موضوع التوكيل ده سؤال .. لو العربية هشتريها بعقد بيع فى الشهر العقارى بإسمى وعايز زوجتى ومعاها رخصتها تسوقها قانونى اعملها توكيل بعد ما اسجل مباشرا ولا لازم يعدى وقت على الشراء والتسجيل ؟ يعنى وانا واقف فى الشهر العقارى اسجل فى شباك وبعدها اروح اعمل توكيل فى ساعتها ؟ |
رد: ينفع اسوق عربية رخصتها بإسم اخويا ؟
لاء بعد التسجيل فى الشهر العقاري لازم تعمل نقل ملكية فى المرور علشان رخصة العربية تطلع باسمك
وبعدين لما تبقى رخصة العربية باسمك بتعمل توكيل (ادارة فقط ) لزوجتك بس برضو اسأل فى الشهر العقارى عن امكانية تعمل توكيل ادارة فقط بعد التسجيل مباشرة ممكن يقولولك مفيهاش حاجة لان عندهم اثبات التوكيل بتاعك لكن بالنسبة للمرور لازم نقل الملكية |
الساعة الآن 06:21 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017