رد: عايزة عربية لقطة تعبت بجد
 

متشكرة لحضرتك جدا استاذ ياسر علي التواصل والمتابعة رربنا يجعله في ميزان حسنات حضرتك يارب
بالنسبة للاسبرانزا مرفوضة عشان صيني مش مقتنعة اصلا بيها وكل ما اجيب سيرتها الناس تقولي ابعدي عنها ملهاش عمر
بالنسبة للI10 هي فعلا غالية وكمان عرفت ان قطع غيارها غالية من المنتدي من هنا فاستبعدتها من زمان
البيكانتو بقي عارفة ان عشان اجيب حاجة كويسة عيزالي 45 مثلا بس للاسف مش معايا يكمل وصعب اتصرف تاني يعني ممكن يكون أقصايا خالص خالص 42 وعشان كدة انا فعلا بدور علي حاجة لقطة مش حاجة عادية
بالنسبة للانواع التانية انا معنديش مشكلة في اي نوع تاني اقل بس اهم حاجة حالة ممتازة فابريكة دواخل عالاقل مش اقل من 2005 وسعر ميزدش عن 40 ومتكونش صيني وهي دي بقي المعضلة انا حاطة كمان الاتوس في الاعتبار بس معرفش ايه نظامها بصراحة
بالنسبة للالتو والماروتي مستبعدين عشان انا مجربة الماروتي مريحتنيش يمكن عشان كانت قديمة بس عمةوما انا مش عايزة اكررها والالتو اختها واللادا طبعا تقيلة جربتها معرفتش اسلك فيها لاني مبتدئة سواقة بردو
بالنسبة للجديد بقي دة صعب لان اغلب المبلغ هو من والدتي وهي مش عايزة تجازف بحاجة زيرو وانا كمان بصراحة لاني قلت لحضرتك انا مبتدئة سواقة بردو بس بردو مخدش حاجة تطلع روحي عند الميكانيكية
عمووووووما انا عارفة ان طلبي صعب بس زي ما حضرتك قلت هي اولا واخيرا ارزاق وانا مستنية اللي ربنا مقدرهولي وباخد بالاسباب وبجد الف شكر لحضرتك مرة تانية

رد: عايزة عربية لقطة تعبت بجد
 

فكرى فى البولو عربيه ممتازه جدا واعتماديه جدا واقتصاديه فى كل شىء

رد: عايزة عربية لقطة تعبت بجد
 

ربنا يكرمك يا AlexGirl يابنتى ويرزقك ببيكانتوهاية لقطة بسعر مناسب فى أقرب وقت ويباركلك فيها ويكفيكى شرها قادر يا كريم...
أنا من ناحيتى مستمر فى البحث وإنتى كمان إستمرى وما تستعجليش...( والله من وراء القصد وهو يهدى السبيل )

رد: عايزة عربية لقطة تعبت بجد
 

رد: عايزة عربية لقطة تعبت بجد
 

اولا شكرا جدا لحضرتك عالنصيحة
ثانيا البولو حلوة وكتير قالولي عليها بس مستحيل الاقي بولو موديل حدي بالسعر دة وانا بصراحة معقدة جدا من القديم خلاص