مصر موتورز مجتمع السيارات - ناويت علي لوجان مستعمله (عايز نصيحه احلي شباب )

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - ناويت علي لوجان مستعمله (عايز نصيحه احلي شباب ) (https://www.masrmotors.com/vb/showthread.php?t=99854)

ناويت علي لوجان مستعمله (عايز نصيحه احلي شباب )

السلام عليكم
انا انهرده حبيت اقولكم اني نويت علي لوجان مستعمله لاني معرفتش اعد كويس في البيكانتو القديمه والجديده و حسيت انها ديقه جدا (انا طولي 193 و وزني 100 )
فقولت خلاص يا لوجان يا فيرنا واحد هيقولي لانوس هقوله بكرها موت
و في الاول فضلت الفيرنا بنسبه 70 في الميه علي اللوجان (بسب توافر قطع الغيار بارخص الاسعار و مش بتسحب بنزين و اي حد بيشتغل فيها )
بس اخدت وقتي و فكرت ان انا هكسب المييزات الي فوق دي مقابل التنازل عن كتييييييييير اوي (الصاج الزباله والعربيه بقالها اكتر من 12 سنه هي هي و المواتير اصلا مركونه عند غبور غير ان كل الي معاه فيرنا هاكلهه بغباوه )
فقلت لا انا اروح للوجان (المتورين زي بعض 1600 فاكيد استهلاك البنزين متقارب و اللوجان خامتها نظيفه و العربيه جديده مكملتش 4 سنين و و محدش طلع فيها عيب جوهري علي حد علمي )
بس و خلاص قررت لوجان
اسئله للشباب مالكي اللوجان او لو واحد صاحبك قريب منك و تعرف معلومات او كانت معاك (الفتاين يمتنعون )
استهلاك البنزين عامل ايه ؟ قطع الغيار متوافره ولا ؟ ايه الحجات الي بتتغير كل فتره قصيره واسعارها ؟ العربيه عامله معاك ايه بعد كام كيلو ؟
اسئله لاي حد
انا ناوي اشتري مستعمل و معرفش غير سوق العاشر و يقال انه كله تجار و نصابين من الاخر و انا شاب و لوحدي ولا اعرف ميكانيكي يجي معايا ولا واحد صاحبي بيفهم في العربيات (علشان كده ناويت اشرط علي الي هتعجبني عربيه نطلع بيها التوكيل نعمل فحص شامل علي العربيه (بيتهيالي كده تمام ؟))
انا عايز موديل 2010 او 2011 يفتكروا يكون عامل كام كيلو علشان اعرف ان العربيه مش مهلوكه 20 الف 30 الف 50 الف ؟
العربيه بكام مستعمل (علما انا مش بثق في كونتكت كار لانه بردو يقال انه كله تجار و مزودين ) بس كده كده انا اخري 55 الف جنيه
واخيرا لو اي حد يقدر يفيدني باي حاجه يكون مشكووووووووووور جدا علشان انا نازل يوم الجمعه لاني محتاجها جدااااااااااا
مستنيكم شباااااااااااااب:fun_36_1 _39[1]:

رد: ناويت علي لوجان مستعمله (عايز نصيحه احلي شباب )

استهلاك البنزين معقول بالنسبة ل 1600 سى سى 7.5 او 8 لتر / 100 حسب حمولة العربية ... قطع الغيار فى بداية الانتشار لان العربية مع ناس كتير فى مصر وانا ملاحظ انها بتنتشر يوم بعد يوم فقطع الغيار اكيد حينتشر ... هى جميلة فى السواقة وخاصة فى السفر ممتعة جدا جدا وانا بحس ان العربية ماتورها بيرتاح على سرعة 140 تلاحظ ان العربية ماتورها هدى على هذا السرعة كانك ماشى بالعربية على سرعة 80 وتحس بقوة العربية وعاوزة تسحب تانى فوق ال 140 غير ثابت العربية انا جربتها فى السفر مشيت ال400 كيلو بسرعة مابين 175/160 متواصلة جبتهم فى خلال ساعتين ونصف .... المكيف قوى جدا بيخلى العربية مثل تكيف البيت .... استهلاك البنزين بالتكيف وخاصة فى السفر يعتبر لاتوجد استهلاك يعنى شغل التكيف براحتك انا جربتها اكثر من مرة على طريق الصحراوى الجيش القاهرة اسيوط 400 كيلو لم يستهلك التكيف سوى من 3 الى 5 لتر تقريبا ... لو حتشترى العربية مستعمله غير ماهى جديدة طبعا المستعمل محتاجة الكشف عليها تماما حتى تطمأن على العربية وبالتالى تروح التوكيل ويتم الكشف عليها وحترف حالتها واعمل حسابك ان بعد ماتعجبك غير كل حاجة عاوزة تغيير حتى لاتكون عبئ عليك حتى بعد ماتغير التالف فى العربية تكون انت ماشى بالعربية بها مطمأن ... ان شاء الله بالتوفيق وحسن الاختيار

رد: ناويت علي لوجان مستعمله (عايز نصيحه احلي شباب )

موديل 2010 المعدل بتاعها 60 - 80 ألف كيلو دى كده استعمال معقول
و 2011 معدلها 40 - 50 ألف كيلو.

الحاجات اللى بتتغير كل فترة قصيرة هى البوجيهات ، فلتر الهوا ودى أسعارها عادية.

فيه حاجة اسمها بوابة الانجكشن (Throttle body) ، دى بتعطل كتير فى اللوجان اللى ماشية قرب الـ 60 ألف كيلو ، وبتتغير فى الضمان بنوعية أفضل بدون أعطال ، فيبقى من حظك لو العربية اللى هتشتريها كانت مغيرة بوابة ، لو لأ ، يبقى وارد تعطل معاك خصوصاً انك بتشترى مستعمل ، ودى للأسف مش موجودة بره التوكيل حتى الآن وسعرها فى التوكيل 1400 جنيه ، فاعمل حسابك وانت بتشترى على الموضوع ده خصوصاً لو العربية بره الضمان.

تكييف اللوجان معقول ، بس تكييف الفرنا أحسن.

استهلاك البنزين أحسن من الفرنا

رد: ناويت علي لوجان مستعمله (عايز نصيحه احلي شباب )

اقتباس:

استهلاك البنزين عامل ايه ؟

استهلاكها كويس جدا على عربية 1600 سي سي ومش وحش

اقتباس:

قطع الغيار متوافره ولا ؟

هيا بدات في الانتشار وتقريبا منتشرة لكن مش زي الفيرنا واللانوس

اقتباس:

ايه الحجات الي بتتغير كل فتره قصيره واسعارها ؟

البوجيهات الفلاتر الزيوت الحاجات اللي بتتعمل في الصيانات الدورية

اقتباس:

العربيه عامله معاك ايه بعد كام كيلو ؟

هيا العربية مش بتعاتي بس بتاعت احد صاحبي وعاملة 30 الف تقريبا

اقتباس:

انا ناوي اشتري مستعمل و معرفش غير سوق العاشر و يقال انه كله تجار و نصابين من الاخر و انا شاب و لوحدي ولا اعرف ميكانيكي يجي معايا ولا واحد صاحبي بيفهم في العربيات (علشان كده ناويت اشرط علي الي هتعجبني عربيه نطلع بيها التوكيل نعمل فحص شامل علي العربيه (بيتهيالي كده تمام ؟))

فعلا التوكيل هيعملك فحص شامل للعرببة من الالف للياء وهتتاكد منه من حالة العربية

اقتباس:

انا عايز موديل 2010 او 2011 يفتكروا يكون عامل كام كيلو علشان اعرف ان العربيه مش مهلوكه 20 الف 30 الف 50 الف ؟

بص هوا عدادها مش هيعدي ال80 الف بس 80 % من العربيات اللوجان المستعمل ممكن تلاقيها 50 او 60 الف كيلو

اقتباس:

العربيه بكام مستعمل (علما انا مش بثق في كونتكت كار لانه بردو يقال انه كله تجار و مزودين ) بس كده كده انا اخري 55 الف جنيه

والله انا معنديش خبرة في المستعمل علشان كدا مش هفتي
ومبروك مقدما :01FDAB~189:

رد: ناويت علي لوجان مستعمله (عايز نصيحه احلي شباب )

توكل على الله واشترى لوجان بس تكون حالتها كويسه

AHLNWSHALN AHLNWSHALN AHLNWSHALN AHLNWSHALN :soccer_372: :pod_of_gold: :soccer_372: