الماتريكس وهواجس الاتوماتيك
طبعا انا طول عمرى باركب مانيوال واخر عربية كانت معايا لانوس 2006 وبعد كده ونظرا للزحام المتزايد قلت اجيب اوتوماتيك وفعلا جبت الماتريكس 2011 الحقيقة كانت رائعة لكن نظرا للظروف الحاصلة فى البلد مكنتش باسافر بيه كتير كل اللى عملته بيها 8000 كيلو .
المهم اخر مرة مسافر بيها حصل حاجة غريبة جدا كنت رايح اسكندرية وانا فى الرجوع طبعا الطريق زحمة جدا فكنت بعمل كيك داون كتير بصراحة وبقرص جامد . المهم قبل طنطا ب 20 كيلو تقريبا حصل حاجة غريبة العربية ادوس لها الاقى ال rbm بيطلع وماينزلش يعنى مثلا على سرعة 90 الاقى ال rbm على 4 اخف رجلى ينزل ادوس تانى يعمل نفس الحركة طبعا اضايقت جدا وكنت خلاص وصلت تقريبا . اول ماوصلت كنا بليل بس لقيت الميكانيكى بتاعى فاتح حكيت له استغرب وقاس زيت الفتيس لقاه تمام طلع ركبها وجرب قالى العربية تمام مفيهاش حاجة بس نصحنى اخف رجلى عليها وانا سايق المهم سافرت بيها بعد يومين وانا الهواجس مليانى لكن الحمد لله لقيت العيب اختفى وحفظت مستوى ال rbm . يعنى على سرعة 100 ال rbm بيبقى 2.8 وعلى سرعة ال 120 ال rbm بيبقى 3.1 لكن ظلت هواجس الاتوماتيك التى كنت اسمعها ترن فى عقلى فمثلا السيارة لايمكن شدها اذا تعطلت ولايمكن تدويرها بالزق . كذلك الفتيس الاتوماتيك عاوز معاملة حنينة وبلاش كيك داون كتير . كل ده خلانى اتحسر على ايام المانيوال وسرعة تجميعه وسيطرت على فكرة البيع والرجوع للمانيوال الحقيقة مش عارف اعمل ايه |
رد: الماتريكس وهواجس الاتوماتيك
الحمد لله حصل خير
ومن رائيى ان الاوتوماتيك طبعا افضل واجمل واسهل وبيريح اكيد انتة جربت وللعلم السيارة ممكن تتجر على ال N انما ال P لاء |
رد: الماتريكس وهواجس الاتوماتيك
اقتباس:
لازم العجل اللى قدام يترفع |
رد: الماتريكس وهواجس الاتوماتيك
هى العربية فيها اوفر درايف ؟ ممكن تكون كنت دايس عليه بالغلط ؟
|
رد: الماتريكس وهواجس الاتوماتيك
الماتركس مفيهاش اوف درايف
انت بس عشان اول مرة ترسوق اوتو بعد شوية حتاخد عليها وحتختفي كل المشاكل دي ومع الوقت كمان عمرك ما حتفكر تركب مانيوال تاني ( عن تجربة ) بس نصيحة اخوية لو عايز تركب اوتوماتيك نضيف يبقي ابعد عن الكوري عندك الياباني سعره تقريبا في نفس سعر الكوري لكن الاوتوماتيك بتاعه مختلف بشكل جذري |
الساعة الآن 05:09 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017