مصر موتورز مجتمع السيارات - المندي السعودي ( نوع من انواع الكبسه ) علي طريقتي بالصور

السلام عليكم روحمه الله وبركاته
اللهم صل وسلم علي سيدنا محمدا وعلي آله وصحبه وسلم تسليما كثيرا عدد ما كان وعدد ما سيكون

النهارده عملت مندى وده نوع من انواع الكبسه السعودى السعوديه
النهارده المندي بالطريقه البيتي لانه في المحلات بيكون شغلانه كبيره ويطهي بطريقه معنيه

وده شكل طبق المندى البيتي بعد ما خلص

http://files2.fatakat.com/2013/1/13588574616440.jpg

المقادير
ده متوقفه علي عدد افراد الاسره والكميه اللي بتتاكل

الكميات
2 فرخه مقطعه
حوالي نص كيلو بطاطس مكعبات
ربع كيلو جزر مكعبات
5 كوب اارز بسمتي
بهارات كبسه صحيحه
بهارات كبسيه مطحونه
طماطم عصير

الطريقه 3 مراحل
الفراخ حننقعها قبل بساعه في تتبيله بهارات كبسه وبصل مطحون
( قرفه ، زنجبيل ، فلفل اسود ، ملح ، حبهان، كركم ، كله مطحون )
وننق الفراخ ساعتين علي الاقل
ونقطع الجزر والبطاطس مكعبات
والرز ينقع قبلها بربع ساعه
الارز البسمتى الكويس الكوب بيحتاج 2 كوب ماء

المرحله الثانيه
الميه بتاعه الكبسه
بنشبر بصل ونحمره في سمن للي عامل رجيم يقلل السمنه كفايه معلقه لاني بعمل رجيم ومفيش دهون خالص بعد كده
ولما البصل تدبل نحط عصير طماطم حوالي نص كيلو
البهارت الصحيحه بتتحط واحنا بنحمر البصل لو مش بتحبي البهارات تطلعها وانت بتاكل حط مطحون ولازم تضيف ليمون الاسود الناشف ده بيدي طعم حلو اوي

ونحط عصير الطماطم تتسبك وبعد كده نزود مقدار الميه اللي حيتحط علي الارز
خمس اكواب رز حنحط عشر اكواب ميه لحد ما تغلي ونطفي عليها ونظبط الملح طبعا

بعد كده بنجيب صنينه كبيره نحط فيها الارز بع ما نصفيه من ميه النقع
ونحط عليه الميه بالطماطم اللي عملناها
ونغطي بورق المونيوم ونخرم ورق الالمونيوم بحرف السكينه
معلش كل ده مصورتش
بعد ما نخرج نحط الخضار المتقطع بالشكل ده
http://files2.fatakat.com/2013/1/13588581046004.jpg

نرش شويه ملح وفلفل علشان الخضار ما يبقش دلع اوملحه قليل

وبعد كده نحط الفراخ المتبله قبلها لساعتين

http://files2.fatakat.com/2013/1/13588581575128.jpg

وبعد كده نغطي بورقه المونيوم تاني ونقفل حوالين الصنيه كويس جدا لان الفراخ والخضار حيستوي علي البخار اللي خارج من الارز اللي

http://files2.fatakat.com/2013/1/13588582197568.jpg

وهنا بقي حندخل الصينيه الفرن علي الشبكه ونخلي الشبكه علي اول درجه بعد لاصاجه
وتخلي بالك كويس اوى وانت بتشيل الصينه علشان فيها ميه مغليه بتاعه الرز
وتدخل الفرن مش حتاخد غير ساعه تقريبا وحتلاقي كل الخضار والفراخ ولا اروع

وهنا بعد ماخرجت من الفرن والبخار مالي الدنيا

http://files2.fatakat.com/2013/1/13588584657792.jpg

معلش الفخد ده الجلده بتعته لزقت في ورق الالمونيوم علي فكره انا كمان كتير بعمل الفراخ من غير جلد خالص وبتبقي حلوه والله من غير جلد

وده الرز بعد ما شيلت ورق الالمونيوم اللي عليه الخضار والفراخ

http://files2.fatakat.com/2013/1/13588585783993.jpg

http://files2.fatakat.com/2013/1/13588586508382.jpg

مش عايز حد يقولي هو في حد ما يعرفش يخلل البتنجان حقولكم علي سر جميل اوي معرفش تعرفوها ولا لا علشان تاكلوا احلي بتنجان

تحمروه ازاي
اولا تشيل بس الجزء الاخضر بتاع التنجان
وتحط الطاسه علي البوتجاز
ولما الزيت يقدح تحط البتنجان وتوطي النار خالص عليه يستوي علي نار هاديه جدا حتلاقيه بقي زي الملبن من جوا ومن برا
وتغطي كمان عليه علشان البخار يسويه كويس
والخلطه كمان علشان تبقي روعه انابحط ايه
ثوم
سماق
لو عندك بابريكا علشان تدي لون او فلفل احمر طازج حامي او بارد ي مابتحب كون احمر مش اخضر لان الاخضر بيسود
ملح كمون كتير
وعصير ليمون خل
وتخلط كل ده وتحشي وهو سخن علي طول
وترصي\ في علبه كده زي علبتي او ستانسل او زجاج يكون افضل
وتغرقه خل وليمون وحطيه في الثلاجه واسحب منه حتدعيلي والله علي جماله

الليمون اللي عنده ميكرويف يحطي دقيقه بس في الميكرويف بص يقطعه انصاف
اللي معندوش يحطه في ميه سخنه وهو سليم خمس دقايق
علشان يطلع كل الميه وما يتعبك في العصر

وده البتنجان بتاعي في العلبه
http://files2.fatakat.com/2013/1/13588589844928.jpg

ايه رايكم يارب يعجبكم

الف هنا و شفا
منقوووووووول