|
رد: تعطير صالون السيارة وبأقل تكلفة
اقتباس:
إن شاء الله تجربها ،،، ويا رب تعجبك هما رشتين كل يوم والعربية حتبقى ريحتها زى الفل اقتباس:
جزانا وإياك وإن شاء الله الفكرة تعجبك وحتلاقى المنتج ده فى أى محل لبيع مستلزمات المنظفات والكيماويات أشترى أى ماركة المهم تكون تركيز عالى اقتباس:
الله ينور عليك أسواء هذه الروائح الليمون واللى بتفضل كتير الخوخ بس عايزك تجرب المسك وتقولى رأيك نفاذ أكثر ورائحة تدوم أكثر اقتباس:
حتلاقى ركنات كتير إن شاء الله ولو ملقتش أقف قدام المحل صف تانى وعينك على العربية ومنتظر رأيك وتجربتك بعد الشراء |
رد: تعطير صالون السيارة وبأقل تكلفة
روحت المحل وجيبت كيلو من رائحة المسك الشرقى الراجل نصحنى بيه وقالى احسن من الخوخ ، بس خدو بالكم علشان الراجل كان عايز يخمنى وقالى فى الأول الكيلو عامل 80 جنيه قلتله انت شكلك مش عايزنى اشترى منك انا عارف ان سعره كذا وأنا جايلك من طرف كذا اللى جابه قبل كده بالسعر ده وفكرته بيك وقلتله ده عاملك سمعة كويسة وفيه ناس تانية بتفكر تجيب من عندك فقالى طيب حامشيهالك بنفس السعر .
أنا حاقوم دلوقتى اخففه بالمية لأن ريحته وهو مركز شديدة شوية ومش باين بعد التخفيف حاتبقى ازاى ، والراجل قالى ان التخفيف يكون خمسين جرام من المسك على لتر مية ، وحاجرب ارشه جوا العربية وبإذن الله على بكرة اقولكم ايه الاخبار . بالمناسبة أنا لما روحت ركنت صف رابع !! وبعدين فضلت اطلع العربيات لغاية اما ربنا كرمنى وركنت صف تانى !! وخدو بالكم الشوارع هناك مكسرة وزى الزفت بالذات اللى جاى من العتبة . |
رد: تعطير صالون السيارة وبأقل تكلفة
اقتباس:
اقتباس:
كويس قوى اللى أنت عملته وعلشان كده أنا كنت كاتب العبارة اللى فى الأقتباس دول فى الأول والآخر " تجار " بصفة عامه يا رجالة الخوخ والتفاح الكيلو من 70 ج إلى 75 ج المسك الكيلو بـ 65 ج الياسمين والفل والورد أعتقد فى حدود 55 ج إلى 60 ج متشتروش بأكتر من كده لو حتشتروا كيلو سواء من عند المحل ده أو من عند غيره ومتنساش تبقى تقولنا الأخبار أيه ؟ |
رد: تعطير صالون السيارة وبأقل تكلفة
باقولك يا باشا الراجل كان قالى ان التخفيف بيبقى 50 جرام من المسك على لتر مية ، من خبرتك اعمل بكلامه ولا اقلل اصلى حاسس ان لتر مية كتير على 50 جرام .
|
رد: تعطير صالون السيارة وبأقل تكلفة
اقتباس:
المسك بالتحديد متزودش منه كتير لأن رائحة نفاذه جداً واللى هو قالك عليه مظبوط أنا بحط 20 جرام على الـ 500 جرام ميه خليه خفيف أحسن وأبقى رش رشتين كل يوم فى العربيه أنما لو خوخ مثلاً حط 30 جرام على 500 جرام ميه ولعلمك أنا بعمل الآتى كل ما أنزل أصلى فى المسجد آخد البخاخه معاى وأعطر سجاد المسجد وعلى فكرة أنا كلمتهم فى التليفون عند الزواوى وقلتله مينفعش اللى أنت عملته ،،، ويا ريت تجيب من الآخر مع الأعضاء ...... قالى أنا قلتله 80 ج ولما قالى أنه من مصر موتورز قلتله 65 ج !!!!!! فممكن يكون أتكسف من الحركة اللى عملها معاك وعلى فكرة أنا جاتلى فكرتين حلوين قوى إن شاء الله تعجبكم ...... فكرة لتعطير الصالون بدون رش وبأستخدام الأسانس نفسه وفكرة إن شاء الله فيها ثواب ،،،، وعلى الله القصد أنتظرونى إن كان فى العمر بقيه |
| الساعة الآن 06:48 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017