أوبشنز غير موجوده فى التيدا
 

النهارده رُحت أحد فروع "نيسان" فى شارع "سوريا" لمشاهدة النيسان تيدا عن قُرب

فيه اتنين موديل واحد فول أوبشنز و التانى فول أوبشنز بلاس .. أنا طبعا رايحه اشوف الاولانى ده انا هاستلف عشان اكمل السعر ..
فوجئت ان فيه حاجات كتيره مش موجوده فيه .. زى الجنوط الاسبور مثلا ولا الفوج لايت ولا التحكم فى الصوت من خلال الدركسيون ولا المقاعد الخلفيه قابله للطىّ !! و السبب كما قال المسئول هناك إن الناس عاوزه تركب تيدا بس سعرها غالى عليهم فعملوا الموديل ده عشان مايحرموهمش من حاجه !!

طيب ده كلام !! ده فيه عربيات سعرها اقل بكتير جدّا و فيها كل الكماليات دى من غير ولا كلمه بل و بقت تقريبا من المسلّمات !! عربيه ب 117 ألف جنيه و مفيهاش الحاجات دى مش تبقى سخيفه أوى و غير مفهومه !!

دلوقت أنا فى حالة صدمه و مش عارفه بصراحه أشترى العربيه بالحاله دى ولاّ مش مشتاهله ptmnlo123per144 أنا فعلا متضايقه جدا خصوصا ان حصل موقف غريب تانى .. كنت اتصلت سألت على السعر من اسبوع و قالوا 119 الف و بعد الخصم هتبقى 117 .. النهارده باقول لنفس الشخص قال لى لا هى ب 118 بس اما تيجى تشترى هنعمل لك خصم !! بجد حاجه رذله جدا خصوصا و انا بصراحه باكره الفِصال أصلا .. يا ريت تفيدونى برايكم هل هذه الكماليات غير ضروريه و مش مفروض تخلينى اتضايق من العربيه ولاّ إيه ptmnlo123per111

رد: أوبشنز غير موجوده فى التيدا
 

http://www.masrmotors.com/vb/showthread.php?t=19524

الموضوع ده احنا في نقاش فيه علي عربية بالمواصفات المطلوبه دي
و بنحاول نشوف صفوة الصفوة :)

رد: أوبشنز غير موجوده فى التيدا
 

والله يا جماعه انا ركبيت التيدا وفوجئت ان العفشه سيئه وثبات العربيه وحش جدا غير ما توقعت ودى تجربه شخصيه مش بكره الناس فى العربيه

رد: أوبشنز غير موجوده فى التيدا
 

شكرا على الإشاره للموضوع .. بس أنا عاوزه عربيه هاتشباك و ماتكونش كوريى ولا صينى ptmnlo123per144

رد: أوبشنز غير موجوده فى التيدا
 

كمان !! ptmnlo123per1106
طيب و قياس الثبات ده بيتحكم عليه إزّاى أو من إيه؟