سيارة جديدة من القاهرة و الترخيص فى اسكندرية ، ما العمل؟
 

أنا بصدد شراء سيارة جديدة من القاهرة ، و أنا أعمل فى القاهرة و أسافر الاسكندرية على فترات

المشكلة ان الرقم القومى على اسكندرية و بالتالى لازم ارخص هناك !

لما سألت فى معارض تقول: معاك الورق و متقلاقش من حاجة يا باشا (و يعملك البحر طحينة)
و فى معارض تقول: خليها واقفة لغايت ما تيجى ترخص ، و لما تحب تمشى بيها اجر نمر تجارية من أى حتة بـ 80 ج\يوم ! و طبعا أنا محتاجها 10 أيام مثلا بـ 800 جنية ! و دى كدة فلوس فى الأرض

أنا بصراحة كنت متوقع أن المعارض المحترمة و التوكيلات بتدى أرقام تجارية مع السيارة حتى لو هدفع تأمين لغاية ما اسلوها ، و للأسف ده مش موجود

الحل الأخير أنى اشترى من اسكندرية و ده معناه انى اسافر بالسيارة أول ما اشتريها و أنا كنت عايز اتجنب الموضوع ده عشان حاسس انه مش امان انى اسافر بيها بسرعة كده و دى أول سيارة لى

اسف على الاطالة و اتمنى أجد منكم الأفادة....