مصر موتورز مجتمع السيارات - Peugeot المتضررين من سيارة بيجو 407

انا عامل الصفحة دي علشان نجمع اكبر عدد من المتضررين من بيجو 407 علشان نقدر ناخد حقوقنا
القصة ان والدي اشترى 407 ديزل 2008 و بعد مرور اقل من سنة و هو جاي من اسكندرية المنصورة و على طريق كفر الزيات طنطا مع العلم ان العربية كانت في الوكيل قبلها بيوم واحد عطلت منه العربية و لما نزل يفتح الكبوت يشوف فيه ايه لقى المكنة بتولع نار و بعد اطفائها بمساعدة المارة على الطريق اتشدت العربية على الوكيل و قعدت فيه سنة كل ما تيجي من الوكيل ترجع تاني لظهور عيوب في التصليح و تقعد شهور بحجة عدم وجود قطع غيار و ترجع تاني تظهر عيوب و لحد النهاردة السيارة كل شهر يظهر فيها عيوب جديدة فقلنا ممكن احنا الحالة الوحيدة و ربنا يعوض علينا لكن واحد صديق لوالدي كان شاري نفس السيارة و لكن استخدامه عليها بسيط جدا فوجئت بان عربيته و هي لسه ممشيتش اكتر من 80000 كم عطلت برده و لما وداها التوكيل قالوله ان هي عايزة تربو و اصلاحات في الماكينة بقيمة 48000 جنيه فطبعا مبلغ كبير جدا فقلنا افضل حل ان احنا نشتري مكن جديد للعربيات حتى لو كان بنزين و بعد ما عملنا اتصالاتنا بالحرفيين و بورسعيد و مستوردي قطع الغيار لقينا ان المشكلة دي قابلت ناس كتيير من مالكي هذه السيارة الفاشلة و ان على قوائم الانتظار للمواتير الجديدة اعداد كبيرة جدا فقلنا ان من حقنا ان احنا نطالب الشركة بتعويضات عن العربية دي و ده حقنا لان العيب في العربية نفسها و للتواصل ده رقم تليفون د / محمد بيبرس صاحب المشكلة التانية و هو اللي متابع الموضوع و متبنيه 0106080666 و ارجو الاهتمام نظرا لان دي حقوقنا كلنا , للتواصل عبر الفيسبوك http://www.facebook.com/pages/Peugeo...=wall&filter=2