ناوي على الكوبيه و عايز المشورة
 

انا نويت و بدور على كوبيه 2005 بعد ما شفت العربية و ركبتها و حسيت انه بالرغم من رخصها ككوبيه الا انها بتدي احساسا مختلف عن اي عربية تانية سقتها قبل كده

المهم في الموضوع انني ناوي اني اقعد بيها 5ّالى8 سنوات على الاقل و ناوي اظبت فيها شغل جامد (عربية عمر) و بالتالي مش مهم قوي موضوع ان بيعها تقيل بالنسبة لي قوي على الاقل خطة خمسية

انا بقى بشوف معروض منها من اول 75 لغاية 88 الف و بصراحة كل الف ليها تمن
يعني حالة ام 88 دي عاملة 40الف كم و صيانة توكيل و مفيهاش خدش

لكن انا حاسس ان علشان بيعها تقيل فممكن اخللي ال88 دول مثلا 83 ! هل ده اعتقاد شخصي ولا العربية دي توبها ايه بالظبط؟

السؤال برضه علشان اكون محدد اكتر: هل مجال الضغط على سعرها مع البائع كبير ام انها ماسكة سعرها عند الرقم ده؟

مع العلم انها في زمانها كانت من ام 130الف بلبل

حد يساعدني

انا طبعا عايز اشتري حتة سليمة بنسبة 90% لأني ناوي تبقى عشرة عمر
طب اروح بيها لفين يكشفولي عليها و يفلوهالي حتة حتة و تقرير كامل بجد مش هجص؟

و شكرا لكن من سيشارك

رد: ناوي على الكوبيه و عايز المشورة
 

فى كارفان اللى موجود فى الرحاب مركز خدمه معتمد و محترم جدا جدا

حاجه تانيه لو سمحت ممكن تغير صوره الارنوب الجميل ده

رد: ناوي على الكوبيه و عايز المشورة
 

شكرا للمعلومة

رد: ناوي على الكوبيه و عايز المشورة
 

هية العربية مجهولة قوي كده؟؟
محدش عنده نفاصيل تانية؟

رد: ناوي على الكوبيه و عايز المشورة
 

اعتقد ان التوكيل اضمن للكشف على السياره وبالاخص لوكانت صيانتها فى التوكيل.
لاكن بالنسبه للسياره فطبعا كشكل وستايل جامد جدا ومن الداخل
جميله جدا.
بس سمعت انا الموتور ضعييف بالنسبه لعربيه كوبيه
وعلى ما اعلم ان فيها ايرباج ومش عارف فيها فرامل abs ولا لا ؟
وفي مشكله كمان ياطارق : صعب تلاقى منهاحاله نضيفه وطبعا انت عارف ليه.
وبالنسبه لموضوع الموتور لو ينفع يتسقطلها موتور الالنترا بدون تعديل فى القواعد بتاعت الموتور (يعنى تفك وتركب فقط )
تبقى جامده جدا وبجد تبقى عربيه كوبيه شكلا واداء.
وربنــــــــا يوفقك ...........