هل ممكن أركب مثبت سرعة Cruise Control؟
السلام عليكم
عربيتى الأوكتافيا A4 موديل 2006 نازلة من غير مثبت سرعة فهل يمكن تركيبة واذا كان ممكن حد يعرف أركبة فين وتكلفتة كام؟ مع جزيل الشكر هشام باهى |
رد: هل ممكن أركب مثبت سرعة Cruise Control؟
إنتا دمااااااااااغك ناااااااااااار .. أنا معرفش بس الفكرة تجنن .. بس نصيحة لو مش بتسافر كتير بلاش تركبه
|
رد: هل ممكن أركب مثبت سرعة Cruise Control؟
السلام عليكم يا بدر باشا ... صباح الفل يا صديقى العزيز
شفت حل الفزورة المعضلة اللى عقدت أوباما ونتن ياهو وأسامة بن لادن؟ أهو يا سيدى الحل جابتة أصغر بناتى اللى فى KG1 أنا بسافر اسكندرية من مرة الى مرتين فى الشهر علشان أشوف والدتى وأخواتى وفعلا مثبت السرعة حيفرق معايا ايه ياترى علشان أثبتها "فوق" السرعة اللى ممكن الرادار يلقطها يعنى 201 كم/ساعة مثلا (what). لأ بجد فعلا حيفرق لأنى حافظ الطريق وعارف كل جزء ممكن أمشى علية كام ولمدة أد اية. بس ممكن أعرف أنت اية اعترضاتك علية؟ هو أنت عندك مثبت سرعة فى عربيتك؟ |
رد: هل ممكن أركب مثبت سرعة Cruise Control؟
لأ معنديش هو فكره حلوة جدا و أنا مش معترض تماما .. أنا كمان بسافر إسكندرية كتير علشان خاطب من عندكم بس المشي علي طريق إسكندرية فوق 200 خطر جدا .. خلي بالك من نفسك
|
رد: هل ممكن أركب مثبت سرعة Cruise Control؟
فى القاهرة قالولى "أهو دة اللى مش ممكن أبدا" ... فى اسكندرية قالولى: "مركبينة لمليون A4 هاتها ومالكش دعوة"!
"عمار يا اسكندرية" حتى المصروية بيخطبوا ويتجوزوا من اسكندرية!!! |
الساعة الآن 03:32 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017