مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- بيجو PEUGEOT (https://www.masrmotors.com/vb/forumdisplay.php?f=17)

- - شاري 405 من شهر (https://www.masrmotors.com/vb/showthread.php?t=115648)

شاري 405 من شهر

وعايز اعرف شويه حاجات عنها من اللي معاهم العربيه من زمان اولا عربيتي 405 موديل 1993 1600 عند تغيير زيت الموتور بتاخذ كام كيلو لاني في اول غيار حطيت 3.5 ك كما قال لي البعض ولكني عندما شوفت مقاس الزيت في الصباح وجدته عند العلامه السفلي فمش عارف ازود شويه ولا كده كويس ثانيا العداد الصغير علي يسار لوحه العدادات بتاع ايه بالضبط ثالثا العربيه بتسخن لان الرادياتير فيه شرخ بينزل الميه فلو حبيت اشتري واحد جديد يكون سعره كام ولو استيراد يبقي سعره كام وشكرا للجميع

رد: شاري 405 من شهر

اولاً مبروك العربية ربنا يهبك خيرها ويكفيك شرها
البيجو 405 عربية محترمة وقيمة وبتاعة شغل بس عايزة اعتناء بيها بالنسبة لمشكلة الريداتير ممكن تلحم الشروخ وتمشى بيها بس انصحك تاخد لفه فى الحرفيين او عزبة شلبى وتشوف اسعار الاستيراد وصلت ايه والحالات شكلها ايه وهنا فى المنتدى اعمل بحث هتلاقى اسعار بس غالباً قديمة وبالنسبة للزيت زود لحد ما المنسوب يتظبط علشان الفلتر بياخد زيت هو كمان وبالنسبة للمؤشر او العداد اللى ذكرته ده ياريت توضح اكتر بصورة

رد: شاري 405 من شهر

شكرا للاخ الكريم ابو نورا وان شاء الله هحاول ارفع صوره للعداد

رد: شاري 405 من شهر

مبروك عليك
مسألة الرادياتير لازم تحلها بتغييره و الاستيراد ممكن تجيبه فى حدود 350 ل 400 جنيه من الحرفيين أو من الدكتور اللى فى السلام عند مدرسة البى بى سى

و بالنسبة للزيت الموتو ر ال 1600 بياخد 3.5 لتر زيت مع تغيير الفلتر و 3.2 لتر بدون تغيير الفلتر

و الموتور 2000 سى سى بياخد 4.5 بدون و 5 لتر بالفلتر

رد: شاري 405 من شهر

اقتباس:

المشاركة الأصلية كتبت بواسطة m2rizk (المشاركة 899372)

بارك الله فيك وربنا يكرمك اخي هو فعلا اللي انا شاري منه قالي بحطلها 3.5 لتر بس لما بقيس الزيت الصيح قبل تدوير الموتور بيكون عند العلامه اللي تحت فمش عارف كدا كويس ولا ازود كمان لتر وبالنسبه للردياتير المستورد كويس ولا اشتري جديد احسن ولو جديد يعمل كام ولك جزيل الشكر