تقرير صيانة 20000 كم مازدا 3 2010
السلام عليكم عدت إليكم من جديد و بعد طول غياب و تقرير عن اخر صيانة للتحفة اليابانية ( الغير غبورية ) مازدا 3 2010 طبعا مش حاعيد عليكم القديم كله و أوجع دماغكم بمقدمات طويلة و رغي كتير ( مع إني عارف انكم بتحبوا رغيي جدا ) المهم نخش في صلب الموضوع في البداية الصيانة الأخيرة كانت على 12000 و المرة دي المفروض تكون 22000 بس أنا كسلت المرة دي لحد ما وصلت 25000 المهم طبعا زي مانتو عارفين أنا قررت ألا أتعامل مع غبور في الصيانة ( إلا للضرورة القصوى ) رحت أعمل صيانة في ورشة ابن خالتي في منطقة أبيس بالاسكندرية الورشة متخصصة في صيانة التويوتا مع إمكانية صيانة السيارات الأخرى الصيانة دي تشمل الاتي : تغيير زيت و فلتر موتور و فلتر هواء و فلتر تكييف دة غير تربيط العفشة و الفحوصات إياها ( مياة الريدياتير و البطارية و جميع الزيوت و السوائل و فحص بالكمبيوتر و خلافه ) الكلام دة في التوكيل بالسلاطات و بابا غنوج تتكلف حوالي 1400 جم !!!!!!!!! اه و الله 1400 جم لا تعليق !!!! أنا قررت ألا أغير فلتر التكييف و الهواء ( نظافة فقط لحين التغيير المرة القادمة إن شاء الله ) المهم سيبتلهم اعرية لمدة ساعتين ( مع العلم إن كان عندي ميزة إن أقف و اشوف كل حاجة بتحصل قدامي ) رجعت لقيت كل حاجة اتعملت و اكتر من اللي انا عايزه و عملت مقص للعجل بخلاف تربيط العفشة أن اشتريت الفلتر من عند واحد اسمه الرز في فيكتوريا و قالي إن عنده كل حاجات السيرفس بس معندوش لحد دلوقتي الاكسسوار ( صاج و فوانيس و خلافه ) الزيت من عند الورشة هما موزع معتمد لزيت VISCO الانجليزي هو صناعة إماراتي بس بشكروا فيه أوي و على فكرة أغلى من أي زيت تخليقي 10000 تمنه 250 جم الصيانة كلها اتكلفت 360 جم مع العلم بانهم غسلوا حوض الموتور باسبراي مخصوص ( سايكلو ) خلوه زي الفل بس الأسعار دي ليا أنا بس علشان قريبي ممكن لو حد تاني ياخدوا اكتر حاجة بسيطة + فلتر زيت = 25 جم ( كوري ) الاجمالي 385 جم و الحمد لله راضي و مبسوط و حاسس إن العربية فاقت مستنى ردودكم و اراءكم و اقتراحاتكم |
رد: تقرير صيانة 20000 كم مازدا 3 2010
اقتباس:
BP Visco http://img822.imageshack.us/img822/4...03167small.jpg http://img88.imageshack.us/img88/8391/imag0107a.jpg http://www.opel.in.th/index.php?acti...ach=6028;image http://t3.gstatic.com/images?q=tbn:A...HDm0Qdb6s_fJ8- ROSE4UROSE4UROSE4UROSE4UR OSE4UROSE4UROSE4U |
رد: تقرير صيانة 20000 كم مازدا 3 2010
الف مبروك يا ا.علي .....
وبيتهيقلي اراء الاخوه الاعضاء النوبه السابقه نصحوك انك تجرب وتعمل الصيانه النوبه خارج التوكيل......والتجربه خير دليل وربنا يباركلك في سيارتك ان شاء الله....ROSE4U |
رد: تقرير صيانة 20000 كم مازدا 3 2010
مبروك الافراج من غبور ومبروك الصيانة المهمة وربنا ميحوجكش لغبور ابداً يا رب ROSE4U
بس اعتقد ف الصيانة ديه كان المفروض تغير طقم بوجيهات كمان وتغير التيل الامامى وتبص على التيل الخلفى ايه ياترى |
رد: تقرير صيانة 20000 كم مازدا 3 2010
اقتباس:
ROSE4U اقتباس:
اقتباس:
المفروض حسب الجدول البوجيهات على 30000 كم و دة على الأقل و أنا ناوي أقعدهم أكتر من كدة كمان( دول الأصلي بتوع العربية) التيل برضه كشفت عليه لسة بخيره و تم تنظيفه و الطنابير زي الفل و الحمد لله شكرا لاهتمامك :fun_36_3_1[1]: |
الساعة الآن 07:23 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017