|
حكايتى ... مع الكردان
امبارح نزلت بعد الغدا روحت لمحمود عفشة صحبى فى عين شمس كلملى بتاع قطع الغيار وجالنا ديليفرى الآتى: صليبتين GMP يابانى وكرسى نص تقريبا تركى وبلية كرسى نص SKF يابانى =الفاتورة 100جنيه فكيت الكردان بنفسى كان محمود معاه شغل فكيت الصلايب وإتبقى الصمولة المتيلة بتاعت النص الأمامى اللى فيه المشرشرة المهم فكيناها ونطرنا البلية القديمة وركبنا الكرسى الجديد وبليته قفلنا الكردان كله بس نسيت إتجاة الحته الكبيرة اللى فى الكردان اللى بعد كرسى النص على الكارونة ( نسيت اتجاهها وتقريبا اتعكست يا كبير) المهم قعدنا بعد ماركبت الكردان وشربنا كوبيتين شاى وشوية كده قبل الفجر قلت اروح البنزينة أمون تموينة الأسبوع أخدت أولانى وتانى والحمدلله من التالت ونتا طالع رجه فى العربية من أقوى مايمكن كلمت محمود وقاللى أعدى عليه النهردة عشان يمكن نكون قلبنا الكردان فنجرب نرجعه الأول وقاللى ممكن الكردان يكون عاوز يترف قولتله ازاى احنا ماعملناش حاجة فيه قاللة ممكن يكون باظ من الدق عليه المهم أخد بعضى وروحت ع التجمع ماشى بسرعة 40 أقصى سرعة بعد كده عيش الـVibration النهردة العصر فكيت الكردان وقلبته عند الميكانيكى جنبنا وركبته ولسه ماجربتش بس انا متنكد اوى من امبارح ربنا يستر انا نازل كمان شوية احط بنزين واجرب |
رد: حكايتى ... مع الكردان
الحمد لله نزلت حطيت بنزين من عندنا هنا فى التجمع
والعربية الحمدلله الرجة راحت منها ورجعت لطبيعتها :fun_36_1_47[1]::12C186~161: |
رد: حكايتى ... مع الكردان
الحمدلله على سلامة سيارتك يا هشام باشا
سبق لى هذا الموضوع ايام 132 ولكن لم يعود الكردان كما كان وقمت بتغيرة :CHUBBY~36::CHUBBY~36::CH UBBY~36::CHUBBY~36: |
رد: حكايتى ... مع الكردان
الحمد لله انها جت علي اد كده انا عندي كمان محتاج اغير الصليبه عشان بتعمل صوت في الطلعه والمور بس مكسل
وكمان نفسي دلوقتي انزل افول 80 بس مكسل والوقت متأخر:CHUBBY~36: |
رد: حكايتى ... مع الكردان
اقتباس:
انا مصدقتش لما نزلت انه ممكن يكون فيه بنزين 80 بعد الساعة 10 هنا فى التجمع ربنا كريم والحمدلله انها رجعت لطبيعتها ، بعد كده هبقى أعلم إتجاه الكردان قبل ما أفك تخيل بقى لو لاقدر الله نسيت إتجاه شنبر زيت ولا بيل ولا سبيكة كان اه اللى حصل :CHUBBY~36: |
| الساعة الآن 10:29 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017