سـر اختفاء النيوسيراتو
مافيش نيوسيراتو لا عند الوكيل ولا المعارض المعتمده ! وكله بالحجز على 4 شهور ويقولوا كمان
مش مضمون الاستلام ولا اللون ! والخليجى الموجود مختلف عن اللى فى التوكيل ! وزى ماسمعت ممكن مسامير الجنط تكون مختلفه لدرجة قد لا تجدها فى التوكيل ! كمان ليس عندك حرية الاختيار فى الخليجى يعنى التاجر من دول عنده عربيه أو اتنين وانت وحظك ! مانيوال أو أول الآوتوماتيك أو الهايلاين ! يعنى من الآخر اللى هتلاقيها موش طلبك ! وكله مجمع ( التوكيل على التجار ) ان مافيش ال SX قلت يمكن التوكيل بعد وفاة المرحوم نصير موش عارف يلملم نفسه وأكيد فيه مرحله انتقاليه للورثه ! يعنى من الآخر من يملك المستندات القانونيه ليصبح الوريث ماديآ وفعليآ حتى يستطيع السحب من البنوك ثم الاتفاق مع شركة كيا ان هوه ده الوكيل الجديد ! وفى هذه الآثناء طبعآ مافيش سيارات ! زهقت وكلمت أخى فى الامارات يشترى لى واحده وأنا راجع من الشغل أجيبها ! ورد على اليوم مساء بأن كل النيوسيراتو اللى فى الامارات موديل 2009 اشتراها التجار المصريون ! بس مسقعينها لآول شهر 10 حتى يستفيدوا من ال10% خصم السنه الجمركى ! وفى نفس الوقت مافيش حاليآ موديل 2010 وبرده ح ينزل هناك فى 1/10 !! يعنى التجار المصريين عايزين يضربوا كذا عصفور بحجر واحد ! اشتروا العربيات بسعر اليوم فى الخليج وينزلوها فى 1/10 مع تخفيض فى الجمرك وتكون ال2010 نزلت بأسعار جديده عاليه بالتأكيد ! يقوموا همه كمان معليين شويه ! يبقى مكسب من 3 نواحى ! أعتقد ده تحليلى لموقف النيوسيراتو الغريب فى السوق دلوقت ! Dr. Bolbolan :waving: |
رد: سـر اختفاء النيوسيراتو
والله يادكتور اعتقد انه تحليل سليم
وخصوصا ان الجشع بقى مسيطر على كل التجار الا من رحم ربى تصدق بالله ان التوك توك بقى بالحجز هو كمان ptmnlo123per1127 |
رد: سـر اختفاء النيوسيراتو
يا دكتور عبد السلام عليك و علي الكويت
هتلاقيها هناك بكماليات اكتر من اي دولة تانية و ان شاء هتلاقي كل فئاتها لان الطلب عليها مش كتير و معتقدش ان التجار المصريين وصلوا هناك لان الاوبشنز العالية هتغلي تمنها في مصر و مش هيبقي عليها نفس الاقبال . للاسف انا لسه مصر فمعرفتش اسالك اذا ممكن تدخل الكويت باقامة السعودية ولا لا |
رد: سـر اختفاء النيوسيراتو
بس يادكتور
انا شوفت موديلات 2010 فى السوق فعلا |
رد: سـر اختفاء النيوسيراتو
يادكتور موديلات 2010 موجوده خليجي بالسوق فعلا وبكماليات أكتر من اللي موجوده في أعلى فئه لدى الوكيل
إضرب بس تليفون صغير وبعد كده مشوار اصغر منه لمعارض جابر عبدالشهيد .... وحتلاقي طلبك كخليجي بضاعه حاضره والتسليم وإنت واقف وده لينك لكل تليفوناته عشان تتأكد http://www.140online.com/Companies/C462846.aspx |
الساعة الآن 06:06 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017