مشكله فى الرشاشات
 

سلام عليكم
العربيه لاحظت من كام يوم ان فيه دخان اسود بدا يطلع وريحه البنزين كانه متحرقش كويس , فرحت للميكانيكى ونضف طقم الرشاشات واتظبط الموضوع فتره ورجع تانى .فقالى دى عايزالها طقم رشاشات لان الرشاشات فتحت تقريبا على حد قوله واستهلاك البنزين بقي عالى بشكل ملحوظ يعنى مش بيكمل 180 كيلو فى الصفيحه واقل كمان .
فسمعت ان فيه طقم رشاشات اكسنت بيركب عادى على اللانوس ويكون اوفر فى البنزين
فهل اشتري طقم رشاشات اكسنت اركبه وهل فعلا هيبقي اوفر فى البنزين والا اجيب طقم لانوس واهو بتاع العربيه والطبيعى بتاعها ؟
وانا سالت عليهم استيراد قالولى الاتنين نفس السعر 100 جنيه فى الحرفيين .
منتظر ردكم .

رد: مشكله فى الرشاشات
 

يبقى احسن بتاع العربية علشان لو ركبت اكسنت هيوفرلك شوية بس السحب هيقى ضعيف شوية بردة والفرق مش كبير فى التوفير خاليك فى بتاع العربية

رد: مشكله فى الرشاشات
 

شكرا لردك يازيزو بس هل لو الطقم مثلا بتاع اكسنت 1500 ...هياثر على السحب برده وهيوفر والا لا ؟

رد: مشكله فى الرشاشات
 

لو 1500 هتبقى هى هى بس هو المعروف اصلا عن العربيات الهيونداى وبالذات الاكسنت انها موفرة والله هقولك على موقف حصل معاية ناس قعديت تقول رشاشات النترا ملهاش حل اصل عندى كانت بتاخر فى الدوارة المهم روحت جبت رشاشات اللنترا 350جنية والله اتغيرت مرتين بسبب سحب البنزين بتاكل بنزين كتير قوى فعلشان كدة انا بقولك بتاعتها احسن علشان متجربش يبقى انت عارف استهلكها اية ومتعود عالية بس مش اقتر بس خالى بالك اللى هتشترى منة الرشاشات لازم يبقى عندة تغيير لية بقى علشان لو بتأكل بنزين او بتستهلاك بنزين يبقى انت فى السليم والمعروف انك بتجرها 48 ساعة علشان تشوف نظام السحب اية والدوار والاستهلاك والذى منة اوعى حد يضحك عاليك وتيجى ترجعها يقولك لا ساعتها هتبقى رخمة قوى وربنا معاك

رد: مشكله فى الرشاشات
 

الف شكر يازيزو وبما انك حلوانى وانا برده حلوانى ...فنصيحتك اشتريها منين هناك ؟ حتى لو هيكون فيه تغيير يبقي جمبي احسن من مشوار للحرفيين .