لمبة ال check منورة
 

عندى لمبة ال check على طول منورة حتى لو انا مدور العربية او وانا ماشى
مع العلم انى جايب العربية مستعملة من 3 شهور ومكنتش ميركز معاها ف مش عارف دى من ساعة ما جبتها ولا لا
و اول جبت العربية غيرت كل السيور ونضفت الحساسات
وكان حصل ان المواسير بتاعة الرادتير كانت مصدية و مخرومة و غيرتها
وكان يجى من اسبوعين كده كنت ماشى ب العربية و ركنت دقيقتين بالظبط لقيت الفيتس حالف انه مايديش غيار ودتهل ل ميكانيكى جنب العربية قالى دى قاعدة الفتيس اتكسرت و غيرناها
و قالى فى حاجات لازم تعملها تانى زى مفصلات الفيتس و البطحات اللى قدام بس بصراحة حاسس انه بيعمل شغل و الفترة اللى فاتت مش عارف اروح للمكانيكى بتاعى
ف ممكن يكون ايه الموضوع ؟؟
ولو هعمل عليها اسكان عايز واحد كويس و يكون قريب من شبرا ؟؟

رد: لمبة ال check منورة
 

فى البداية سحب العربية اخبارة اية وممكن بدل التكلفة راجع على كل الفيش والوصلات لان ممكن تكون واحدة واقعة وبكدة لمبة تشيك نورت. والبطاحات والكلام دة من ركوبك للعربية وبتهيألى مادام البطاحات باظت يبقى اكيد المساعدين باظو

رد: لمبة ال check منورة
 

حتى لو كان فية حساس سايب او مش راكب كويس ودلوقتى بقى كويس اللمبة مش هاتطفى لوحدها لازم تتحط على سكانر وتتطفى

رد: لمبة ال check منورة
 

رد: لمبة ال check منورة
 

للاسف انا مجربتش العربية دى خالص غير من كام يوم علشان دى بتاعة والدى و مش باخدها خالص بس انا حسو عادى
بالنسبة للفيش اللى موجودة فى العربية كلها ولا فيين بالظبط ؟
و المساعدين عندى زى الفل الحمد لله