سرقة علامات ماركة السيارات ظاهرة عجيبة
 

انا فوجئت امس بعد انهاء عملى والعودة الى سيارتى اللى راكنة فى الشارع ان علامات ماركة السيارة تم لطشها من امام ومن خلف السيارة - انا زعلت لان دى هي المرة الثانية اللى يحصللى فيها كدة والأغرب ان العديد من السيارات تم فعل نفس الشىء لهااللى على جنب الشارع بأكمله - والله يا جماعة انا موش فاهم ايه اللى بيحصل ده - الغريب ان سرقتها تم بغباء وبهدللى دهان السيارة - كل ده لآزالة العلامة من السيارة علشان يبيعها بعشرة جنية والله دا ما يرضيش حد - طب ليه - اتكلف 4 الاف علشان ارش تانى العربية
يا جماعة دى بقت ظاهرة اتفرجوا على السيارات بالشوارع هاتلاقوا كتير منها تم سرقة علاماتها انا مش فاهم ايه الفكرة ان بتاع التكتك يعلق عليه ماركات السيارات كلها ما كفاية عليه ماركة واحدة - والله انا اصبحنا شعب مريض نفسيا -لأن ده فى اعتقادى مابيحسلش فى اى حته فى الدنبا - والعجيب انك حتى مش عارف تعمل حاجة - لو رحت لآى قسم دا لو لقيته لسة ما ولعش -ولو لقيت حتى امين هتقول ايه ؟ اصل علامات السيارة اتسرقت طبعا ها تبقى شكلك وحش انك جاى تتكلم فى حاجة هايفة -
بجد بلدنا لما نلاقى مكان نركن فيه سيارتنا بأمان بأجر مناسب تسيب عربيتك وتروح شغللك حاطط بطيخة صيفى فيها ولما تخلص شغلك وترجع تلاقى كل شىء زى ما تركته - لا ازاز مكسور - ولا كاوتش مقطوع - ولا العربية مخبوطة ميت خبطة - ولا العلامات اتسرقت - ولا العربية متقلبة - ساعتها هاصحى من النوم واقول خير اللهم اجعله خير :)
المهم علامات الألنترا 2010الأصلية عاملة كام ؟ حد يقدر يفيدنا وهل هناك علامات غير اصلية وحل فيه حل لموضوع سرقة العلامات ده غير كهربه العربية :)
الله يخرب بيت التكتك واللى اخترعوه -

رد: سرقة علامات ماركة السيارات ظاهرة عجيبة
 

حسبيا الله ونعم الوكيل
ربنا يعوض عليك حاجه تحزن

رد: سرقة علامات ماركة السيارات ظاهرة عجيبة
 

حسبى الله ونعم الوكيل

رد: سرقة علامات ماركة السيارات ظاهرة عجيبة
 

بصراحة حاجة تغيظ
حسبى الله و نعم الوكيل

رد: سرقة علامات ماركة السيارات ظاهرة عجيبة
 

الشكوى بتاعة حضرتك سبق طرحها فى موضوع هنا
- وبصراحة حاجة مستفزة جدا ً ان حد يسرق العلامة ولا عدسات السينسور بارك واحيانا ً مريات الجنب وطبعا ً اللى بيعمل كدة بيبوظ حاجة جنبها وممكن يكسر الحاجة اللى بيسرقها برضو
- وبما ان حضرتك ممكن تتعرض للسرقة اكثر من مرة لانك هتركن فى نفس الاماكن
- يبقى تجيب علامة من اى محل اكسسوار رخيص وهى لا تتجاوز 10 جنيهات
- والزقها بدبيل فيس علشان لو اتاخدت تانى متسيبش اثر
- وانا اعرف انا الحاجات الصغيرة فى غبور ( مش هتلاقى الاصلية غير عندهم ) مبالغ جدا ً فى سعرها ممكن تجيب 15 واحدة من برة بثمن واحدة من غبور