مساعدة ضرووري جدا وبسرعة جدا لو سمحتو
 

السلام عليكم ورحمة الله وبركاتة
الموضوع بختصار شديد جدا انا امامي عربية ابيزا موديل 2002 وفيها شوية ملاحظات وعايز اخذ رايكم فيها يا ابيزاوية ويا ريت حد يرد علية بسرعة لو سمحتو
اولا : اكرة الباب الداخلية للباب الي جنب السواق مكسورة دي بتتصلح بكام
ثانيا : اكرة التابلوة الداخلي عايزة تتغير هل ليها قطع غيار ولا لا
ثالثا : لمبة الاير باج منورة بستمرار ولما سالت صاحبها وهو راجل محترم جدا قالي ان الدركسيون كان فية مشكلة واتحلت بس اللمبة مطفتش فهل ده صحيح ولا تكون الاير باج انفجرت قبل كدة وبعدين العربية فيها البلاستيك الي بيتربط في الفوانيس ( شداد الفوانيس ) مكسور ولما سالتو قالي علشان مغير الشنب الامامي فهل ده بيعيب العربية وبينقص في تمنها ولا لا
رابعا : مفيهاش غير مفتاح واحد فقط ومتشفر طبعا فهل فية حد بيعرف يطلع علي المفتاح ده وبكام يا تري
اخيرا : السنتر بيعلق مش بيفتح من المفتاح فهل ده لية علاج ولا لا لانو بيفتح من مفتاح السنتر بتاع الباب الي جنب السواق وبيتكلف كام علما بان العربية موديل 2002 وراشة برة كلها فمعلش دي تساوي كام لو حد عندو خبرة يا ريت يرد علية بسرعة ضروري لو سمحتم لاني المفروض اروح اكشف عليها بكرة ( الثلاثاء ) علشان اخلص فيها وبصراحة العربية عجباني انا اول مرة اركب ابيزا بس مبسوط من سمعتها الحلوة وارجو الرد سريعا وشكرا :Bravo:

رد: مساعدة ضرووري جدا وبسرعة جدا لو سمحتو
 

بجد انا نفسى اخدمك بس للاسف معنديش معلومات عن ال 2002 وياريت الابيزويه يشاركونا

رد: مساعدة ضرووري جدا وبسرعة جدا لو سمحتو
 

شكرا لمرورك واعتقد ان الابيزاوية ايد هيساعدونا لو يقدرو مستني الردوود وشكرا

رد: مساعدة ضرووري جدا وبسرعة جدا لو سمحتو
 

اولا السلام عليكم
ثانيا ما تقلقش من حاجة خالص حاجات الابيزا مفيش اكتر منها فى الحرفيين
ثالثا: اكرة الباب و اكرة التابلوة هاتهم من الحرفيين موجودين بكثرة و صراحة ما اعرفش سعرهم
لمبة الاير باج ممكن تنور عادى لو خلعت الدريكسيون و فصلت الفيشة بتاعتة لفترة 5 دقائق تقريبا و دة عادى جدا لو انت كنت بتغير مفتاح دراع النور او الاشارة و ممكن ترجع تنطفى عن طريق جهاز الكبيوتر الخاص بالسيارة دى و مدام هتروح علشان تطفيها عند مثلا محمد سمير بتاع جسر السويس هوة ممكن ساعتها عن كريق الكمبيوتر يديك تقرير كامل عنها
رابعا-المفتاح موش بيفتح السيارة الا عن طريق البرمجة و فية واحد فى الحرفيين واحد صاحبى قالى علية يقدر يبرمج المفتاح و سهل جدا تعمل مفتاح مشفر احتياطى ب 100ج على اقصى حد

خامسا الابيزا عموما محترمة جدا و حمالة اسية بس اكشف عليها كويس و شوف عاملة كام الف كيلو علشان مواعيد الصيانة بس عموما العربية سعرها من 38000 حتى 42000 لو رشة برة و كيلو متر معقول انت وشطارتك و ربنا يوفقك:1336:

رد: مساعدة ضرووري جدا وبسرعة جدا لو سمحتو
 

السلام عليكم

بخصوص "و فية واحد فى الحرفيين واحد صاحبى قالى علية يقدر يبرمج المفتاح و سهل جدا تعمل مفتاح مشفر احتياطى ب 100ج على اقصى حد"
ممكن العنوان ورقم التليفون

جزاك الله خيرا