عرض كامل للرينو 19 (عربيتى)
 

اولا:العربيه الرينو 19 ابتدت من سنه1988
وكان الشكل الموجود هو الهاتش باك
اتغيرت تماما فى سنه 1991 للشكل الجديد السيدان المعروف حاليا
ثانيا المواتير:
1-مواتير بنزين(1.4-1.6-1.8)
2-مواتير الديزل(1.8-1.8 تربو)
ثالثا الكماليات:
1-تكييف
2-باور ستيرنج(طبعا زيت)
3-زجاج كهربى(امامى فقط)
4-سنتر لوك(ريموت للسنتر مدمج فى المفتاح)
رابعا الجوائز:
سيارة العام 1989 (اسبانيا)
<LI style="DIRECTION: rtl; TEXT-ALIGN: right">سيارة العام 1989 (المانيا) <LI style="DIRECTION: rtl; TEXT-ALIGN: right">السيارات المستورده # 1 1989 وعام 1990 (المانيا) <LI style="DIRECTION: rtl; TEXT-ALIGN: right"> سيارة العام 1993 (الارجنتين)

رد: عرض كامل للرينو 19 (عربيتى)
 

شكلها عزيزه عليك العربية دي أو أنت من الناس اللي بتقدر الأشياء

ربنا يباركلك فيها

وياريت صور عشان نتعرف على الأموره :w6w2005041113562663

رد: عرض كامل للرينو 19 (عربيتى)
 

تسلم يا بوب بس برغم الجوائر ديه كلها العربية ديه ملقاش سوق هنا فى مصر خالص والناس بتهرب منها مش عارف ليه

رد: عرض كامل للرينو 19 (عربيتى)
 

هى فعلا عربيه محترمه والله مش عشان هى عربيتى انما عشان هى فعلا عربيه قويه بالنسبه لفئتها
(منزلش مصر منها غير الموتور ال1.4 بنزين بس)
ونجيب صور يا باشا انت تأمر
الصور هتكون موجوده بأذن الله

رد: عرض كامل للرينو 19 (عربيتى)
 

الناس بتهرب من العربيه دى عشان اشاعات قطع الغيار لان الناس كلها مقتنعين ان اسعار قطع غيارها غاليه(مع مراعاه انها معمره عن الكورى جدا)
يعنى انا حضرنى موقف انى لما كنت هشترى العربيه دى(اشتريتها مستعمله من فتره)
انا ليا ميكانيكى محترم جدا وبتعامل معاه من حوالى 10 سنين فباخد منه الكلام ثقه جدا
المهم عديت عليه فى يوم وبقوله انا عايز اشترى عربيه رينو 19 كان هيعيط وانا بكلمه وبلاش وحرام وقطع غيار الرينو غاليه مش اى ميكانيكى بيشتغل فيها كلام كتير كده وانا عمال احاول اقنعه انه يجى يتفرج عليها وهو يقولى طيب ننزل نشترى هيونداى اكسيل-هيونداى اكسنت(عشان السعر)
المهم انا اصريت انه يجى معايا وفعلا جه معايا وشاف العربيه
وسبحان الله لما شافها قالى كويسه جدا وانا برجعه الورشه قلت اسأله قلتله ايه رأيك قالى:
عربيه حلوه وناعمه واسعه (وقال بالفظ :دى فرنساوى)سبحان الله بعد ما كان بيقولى متجيبش دى وابعد عنها قلتله يعنى بلاش اكسيل قالى لا دى احسن بكتير
قلت الحمد لله واعتمدت على الله وخدتها والحمد لله هى كويسه معايا
(الموعظه من الحكايه دى ان الرينو-ستروين الاتنين دول فرنساوى وجامدين جدا ومش واخدين حقهم فى مصر خالص عشان الاشاعات والكورى وقطع الغيار واشاعه ان ميكانيكتها معقده)
على العموم اى حد برضه محتاج اى معلومه انا موجود

رد: عرض كامل للرينو 19 (عربيتى)
 

والله يا بوب انا معاك فى ان جوده وخامات الفرنساوى اكيد اعلى من الاوربى بس بردو الفيصل اسعار قطع الغيار وايه موجود جديد واية مش موجود غير استيراد

رد: عرض كامل للرينو 19 (عربيتى)
 

كلامك صحيح جدا يا ابو نورا
انما برضه انا ممكن احسبها انه صحيح سعر قطعه الغيار اعلى بس بكل تأكيد كفاءه اعلى وقوه تحمل اعلى
يعنى قطعه الغيار الغاليه دى هتدينى اداء وهتعيش معايا اطول(ممكن تدوب حتتين من الكورى او الصينى)
يبقى انا فى الوقت ده كسبت تلات حاجات
1-قطعه اقوى وانضف واعلى فى الاداء
2-وفرت الوقت اللى هقضيه عند الميكانيكى او التوكيل ايا كان
3-وفرت المصنعيه اللى هدفعها للميكانيكى(لما القطعه تعيش عمر قطعتين يبقى هتوفرلك وقتك والمصنعيه اللى هتدفعها عشان تشيل القطعه القديمه وعشان تركيب القطعه الجديده)
يبقى انت كده كسبان ولا لا:w6w200504111340266d