مصر موتورز مجتمع السيارات - سؤال بخصوص الفرامل ودواسة الفرامل؟؟؟؟

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - سؤال بخصوص الفرامل ودواسة الفرامل؟؟؟؟ (https://www.masrmotors.com/vb/showthread.php?t=80778)

سؤال بخصوص الفرامل ودواسة الفرامل؟؟؟؟

السلام عليكم ورحمة الله وبركاتة ..
انا عندى دواسة الفرامل بتمسك فرامل على مستوى واطى والفرامل اليد كانت ضعيفة فاروحت للواحد بتاع تيل فرامل عملى رجلاش للعجل الخلفية واخد هوا برضة للعجلات الخلفية الفرامل اليد بقت تمام والدواسة رفعت بس حاجة بسيطة ..
المهم فقلتلة خدلى هواء من العجل الامامى فقالى لالالالالالا انا مش باخد هواء من العجل الامامى ولما سالتة عن السبب قالى العربيات دى مش بيتاخد هوا قدام ..
فرحت لميكانيكى شاف الدواسة وقالى كويسة مافيهاش مشاكل كدة تمام قولتة عن اية السبب ان ماينفعشى اخد هواء للعجلات الى قدام وحكيتلة اية الى حصل معايا عند بتاع التيل فاكد كلامة وقلى بلاش تاخد هوا للعجلات الامامية ...
ارجو من خبراء المنتدى الرد على فى المشكلة دى ان اية المشكلة فى ان اخد هواء من اعجلات الامامية..

رد: سؤال بخصوص الفرامل ودواسة الفرامل؟؟؟؟

بصراحة اول مرة اسمع ان غلط ناخد هواء للفرامل الامامية !!!!!!!!!!
هو اية اللى هايحصل يعنى
هل عندك مثلا مسمار الهواء للفرامل الامامية تالف او مفوت او مطبب ؟؟؟؟؟؟؟؟؟

رد: سؤال بخصوص الفرامل ودواسة الفرامل؟؟؟؟

لا مافيش مشاكل فى المسامير الى قدام فى العجلات ولا مطبوبة انا بصيت عليهم من كام يوم ....

رد: سؤال بخصوص الفرامل ودواسة الفرامل؟؟؟؟

في ناس كتير بتحب تفتي
بيتاخدلها هوا عادي زيها زي اي عربيه تانيه هو بس شكله مكانش فاضي وعايز ينجز

رد: سؤال بخصوص الفرامل ودواسة الفرامل؟؟؟؟

فعلا بتوع الفرامل بيكسلوا ياخدوا هوا او يظبطوا أى حاجة ع الماشى
لازم توقف العربية ويرفع الأربع عجلات ويفك عجلة عجلة ويطلع البساتم من الخزن بتاعتها ويركبلها أساتك جديدة ويغسل دورة الفرامل ويجيب زيت جديد وياخد هوا ، ويحط زيت تانى
ويرجلش الفرامل ورا وترجع بعد يومين تلاتة يقولك هنرجلش تانى وطبعا عشان الفيزيتة
لو إحتجت اى حاجة فى الفرامل فى الخدمة
تقبلوا مرورى