|
ركبت بلية عجل امامى للاكسيل وصوته طلع بعد 100 كيلو مشى فقط اعمل ايه؟؟
السلام عليكم ورحمة الله وبركاته كنت زى ما انتم عارفين اثناء تركيب المساعدين اكتشفنا ان البلي الامامى امام الراكب الامامى بايظ بس مكنش بيطلع صوت ابدا بس العجله كانت بتلوق (لو هزيت فرده الكاوتش لبره وجوه هتلاقيها بتتهز ) المهم روحت جبت بليتين كورى الاتنين ب 65 جنية وجينا نركبهم اكتشفنا ان مكانهم فى السره واسع فعملنالها تخشينه ب صفيح وركبوا كبس كان المكان مش واسع ولا حاجه المهم قفلنا على كده وجه اول امبارح طلعنا على فايد وطول الطريق كان كله تمام بس اول ما عديت 100 كيلو من الطريق واحنا رايحين بداء صوت البلية اللى ركبناها صوتها يطلع بطريقه فظيعه كأن فيه موتسيكل ماشى جنبك وساعتها ريحت شوية علشان اشوف فيه ايه ملقيتش حاجه وطبعا كميت طريقى تانى رايح 50 كيلو كمان وراجع 150 كيلو بمعدل كلى للرحلة 150 رايح و 150 جاى يعنى 300 كيلو فياترى ليه البلية باظت على طول كده وايه السبب ان صوتها يطلع بعد اول 100 كيلو مشى بس ليها ياريت تقولولى طيب هل لو علشان المكان واسع ممكن اجيب بليه تبقى اوسع شوية ولا اجيب سره استيراد وخلاص ياريت تقولولى |
رد: ركبت بلية عجل امامى للاكسيل وصوته طلع بعد 100 كيلو مشى فقط اعمل ايه؟؟
طيب هى حاليا الفردة بتلق ؟
وهل تم كبس البلية بطريقة سليمة ؟ وكده البلي القديم سليم :fun_36_3_16[1]: |
رد: ركبت بلية عجل امامى للاكسيل وصوته طلع بعد 100 كيلو مشى فقط اعمل ايه؟؟
اقتباس:
انا فعلا مش عارف هل الفرده اللى تم تغير البلى الجديد ليها بتبق ولا لا لانى مرفعتش العربيه من ساعتها للاسف بس بكره هروح اشوف فيه ايه عند الراجل واتمنى يفتح لانى عاوز اعمل مشاوير كتير بس بأجل فيها بسب البلية ديه وصحيح يا استاذ محمد كنت بتصل بيك يا باشا فى وقفة العيد عاوز اسلم عليك بس حضرتك مرضيتش كنت بتسن السكاكين للخروف ولا ايه:3mla::3mla::3mla: |
رد: ركبت بلية عجل امامى للاكسيل وصوته طلع بعد 100 كيلو مشى فقط اعمل ايه؟؟
اقتباس:
الصح انك تجيب صره جديده وسبب تلف رولمان البلى الجديد ان ممكن يكون البليه بتلف على جسم الصره وده بيعمل تسخين واحتكاك زائد للبلى بيحرق الشحم الموجود فى البليه وبتبدأ البليه تأكل فى نفسها نصيحه عند شراء البلى خذ رقم البليه واشتريها من محل بيع رولمان بلى ولا تشتريها من عند تاجر قطع غيار السياره وتختار نوع skf ولو أمكن تقول له عايزها نفس الرقم وc3 وده رمز السرعات العاليه يبقى سره جديده وبليه ماركه محترمه وان شاء الله تنسى المشكله دى وما تتكرر |
رد: ركبت بلية عجل امامى للاكسيل وصوته طلع بعد 100 كيلو مشى فقط اعمل ايه؟؟
بص يا استاز سيد انا الموضوع ده حصل معايا السنه الي فاتت اول مجبت الريو بتعتي هي 2002 وغيرت بلي مرتين والمرتين بيبوظ بعدها بيوم او اتنين بلكتير لحد مجبت جمبين استيراد للعربيه وسعتها كان العجل فيه بوش زي بتاع حضرتك كده بس انا معملتش بقي تخشينه انا بعد المرتين ال البلي باظ فيهم المكانيكي قلي تجيب جنبين استيراد احسن والعربيه اشتغلت تمام بقالي يومين بردو البلي قرفني وباظ تاني وخايف بردو من موضوع الجنبين ده لانهم غلين جدا بس المكنيكي قلي مفيش بوش في العجل يبقي هنجيب بلي بس ونركبو والاعضاء المحترمين قلولي علي نوع بلي اجيبو اسمو ksf وده في موضوع انا عملو من يومين اسمو مشكلة البلي في ريو ..... وربنا يكرمنا جميعا وعدلنا المشاكل دي علي خير
|
| الساعة الآن 01:12 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017