مصر موتورز مجتمع السيارات - مشكله مش فاهمها في دايرة التبريد

العربيه ستروين اكسار 2 اوتو عامله 100 الف كيلو
المشكله الي عندي ان العربيه بتبرد زياده اوي عن اللزوم وهنا هانقسم الموضوع لجزئين وياريت تستحملوني لأني مش طالب غير اني افهم بس

الجزء الأول وده المهم الي هو جوه شوارع القاهرة الجميله المليئه بالزحام العربيه تبقي تام التمام المروحه تشتغل علي 91 وتفصل علي 89 وهكذا ولكن تيجي تقف في شويه زحمه المرواحه تفضل شغاله لحد ما العربيه تبرد وممكن توصل عند ال 70 ةتفضل شغاله لحد مابطل العربيه ولو دورت تاني عالاطول في ساعتها ساعات المروحه تشتغل علاطول اول مادور وساعات لا وترجع تشتغل عادي طيب تسألني عملت ايه ياعم الحج
هاقولك انا المروحه عندي 3 سرعات وفي مقاومتين و3 ريلاهات طبعا شكيت في الريلاي لكن لقيته شغال تمام التمام بيلقط ويسيب اذن هو جايله اشارة انه يشتغل راجعت علي حساس الحرارة والترموستات الكهربا برده تمام ايه بقي المشكله مش عارف
الشك الي في دماغي دلوقتي وهو حرارة زيت الفتيس بما ان الفتيس اوتو وفي حساس حرارة زيت بس هل ده ممكن يخلي المروحه شغاله طول مانا ماشي .

الجزء التاني : في الطرق السريعه انا لسه مغير الريداتير من يومين قبل ماغيره كانت الحرارة علي الطرق السريعه ممكن توصل ل 95 مع الحرق بس الريداتير القديم كان ضايع متلحم 50 لحام ومواسير ملغيه وطينه المهم بعد ماغيرته وجبت واحد جديد العربيه بقت تبرد وتوصل ل 75 هل ده ممكن يكون ثرموثتات الكوعه معلقه مفتوحه ولما غيرت الريداتير الموضوع بقي ملاحظ ؟؟

وفي حاجة تانيه مش عارف ليها علاقه بالموضوع ده ولا لا بس بجمله الأسئله بقي لو ماشي وبعدين جيت بطلت ودورت تاني بعدها بدقيقه مثلا الاقي الحرارة اعلي واول مادور المروحه تشتغل سريع وتبردها مثلا اكون مبطل والحرارة 90 اما اجي ادور بعدها بدقيقه الاقيها 100 تقوم المروحه شغاله سريع وترجعها 90 هل القصه دي ليها علاقه بالكوعه برده لأن الثرموثتات الكهربي الي بيدي للمؤشر راكب علي الكوعه