مصر موتورز مجتمع السيارات - رايكم فى اللانوس 2010 زيرو اشترى ولا استنى شوية

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - رايكم فى اللانوس 2010 زيرو اشترى ولا استنى شوية (https://www.masrmotors.com/vb/showthread.php?t=29226)

رايكم فى اللانوس 2010 زيرو اشترى ولا استنى شوية

السلام عليكم و رحمة الله و بركاتة انا عاوز نصيحة منكم فى انى عاوز اشترى لانوس 2010 زيرو بس سامع كلام عن تغير جزرى فى اللانوس عن قريب من شيفورلية

على شان نبقى واضحين مع بعض و تعرفو تنصحونى كويس انا هاشترى السيارة دى و اخترتها لية

1- القوة الشرائية ليها بعد 3 سنوات هتبقى كبيرة يعنى مش هاغلب فى بيعها لانها مطلوبة ( و هذا سر ابتعادى عن سبرانزا M11 )
2- سعرها مناسب مع امكانياتى مقدمة و قسط
3- قطع غيار متوفرة و رخيصة
4- شغل العربية اسمع من الناس الى راكبة لانوس انها ممتازة (متور - تكيف - عفشة )

الحاجات الى مضيقانى منها

شكلها بصراحة مش على مزاجى بس مش مشكلة مزياها الى انا اعرفها عن السيارة اكتر بكتير

لو سمحتم بقى انا عاوز نصيحة كدة منكم ليا لانى بشتغل فى التامين و بسمع كلام كتير و من الاخر كدة مافيش عربية عليها اجماع ابدا انها ممتازة و ياريت لو فى ماركة احسن تقولو لاخوكم و انصحوة و انا انصحكم فى التامين لانى بصراحة مش هاقدر اغير العربية الا بعد فترة لا تقل عن 4 سنوات فا مش عاوز اشرب العربية

رد: رايكم فى اللانوس 2010 زيرو اشترى ولا استنى شوية

موديلات 2011
جزء منها نزل ........... والباقى على وصول
نتمنى وجود تغيير جذرى لرائعه دايو وشيفروليه ...... لانوس
يليق بالسياره
ونتمنى لو تنزل اتوماتيك كمان

رد: رايكم فى اللانوس 2010 زيرو اشترى ولا استنى شوية

تمام طيب هيبقى سعرها كام لو سمحت

رد: رايكم فى اللانوس 2010 زيرو اشترى ولا استنى شوية

الى الان لم تنزل الاسواق
شيفروليه لانوس 2011
فى انتظار نزولها الاسواق
مع التوقع بمفاجأه من منصور شيفروليه
فى لانوس 2011

رد: رايكم فى اللانوس 2010 زيرو اشترى ولا استنى شوية

الشفولية لانوس عربية كويسة وهى هى الدايو لانوس لا تغير فى الماتور او العفشة او الامور الداخلية
عربية كويسة اقتصادية فى كل شى
عربية مطلوبة فى اعادة البيع
عربية كويسة بكل المقايس عن تجربة شخصية من عام 2001 الى الان والى ما بعد كدة

بالنسبة لموديل 2011 مفيش تغير وهو هو الشكل ومحدش ينسى ان العربية لسة منصور مستلمها من سنتين يعنى ملحقش يفكر انة يغير والانوس صعب ان يحدث فيها تغير

استخير ربنا وتوكل على الله ولو محتاج اى مساعدة قولى